55
Gumazim God an akurvaghasa, an a ko mɨgei
Devit ighiar kam osiri.
Kar onger akabar faragha zuir gumazimɨn onger akam.
A gumazir gitabav sozibav kemezɨ me ighiam bange.
A gumazir gitabav sozibav kemezɨ me ighiam bange.
Me onger akar kam kamaghɨn a dɨbori, Maskil.
1 O God, kɨ nɨ ko mɨgei nɨ na baragh.
Nɨ uan kuarim dukuaghan markɨ.
2 Kɨ nɨ ko mɨgeir mɨgɨrɨgɨaba, nɨ deragh da baregh,
egh uamategh da ikaragh.
Osɨmtɨzir kam bar na gasɨghasɨghasava ami.
3 Nan apaniba na gasɨghasɨghasa pamtem mɨgei.
Gumazir kurar kaba na abɨri, ezɨ nan navir averiam derazir puvatɨ.
Me osɨmtɨzir avɨriba na garɨgha puvɨra nan atara,
bar nan apanim gami.
4 Onger Akaba 18:4-5; 116:3Bizir kam na gami, nan navim bar na baseme.
Ezɨ kɨ bar atiatigha aremeghasava ami.
5 Atiatim bar puvɨra nan anadima kɨ agoa nɨzima,
atiatim bar na avara.
6 Jop 3:13Ezɨ kɨ ghaze,
“Kɨ kuarazir bunbamɨn mɨn avɨziba ikɨtɨ deragham.
Kɨ danganitamɨn mangɨ ikɨ avughsɨsɨ, mɨghegh an mangam.
7 Kɨ mɨghegh saghon mangɨ,
gumazamiziba puvatɨzir danganimɨn avughsɨ ikiam.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
8 Kɨ zuamɨra mɨghegh mangɨ ua bagh danganitamɨn apigh,
egh uabɨ modogh amɨnir ekiam ko amozim gitagham.”
9 O Ekiam, kɨ gari, gumazamiziba nguibar ekiamɨn aven mɨdoroziba fora dagh ami da otifi.
Kamaghɨn nɨ nan apanir kabar mɨzebar amightɨ,
da osemeghtɨ me deragh bizibav kɨman kogham.
10 Arueba ko dɨmagaribar me nguibar ekiamɨn dɨvazir gavgavibagh isɨn arui.
Nguibar ekiamɨn gumazamiziba arazir kurar avɨribagh amua osɨmtɨzibagh ami.
11 Nguibar ekiar kamɨn aven an danganiba bar,
gumazamiziba tintinibar uari gasɨghasɨghasava amua, arazir igharazibagh ami da otifi.
Tuavir mɨriaba ko biziba amaga dagh ivezir danganiba bar,
gumaziba gumazir igharazibav gɨa me abɨra,
ifara pura men biziba isi.
12 Nan apanitam akar kuram na mɨkemeghtɨ,
kɨ pura uabɨ abɨragh purama an akamɨn osɨmtɨzim ateram.
Gumazir kɨ fozitam akatam na gasɨ na mɨkɨmtɨ
kɨ uabɨ isɨva an modogham.
13 2 Samuel 15:12; Onger Akaba 41:9Ezɨ nɨrara, nɨ bar nan namakamra.
Nɨrara, nɨ nan roroamra, egha bar nan boroghɨra iti.
Egha nɨrara nɨ arazir kurar kabar na gami.
14 Ga fomɨra uaning ko aruava bizibar uaning mɨgɨa,
gumazamizir igharaziba ko Godɨn Dɨpenimɨn zui.
15 Arazir kuram bar nan apanibar naviba ko dɨpenibagh izɨfa.
Kamaghɨn amizɨ, me zuamɨrama arɨmɨghireghasa kɨ ifonge.
Me angamɨra itir dughiamɨn,
me Gumazamizir Oveaghuezibar Nguibamɨn mangɨ.
16 God nan akuraghasa kɨ an dei.
Eghtɨ Ikiavɨra Itir God, nan akuragh ua na iniam.
17 Mɨzaraziba ko aruer arɨziba ko dɨmagaribar,
kɨ uan osɨmtɨziba bagh a ko mɨkɨmɨva arangtɨ
a na baragham.
18 Gumazir avɨriba na ko mɨsosi,
ezɨ kɨ osɨmtɨzir ekiatam uan mɨkarzimɨn a inizir puvatɨ.
God bar deraghavɨra nan gara uamategha na inigha izi.
19 Bar fomɨra, God atrivimɨn iti, egha datɨrɨghɨn atrivimɨn ikiavɨra iti.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
Gumazir Godɨn atiatir puvatɨziba, me uan arazir kurabagh ighan aghua.
Kamaghɨn amizɨ, God uabɨ nan azangsɨzim baregh, egh mɨdorozimɨn apaniba abɨragham.
20 Nan namakam, a uan namakabara mɨsosi.
Egha me ko fomɨrama amizir akar dɨkɨrɨzim abɨki.
21 Onger Akaba 12:2; 28:3; 59:7; Aghuzir Akaba 5:3-4A uan akamɨn, akar isɨngtɨzibar na mɨgei, egha nan apanim gamuavɨra iti.
A uan akamɨn na ko navir amɨrizimɨn ikiasa mɨgei.
Ezɨ mɨzer otevir a mɨgeiba, da mati mɨdorozir sabar ghumtɨzimɨn mɨn na aghori.
22 Onger Akaba 37:5; 1 Pita 5:7Osɨmtɨzir nɨ aterir kaba bar, nɨ da isɨ Ikiavɨra Itir Godɨn dafarim datɨgh,
eghtɨ an ada ater gavgavim nɨ danɨngam.
Gumazir Godɨn damazimɨn deraziba,
a me ateghtɨ bizitam me gasɨghasighan kogham.
23 O God, gumazir gumazibav sozi me ariaghɨriba ko, gumazir ifariba,
me uan igiabara ikɨvɨra ikɨtɨ, nɨ me batueghtɨ me mozir bar konimɨn magɨrɨgh bar ovengegh.
Eghtɨ kɨ uabɨ nɨghnɨzir gavgavim nɨn ikɨ
mamaghɨra ikiam.