Akɨnafarir namba 5
107
(Onger Akaba 107--150)
Gumazamiziba osɨmtɨzibar aven ikia Godɨn deima, a men apangkuvigha men akura
1 1 Eghaghaniba 16:34; 2 Eghaghaniba 5:13; 7:3; Esra 3:11; Onger Akaba 100:5; 106:1; 118:1; 136:1; Jeremaia 33:11Ikiavɨra Itir God a dughiabar zurara en dera,
a zurara en apangkuva ikia mamaghɨra iti.
Kamaghɨn amizɨ, e a mɨnamam!
2 Ia, Ikiavɨra Itir God ua inizir gumazamiziba,
ia bar a mɨnabɨ.
Guizbangɨra, a ian akuragha en apanibar dafariba da ia inis.
3 An aruem anadi naghɨn ko aruem uaghiri naghɨn ko not ko sautɨn itir gumazamiziba,
bar ia akuvagha ia inigha ize.
4 Ezɨ ian marazi gumazamiziba puvatɨzir danganimɨn ikia
tintinibar arua deragha fozir puvatɨ,
me nguibatamɨn boroghɨn iti o puvatɨ.
5 Ezɨ mɨtiriaba ko kuariba men pɨra men azi,
ezɨ me ghaze,
me gɨvagham.
6 Me osɨmtɨzir kamɨn ikia,
egha Ikiavɨra Itir Godɨn diava an azangsɨzima,
a men osɨmtɨzir kamɨn aven men akura.
7 A me inigha biaghatɨgha ghua
nguibar ekiar me an aven dapiamin mamɨn me atɨ.
8 Kamaghɨn, Ikiavɨra Itir God zurara men apangkuvigha
arazir aghuimɨn me gamizir bizim bagha,
me a mɨnabɨ.
9 Onger Akaba 34:10; Luk 1:53Guizbangɨra, a kuariba pɨrir adarasi,
dɨpaba me ganɨdima, me apa bar izefi.
Ezɨ mɨtiriaba azi darasi,
a dagheba me ganɨdima, me apa bar izefi.
10-11 Jop 36:8; Aisaia 9:2; Luk 1:79Ezɨ ian marazi Godɨn Bar Pɨn Itimɨn akam batuegha,
egha an akam baraghizir puvatɨ.
Kamaghɨn, me kalabusɨn dɨpenimɨn ikia egha mɨtater kuramɨn iti.
Men apaniba ainɨn senba isa me ikezɨma
me osɨmtɨzir ekiamɨn aven iti.
12 Ezɨ God me dɨkabɨrazɨ,
me asaghpora ira ingangarir ekiam gamua
men gavgaviba bar gɨfa,
ezɨ men akurvaghamin gumaziba puvatɨ.
13 Me osɨmtɨzir kamɨn ikia,
egha Ikiavɨra Itir Godɨn diava an azangsɨzima,
a men osɨmtɨzir kamɨn aven men akura.
14 Onger Akaba 68:6; 146:7; Aposel 12:7Ikiavɨra Itir God me inigha men senba fɨrigha,
danganir mɨtater kurar kamɨn me inigha
azenan ize.
15 Kamaghɨn, me Ikiavɨra Itir God zurara men apangkuvigha arazir aghuimɨn me gamizir bizim bagh,
a mɨnamam.
16 Me fo, a gumaziba brasɨn gavgavimɨn ingarizir tiaba abɨagharɨgha,
kalabuziar dɨpenimɨn ain baba akaragharɨsi.
17 Guizbangɨra, ian marazi bar arazir kurabagh ami.
Egha arazir kurar me amir kaba bangɨn
me arɨmariar kuraba ini.
18 Me dagheba inian aghuagha
ovengasava ami.
19 Men ikɨrɨmɨrim ikuvizɨ me pazavɨra ikia,
egha Ikiavɨra Itir Godɨn dei.
Ezɨ a men akuragha men osɨmtɨzir kam agɨfa.
20 A uabɨ mɨgeima,
an akar kam men mɨkarzibagh amizɨ da ua dera.
Ezɨ a matmatiamɨn ua me ini.
21 Kamaghɨn, me Ikiavɨra Itir God zurara men apangkuvigha arazir aghuimɨn me gamizir bizim bagh,
a mɨnamam.
22 Me a mɨnamamin ofabar amuva,
an amizir bizir aghuibar gun gumazamizibav kɨmsɨ
bar akongegh onger akabar amu.
23 Ezɨ ian marazi kuribar aven ingara
ongarir ekiaba bar dagh arua
egha biziba amaga dagh ivesi.
24 Kurimɨn ingarir gumazir kaba, me Ikiavɨra Itir God amizir bizir kabar gani.
An ongarir ekiamɨn bizir aghuir kabagh ami.
25 A mɨkemezɨ, amɨnir ekiam ongarir konimɨn oto,
egha ongarim fema, a dɨkafi.
26 Ezɨ kuriba a gisɨn bar pɨn uavanaga egha bar vɨn mar uaghiri.
Ezɨ kurimɨn ingarir gumaziba bar atiatingi,
me fo me bar moghɨra bar ikuvigham.
27 Me gumazir dɨpar onganiba amegha onganigha purama aruibar mɨn
kurim gisɨn arui,
egha kurimɨn akurvaghamin nɨghnɨziba bar puvatɨ.
28 Me osɨmtɨzir kamɨn aven ikia,
Ikiavɨra Itir Godɨn deima
a men akuragha men osɨmtɨzim agɨfa.
29 An amɨnir ekiam gamizɨ an amɨra,
ezɨ ongarim amɨragha
uaghirɨgha ua dɨkavir puvatɨ.
30 Me ongarimɨn gari an amɨragha irɨghav itima,
me bar akonge.
Ezɨ Ikiavɨra Itir God me inigha
nguibar me mangɨ ikiamin ongarir mɨkebamɨn ghu.
31 Kamaghɨn, me Ikiavɨra Itir God zurara gumazamizibar apangkuvigha arazir aghuimɨn me gamizir bizim bagh,
a mɨnamam.
32 Me gumaziba uari akuvir danganibar Godɨn gumazamiziba ko uari akuv,
egh me an ziar ekiamɨn gun mɨkɨm.
Me gumazir aruaba ko dapi bizibav kɨm,
dughiar kamɨn me Ikiavɨra Itir Godɨn ziam fam.
33 Ikiavɨra Itir God faner ekiaba ko dɨpar atuibagh ami,
da dati.
34 Egha nguazir dagheba deragha aghuim gamizɨ,
a ragha otogha amangsɨzir nguazimɨn otozɨ
bizitam bar an otogha aghuir puvatɨ.
Nguazir kamɨn itir gumazamiziba arazir kurabagh ami,
kamaghɨn, Ikiavɨra Itir God osɨmtɨzir kaba me ganɨngi.
35 Egha gɨn Ikiavɨra Itir God, gumazamiziba puvatɨzir danganir mɨdiariba,
dɨpar akareba dagh arɨsi.
Egha nguazir dɨpaba puvatɨzibar,
a faneba arɨghizɨma da afora ivemari.
36 Me nguazir kabar mɨtiriaba azir gumazamiziba arɨki,
ezɨ me nguibar ekiamɨn ingarigha an aven iti.
37 Ezɨ me dagheba opara, egha wainɨn beniba opari,
egha dagher avɨriba ikia, wainɨn ovɨzir avɨriba iti.
38 Ikiavɨra Itir God uan gumazamiziba bar deragha me gami,
ezɨ me borir avɨriba bate.
Ezɨ a bulmakaun avɨriba me bagha dagh amizɨ
da otifi.
39 Men apaniba me ko mɨsogha,
bar me dɨkabɨragha osɨmtɨzir bar ekiam me ganɨngi.
40 Ezɨ Ikiavɨra Itir God men apanibar gumazir dapanibagh amizɨ,
me pura bizir kɨnibar mɨn iti.
A me gamizɨ me tintinibar arua
danganir mɨsɨngizir tuaviba puvatɨziba, pura dagh arui.
41 Gumazir biziba puvatɨziba, osɨmtɨzir avɨribar aven iti,
ezɨ a men akurazɨ, me deragha iti.
A men amizibagh amizɨ, me borir avɨriba bati.
Ezɨ men adarazi avɨrasemegha mati sipsipɨn bɨzibar mɨn bar avɨraseme.
42 Ezɨ gumazamizir Godɨn damazimɨn deraziba, bizir kamɨn ganigha
men naviba bar men dera.
Ezɨ gumazamizir kuraba mɨkɨman asagha
purama akabar kumigha nɨmɨra iti.
43 Eghtɨ ia gumazamizir nɨghnɨzir aghuiba itiba,
ia deraghvɨra bizir kabagh bar dagh nɨghnɨgh.
Egh kamagh akam akarigh suam,
Ikiavɨra Itir God bar en apangkuvigha ikia
mamaghɨra iti.
107:1: 1 Eghaghaniba 16:34; 2 Eghaghaniba 5:13; 7:3; Esra 3:11; Onger Akaba 100:5; 106:1; 118:1; 136:1; Jeremaia 33:11
107:9: Onger Akaba 34:10; Luk 1:53
107:10-11: Jop 36:8; Aisaia 9:2; Luk 1:79
107:14: Onger Akaba 68:6; 146:7; Aposel 12:7