140
Gumazim deragh uabɨn ganasa God ko mɨgei
Devit onger akar kam osiri.
A gumazir onger akabar faragha zuim gɨnɨghnɨgha an osiri.
1 O Ikiavɨra Itir God, nɨ nan akuraghtɨ,
gumazir kuraba ko mɨdorozibagh amir gumaziba, na gasɨghasɨghan kogham.
2 Me zurara uan navir averiabar aven arazir kurabagh nɨghnɨgha,
zurara gumazamizibar tongɨn adaribagh amima,
da otifi.
3 Rom 3:13Men mɨzebar otivir akaba,
kuruzir ataribar mɨn bar ghumi.
Me gumazibagh asɨghasɨghasa mɨgeir akaba,
men akatoribar ikia mati kuruzim imezir kuram an aven iti.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
4 O Ikiavɨra Itir God, nɨ deragh nan gantɨ,
gumazir kurabar gavgavim na abɨraghan kogham.
Nɨ uan dafarimɨn na avaraghtɨ
gumazir mɨsoziba na gasɨghasɨghan kogham.
5 Gumazir uari uan ziaba feba, nan suighasa na bagh azuazim benir gavgavibar an ingarigha a gura.
Me asɨzimɨn mɨn nan suighasa a isa nan tuavim gatɨ.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
6 Kɨ Ikiavɨra Itir God mɨgɨa ghaze, Nɨ nan God.
O Ikiavɨra Itir God, nan ararem baregh nan akuragh.
7 O Ikiavɨra Itir God, nɨ nan Ekiam,
nɨ gumazir bar gavgavir ekiam itim,
nɨ nan akuragh ua na inigh.
Kɨ faragha apaniba ko mɨsozi,
nɨ na modozɨ kɨ deraghavɨra iti.
8 O Ikiavɨra Itir God, gumazir kuraba iniasa mɨgeir biziba,
nɨ da me danɨngan markɨ.
Egh arazir kurar me damuasa akabav sogheziba,
nɨ dar damightɨ da guizɨn otivan markɨ.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
9 Apanir na ekɨaruzir kaba uari fe.
Nɨ me damightɨ me na abɨnan kogham.
Bizir me na damuasava amiba,
nɨ da otevkɨnightɨ da meraram otiv.
10 Nɨ dagɨar isibar avim amadaghtɨ a me girɨ men isi.
Tarazi nɨ me isɨ torir konimɨn me kunightɨ
me uam anangan tuaviba puvatɨgham.
11 Gumazir akaba igharaz darazi gasiba,
men akatam guizbangɨram otoghan kogham.
Kamaghɨn dera, gumazir mɨsoziba,
bizir bar kuratam me batogh bar me agɨfagh.
12 O Ikiavɨra Itir God, kɨ fo, gumazamizir onganaraziba nɨ men akurvasi.
Egha osɨmtɨziba itir gumazamiziba,
nɨ deragha men osɨmtɨzibar gara me akɨrmɨsi.
13 Guizbangɨra, gumazamizir aghuiba nɨn ziam fɨ,
zurara nɨ ko ikɨ kamaghɨra ikiam.