60
Gumazim uabɨn akuragh uabɨ iniasa, God ko mɨgei
Devit ighiar kam osiri.
Gumazir ighiabar faragha zuim a gumazamizibav kɨmtɨ, me tiarir kamɨn gɨn mangɨ ighiar kam bangam, “Akar Dɨkɨrɨzir Gavgavimɨn akɨmarir aghuim.”
Ighiar kam kamagh en sure gami. Bar fomɨra Devit Sirian gumaziba ko mɨsosi, kar Mesopotemian nguazim ko Soban kantrin adarasi. Ezɨ Joap uamategha izegha Idomɨn kantrin ghua Danganir Zarir Amangsɨzir Avɨrim Itimɨn ikia, me mɨsogha men 12,000pla gumazibav soghezɨ me ariaghire. Dughiar kam Devit ighiar kam osiri.
Onger akar kabar mam, me ziam Miktam, a garɨsi.
1 2 Samuel 8:13; 1 Eghaghaniba 18:12O God, nɨ akɨrim ragha e gasaragha uam en garir puvatɨzɨ,
en apaniba e mɨsogha e abɨra.
Nɨ adarim en ikia kamaghɨn ami,
nɨ datɨrɨghɨn uamategh izɨ en akuragh.
2 Nɨ Israelɨn nguazim gamizɨ mɨkɨmkɨzim a batozɨ a tongɨra bigha torir bar ekiam iti.
Nɨ a gamizɨ a bigha akuar pumuning iti.
Kamaghɨn, nɨ uam an akuamning inigh aning dukuaghtɨ a ua gavgafigh.
3 E nɨn gumazamiziba, nɨ osɨmtɨzir avɨriba e ganɨngi,
mati nɨ wainɨn onganim e ganɨdima, e anepava ongani.
4 Aisaia 5:26; 11:10-12Nɨ nir avɨzitam fegh ghuavanaboghtɨ,
nɨn atiatia nɨn apengan iti darazi an ganigh fogham.
Eghtɨ men apaniba men agɨntɨghtɨ,
me arɨ izɨ nɨn nir avɨzim batogh an apengan deragh ikiam.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
5 Nɨ bar ifongezir darazi bar deravɨra ikiasa,
nɨ uan agharir guvir gavgavimɨn en suiragh en akuragh.
Nɨ en azangsɨzim baragh!
6 God uan Dɨpenimra ikia ghaze,
“Kɨ apaniba ko mɨsogha me abɨragha gɨfa.
Kɨ datɨrɨghɨn Sekemɨn nguibamɨn nguazim ko Sukotɨn danganir zarim abɨgh,
egh uan gumazamizibar anɨngam.
7 Guizbangɨra, Gileatɨn nguazim ko Manasen nguazim, aning nana.
Ezɨ Efraimɨn nguazim a nan mɨdorozir dapanir asuamɨn mɨn iti.
Ezɨ Judan nguazim mati nan atrivir fidizim.
8 Moapɨn kantri, a nan itarir dɨpar kɨ ruemɨn mɨn iti.
Idomɨn kantri, a nan danganir kɨ uan dagarir asuaba arɨzimɨn mɨn iti.
Ezɨ Filistiaba, kɨ mɨdorozimɨn me abɨragha bar akuegha pamten dei.”
9 O God, tinara na inigh gavgavim itir nguibar kamɨn aven mangam?
Tina nan faragh mangɨtɨ, kɨ Idomɨn kantrin ekiamɨn aven mangam?
10 O God, nɨ akɨrim ragha e gasaras ti?
Nɨ ti en mɨdorozir gumazibar akurvaghan aghua?
11 Onger Akaba 118:8; 146:3O God, gumazibar gavgavibar akurvazim a pura bizim.
Kamaghɨn amizɨ, nɨ en akuraghtɨ e uan apaniba ko mɨsogham.
12 E fo, Godɨn akurvazimra, e uan apanibav sogh me abɨnigham.
A uabɨ en apanibav sogh me agɨvagham.