13
Gumazim Godɨn akurvazim bagh an azangsɨsi
Devit onger akar kam osiri.
An onger akar kabar faragha zuir gumazim gɨnɨghnɨgha onger akar kam osiri.
1 Jop 13:24; Onger Akaba 88:14; Aisaia 59:2O Ikiavɨra Itir God, nɨ manadɨzoghɨn ua na gɨnɨghnɨgham?
Nɨ ti bar na gɨn amadagha ma?
Nɨ manadɨzoghɨn uan guam nan akaghtɨma kɨ an ganigham?
2 Nɨ manadɨzoghɨn osɨmtɨzir kɨ isir kaba gɨvagham?
Dɨmagariba ko aruebar, mɨzazir kaba ti nan ikɨvɨra ikiam, o?
Nɨ manadɨzoghɨn nan akuraghtɨ,
kɨ ua apanibar apengan ikian kogham?
3 Jeremaia 51:39O Ikiavɨra Itir God, nɨ nan God.
Nɨ na gɨnɨghnɨgh kɨ nɨ ko mɨgeir mɨgɨrɨgɨaba baragh.
Egh gavgavim ua na danightɨ kɨ ovengan kogham.
4 Onger Akaba 25:2; 35:19; 38:16Apaniba kamaghɨn mɨkɨman markɨ suam,
e anebɨragha gɨfa.
Kɨ irɨghamin arazir kam, me an ganigh a bagh bar akueghan markɨ.
5 Kɨ nɨghnɨzir gavgavim kamaghɨn ikia ghaze,
nɨ nan apangkuvigha ikia kamaghɨra iti.
Nɨ nan akurvaghasa kɨ bar ifonge.
6 Onger Akaba 116:7; 119:17Bar guizbangɨra, Ikiavɨra Itir God bar deravɨra na gami.
Kamaghɨn kɨ an ziamɨn onger akabar amuva,
ziar ekiam a danɨngam.