16
Gumazim nɨghnɨzir gavgavim ikia God ko mɨgei
Devit onger akar kam osiri.
Onger akar kabar mam, me ziam Miktam, a garɨsi.
1 Onger Akaba 7:1; 17:8O God, nɨ deragh na geghuv egh nan gan.
Kɨ deraghvɨra ikiasa nɨ bagha iza nɨn aven modi.
2 Kɨ kamaghɨn Ikiavɨra Itir God mɨgɨa ghaze,
“Nɨ nan Ekiam.
Bizir aghuir kɨ datɨrɨghɨn itiba,
da nɨn agharimrama otifi.”
3 Onger Akaba 101:6; 119:63Godɨn gumazamizir nguazir kamɨn itiba,
me bar gumazamizir aghuiba.
Kɨ me ko ikiasa bar akonge.
4 Josua 23:7; Onger Akaba 32:10; 106:37-38Gumazamizir aseba bagha ivemara zuiba,
me osɨmtɨzir avɨriba ateram.
Kɨ me ko uari akuv asebar ziaba fɨ,
asɨzibav sogh me ko ofa damuan aghua.
5 Onger Akaba 23:5; 119:57; 125:3Ikiavɨra Itir God, nɨrara nana, bizir igharaziba ua puvatɨ.
Bɨzir kɨ oteveziba, nɨ da na ganɨdi.
Ezɨ nan ikɨrɨmɨrim nɨn dafarimɨn iti.
6 Jeremaia 3:19Kɨ bizir aghuiba nɨn dafarimɨn da ini.
Bar guizbangɨra, bizir kaba da bar guizbangɨra dera.
7 Onger Akaba 73:24; 77:6Ikiavɨra Itir God nan sure gamima, kamaghɨn kɨ an ziam fe.
Nan navir averiam dɨmagaribar nan sure gamima,
kɨ datɨrɨghɨn deraghavɨra nɨghnɨgha bar bizibagh fo.
A bar roghɨra ikia gavgavim na ganɨdima,
kɨ atiatiava agoir puvatɨ.
9 Onger Akaba 13:5; 30:12; 108:1Kamaghɨn nan navir averiam bar akonge.
Ezɨ nan duam bar akonge.
Ezɨ nan mɨkarzim bar bizitamɨn atiatir puvatɨ.
10 Onger Akaba 49:15; 86:13; Aposel 13:35Kɨ fo, nɨ na ateghtɨ kɨ Gumazamizir Oveaghuezibar Nguibamɨn magɨran kogham.
Nɨ gumazir ua baghavɨra inabazim ateghtɨ,
a mozir konimɨn ikɨ kurighan kogham.
11 Onger Akaba 36:7-8; 43:4Nɨ uabɨ ikɨrɨmɨrir aghuarim iniamin tuavim nan akagha gɨfa.
Kɨ nɨn damazimɨn ikɨtɨ, nan navir averiam agorogem bar a gizɨvagham.
Kɨ nɨn boroghɨra ikɨ zurara bar akueghvɨra ikiam.
16:1: Onger Akaba 7:1; 17:8
16:3: Onger Akaba 101:6; 119:63
16:4: Josua 23:7; Onger Akaba 32:10; 106:37-38
16:5: Onger Akaba 23:5; 119:57; 125:3
16:6: Jeremaia 3:19
16:7: Onger Akaba 73:24; 77:6
16:8: Onger Akaba 27:8; 73:23
16:8: Aposel 2:25-28
16:9: Onger Akaba 13:5; 30:12; 108:1
16:10: Onger Akaba 49:15; 86:13; Aposel 13:35
16:11: Onger Akaba 36:7-8; 43:4