53
Gumazamizibar arazir kuraba
(Onger Akaba 14)
Devit onger akar kam osiri.
Kar onger akar kabar faragha zuir gumazimɨn onger akam.
A gumazamizibav kemezɨ me Mahalatɨn tiarimɨn ighiar kam bange.
A gumazamizibav kemezɨ me Mahalatɨn tiarimɨn ighiar kam bange.
Me onger akar kam kamagh a dɨbori, Maskil.
1 Onger Akaba 10:4; 14:1Rom 3:10-12Gumazamizir onganiba uan navir averiabar aven nɨghnɨgha ghaze, “God itir puvatɨ.”
Gumazamizir kaba me bar gumazamizir kurabara.
Me bar moghɨra arazir aghuitam gamir puvatɨ.
2 2 Eghaghaniba 15:2; 19:3; Onger Akaba 33:13God uan Nguibamɨn pɨn ikia nguazimɨn itir gumazamizibar gari,
men tav ti nɨghnɨzir aghuim ikia a gɨfofoghasa a buri,
ti puvatɨ.
3 Me bar tuavir aghuim ataki.
Me bar moghɨra ikuvigha magh gari.
Men tav arazir aghuitam bar a gamizir pu.
Bar puvatɨ.
4 God kamaghɨn mɨgɨa ghaze,
“Gumazamizir arazir kuram gamiba, nɨghnɨzir aghuitam men itir puvatɨ.
Me bret apava anegevi moghɨn, me nan gumazamiziba a gefi.
Egha me tong na ko mɨgeir puvatɨ.”
5 Gumazamizir kamaghɨn amiba atiatir bar dafam me bativam.
Fomɨra atiatir kamaghɨn garitam me batozir puvatɨ.
Guizbangɨra, God bar uan gumazamizibar apanibar aghua.
Me ariaghirezɨ, a men aghariba tintinibar da kavkɨnizɨ, da irezɨ, me bar aghumsɨki.
Kamaghɨn, a bar me gafiragha gɨfa.
6 Kɨ kamaghɨn ifonge, Israelian akurvaghamin gumazitam Saionɨn nguibamɨn ikegh azenan izɨ.
God uan gumazamizibar akuraghtɨ me deravɨra ikɨtɨ, Jekopɨn ovaviba bar akuegham.
Guizbangɨra, Israelian naviba deragham.