39
Gumazir osɨmtɨzim itimɨn akam
Devit onger akar kam osiri.
An onger akar kamɨn faragha zuir gumazim Jedutun gɨnɨghnɨgha onger akar kam osiri.
1 Onger Akaba 141:3; Kolosi 4:5; Jems 3:2Kɨ uabɨra uabɨ mɨgɨa ghaze,
“Kɨ amir araziba bagh deravɨra uabɨn ganam.
Kɨ uan mɨzem bagh deraghvɨra gantɨ, a na isɨ arazir kuratam datɨghan kogham.
Gumazir kuraba na ko ikɨtɨ,
kɨ mɨzer otuaritam mɨkɨman kogham.”
2 Kɨ bar nɨmɨra ikia, egha bizir aghuitam bar a mɨgeir puvatɨ.
Kamaghɨn, nan osɨmtɨzim bar ekevegha ghuavanabo.
3 Kɨ bizir kam dughiabar zurarama a gɨnɨghnɨghavɨra ikia,
nan navir averiam osɨmtɨzim a gizɨvavɨra iti.
Ezɨ kɨ mɨgɨa ghaze,
4 Onger Akaba 90:12“O Ikiavɨra Itir God, nɨ nan ikɨrɨmɨrimɨn dughiamɨn ruarim nan akagh.
Kɨ dughiar manamrama ovengam?
Nɨ na mɨkemegh,
kɨ nguazir kamɨn ikiamin ikɨrɨmɨrim a ruara, o an otefe?”
5 Onger Akaba 62:9; 90:4; 144:4Nɨ ti nan ikɨrɨmɨrimɨn dughiabagh amizɨ da bar otefe.
Nan ikɨrɨmɨrimɨn dughiar kam nɨn damazimɨn a pura bizimɨn oto.
Gumazamiziba bar, men ikɨrɨmɨrim mati gumazim akamɨn amɨnim giverazɨ a zui.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
6 Gumazamiziba bar, men ikɨrɨmɨrim mati aruem temem gisirazɨ an nedazim otogha iti.
Egha me bizir avɨriba iniasa puvɨra ingari, ezɨ men ingangarir kaba pura zui.
Gumazamiziba angamɨra ikia bizir avɨriba uari bagha da akuva, egha fozir puvatɨ,
men ovevemɨn gɨn tinara da iniam.
7 O Ekiam, kɨ datɨrɨghɨn ua tina mɨzuamam? Puvatɨ.
Nan nɨghnɨzir gavgavim nɨrara ikɨtɨ, kɨ zurara nɨ mɨzuamam.
8 Nɨ nan arazir kuraba gɨn amadagh, egh uam na inigh.
Nɨ gumazir kurar onganibar amamangatɨghtɨ
me na dɨpova nan ingarvakan markɨ.
9 Nɨ uabɨ osɨmtɨzir kam na ganɨngi.
Ezɨ kamaghɨn, kɨ akam akarigh bizitam mɨkɨman kogham.
Kɨ uan akam dukuagh pura ikiam.
10 Nɨ ivezir kuram isɨ na danɨngvɨra ikian markɨ.
Nɨ mɨzazim na gasezɨ kɨ atam areme.
11 Nɨ gumazimɨn arazir kuram ikarvagha osɨmtɨzim a ganɨdi.
Egha bizir a ifongeziba, nɨ bar dagh asɨghasɨsi,
mati barereba ko omebaba da apima da mazava akuaghiri.
Bar guizbangɨra, gumazimɨn ikɨrɨmɨrim mati amɨnim varagha ghu.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
12 O Ikiavɨra Itir God, nɨ nan azangsɨziba baragh.
Egh nan ararem baregh nan akuragh.
Nan temeriba irir dughiar kam, nɨ kuarim atɨgh na baragh.
Nɨ fo, nan ovaviba dughiar otevimɨn nguazir kamɨn ikezɨ moghɨn,
kɨ uaghan dughiar otevimɨn nguazir kamɨn ikiam.
13 Nɨ ivezir kuram ua na danɨngan markɨ.
Nɨ na ateghtɨ kɨ uabɨra ikɨtɨ, nan navim tong deraka.
Egh kɨ gɨn ovegh nguazim bar anetaghɨragham.