41
Gumazim arɨava uabɨn akurvaghasa God ko mɨgei
Devit onger akar kam osiri.
An onger akar kabar faragha zuir gumazim gɨnɨghnɨgha onger akam osiri.
1 Aghuzir Akaba 14:21Gumazir onganarazibagh amir gumazamizibagh nɨghnɨgha men akurvazim, a bar akongegh.
Guizbangɨra, an osɨmtɨzim ikiamin dughiamɨn Ikiavɨra Itir God an akurvagham.
2 Onger Akaba 27:12Ikiavɨra Itir God deragh a geghuv an gantɨ, an angamɨra ikiam.
A uan nguazimɨn ikɨtɨ, Ikiavɨra Itir God bar deragh a damuam.
God aneteghtɨ apaniba uan ifongiamɨn gɨn mangɨ anebɨraghan kogham.
3 Gumazir kam arɨmamin dughiamɨn, Ikiavɨra Itir God a ko ikɨ gavgavim a danɨngam.
Egh an arɨmariam damightɨ, a deragh ghuamaghegham.
4 Ezɨ kɨ uabɨ, nan mɨgɨrɨgɨam kamakɨn,
“O Ikiavɨra Itir God, kɨ nɨn akam batuegha arazir kuram gami.
Eghtɨ nɨ nan apangkuvigh nan arɨmariam agɨfagh.”
5 Nan apanibar naviba nan ikuvigha na dɨpova kamaghɨn mɨgei,
“A zuamɨra aremeghtɨ deragham,
eghtɨ e ua a gɨnɨghnɨghan kogham.”
6 Gumazir iza nan garir maba, me ifara pura mɨgɨrɨgɨar kɨnibar na mɨgei.
Me na mɨkɨm nan azang kamaghɨn foghasa, kɨ arɨmariar kuram iti.
Egh azenan danganiba bar dar mangɨ nan arɨmariamɨn gun me mɨkɨmam.
7 Apaniba bar na gifongezir puvatɨ,
egha nan arɨmariamɨn gun aghumra uarira uari geghari.
Me kamagh nɨghnɨsi, bizir kuram na gasɨghasigham.
8 Me kamaghɨn mɨgɨa ghaze,
“Bizir bar kuram a inigha gɨfa.
A uan mɨsiar irɨghav itim ategh dɨkavighan kogham.”
9 2 Samuel 15:12; Onger Akaba 55:12-13; 55:20; Jeremaia 20:10; Matyu 26:23; Mak 14:20; Luk 22:21; Jon 13:18Nan roroar aghuim, kɨ nɨghnɨzir gavgavim an iti.
Gumazir na ko dagheba apim, nan apanimɨn oto.
10 O Ikiavɨra Itir God, nɨ nan kuarkuvigh egh nan arɨmariam agɨfagh.
Eghtɨ kɨ gumazir kabar arazir kurar kam ikaraka.
11 Apaniba na abɨraghan koghtɨ,
kɨ fogh suam, nɨ bar na gifonge.
12 Nɨ nan gari, nan daroriba nɨn damazimɨn dera.
Kamaghɨn amizɨ, nɨ ua na inigh nan suiraghtɨ
kɨ nɨn boroghɨn ikɨ mamaghɨra ikiam.
13 Onger Akaba 106:48E Ikiavɨra Itir Godɨn ziam fam, a Israelian God.
Eghtɨ gɨn otivamin ovaviba bar, me uaghan an ziam fam.
Guizbangɨra!
Bar guizbangɨra!