32
Gumazim uan arazir kurabar gun God mɨgeima, an an arazir kuraba gɨn amada
Devit onger akar kam osiri.
Me onger akar kam kamaghɨn a dɨbori, Maskil.
God men arazir kuraba gɨn amadagha da avara,
eghtɨ gumazamizir kaba bar akuegham.
2 Jon 1:47; 2 Korin 5:19Gumazamizir arazir kurabagh amiba, God men arazir kuram mengvɨra ikian koghtɨ,
arazir ifavaritam an ikian kogham,
eghtɨ gumazamizir kaba bar akuegham.
3 Onger Akaba 31:10; 38:8; 39:2-3O God, kɨ uan arazir kurabar gun nɨ mɨkemezir puvatɨgha,
dɨmagariba ko aruebar ara kamaghɨra ikia
ghua nan aghariba bar nan amɨra.
4 Dɨmagariba ko arueba, nɨ ivezir kuram na ganɨngizɨ
nan gavgaviba bar gɨfa.
Mati aruer ekiam nguazim gaboima a bar mɨsɨngi.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
5 Ofa Gami 26:40; 2 Samuel 12:13; Jop 31:33; Onger Akaba 103:12; 1 Jon 1:9Datɨrɨghɨn kɨ uan arazir kuraba bar dar gun Ikiavɨra Itir God mɨkemezɨ,
an ada gɨn amadagha gɨfa.
Egha kɨ uan arazir kuratam modozir puvatɨ,
kɨ bar da aghurigha nɨ mɨkeme.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
6 Onger Akaba 46:1-3; 69:1; 69:13Kamaghɨn dera, nɨn gumazamiziba osɨmtɨziba bativ,
egh zurara nɨ ko mɨkɨmtɨ,
osɨmtɨzim aperiar ekiamɨn mɨn me avigh mangɨsɨ izɨ,
me avigh mangɨghan kogham.
7 Gumazir Dapaniba 5:1-31; Onger Akaba 31:20; 91:1; 121:7Nɨrara nan mogomer danganim,
kɨ nɨn aven modima osɨmtɨziba na abɨrir puvatɨ.
Kɨ osɨmtɨzibar aven itima,
nɨ na ekɨarugha nan akurvasi.
Kamaghɨn kɨ pamten dia ighiabagh amua nɨn ziam fe.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
8 Onger Akaba 25:8; 33:18Ikiavɨra Itir God ghaze,
Tuavir nɨ mangamim,
kɨ nɨn sure damu deragh nɨ gegharaghtɨ, nɨ an mangam.
Kɨ deravɨra nɨn sure damu egh nɨn gan nɨ geghuvam.
9 Nɨ hoziaba ko donkibar mɨn onganan markɨ,
mati me ain ko benir ruaribar men akabagh aghuigha me getuima me izi.
Puvatɨghtɨ me izeghan kogham.
10 Onger Akaba 16:4; Aghuzir Akaba 13:21; Rom 2:9Gumazir arazir kurabagh amiba osɨmtɨzir avɨriba bativam.
Ezɨ gumazir nɨghnɨzir gavgavim Ikiavɨra Itir Godɨn itiba,
me zurara an apangkuvir ekiamɨn aven deragh ikiam.
11 Onger Akaba 7:10; 64:10; 97:12Ia gumazamizir arazir aghuibagh amiba,
Ikiavɨra Itir God ia bagh amizir biziba, ia da bagh naviba deragh bar akongegh.
Ia Godɨn damazimɨn zuezir gumazamiziba,
ia bar pamten dɨm mɨkɨm bar akongegh.
32:1: Onger Akaba 85:2; 103:3
32:1: Rom 4:7-8
32:2: Jon 1:47; 2 Korin 5:19
32:3: Onger Akaba 31:10; 38:8; 39:2-3
32:5: Ofa Gami 26:40; 2 Samuel 12:13; Jop 31:33; Onger Akaba 103:12; 1 Jon 1:9
32:6: Onger Akaba 46:1-3; 69:1; 69:13
32:7: Gumazir Dapaniba 5:1-31; Onger Akaba 31:20; 91:1; 121:7
32:8: Onger Akaba 25:8; 33:18
32:10: Onger Akaba 16:4; Aghuzir Akaba 13:21; Rom 2:9
32:11: Onger Akaba 7:10; 64:10; 97:12