7
144,000plan Israelɨn gumazamiziba, God me ginabazir osizirim, enselba me garɨsi
Jer 49:36, Dan 7:2, Sek 6:5 Jeremaia 49:36; Daniel 7:2; Sekaraia 6:5Bizir kaba gɨvazɨ kɨ garima, enselɨn 4pla nguazimɨn 4plan apɨnibar tuivighav iti. Me nguazimɨn 4plan amɨnibar tuaviba apɨri, eghtɨ amɨnim mangɨ ongarim ko nguazim ko temeba bar dagh ivangan kogham. Ezɨ kɨ enselɨn igharazimɨn garima, an aruem anadi naghɨn ikeghav anadi. A Godɨn Zurara Itim inabazir osizirim an iti, egha a enselɨn 4plan God ongarim ko nguazim gasɨghasɨghamin gavgavim anɨngiziba pamten men dei. Ese 9:4-6, MAA 6:6, 9:4, 14:1, 22:4 Esekiel 9:4-6; Akar Mogomem 6:6; 9:4; 14:1; 22:4A kamaghɨn mɨgei, “Ia zuamɨra nguazim ko ongarim ko temebagh asɨghasɨghan markɨ. God uan ingangarir gumazamizibagh inaba. E faragh uan Godɨn ingangarir gumazamiziba, inabazir osizirim men guabar an osirigh gɨvaghtɨ, ia gɨn bizibagh asɨghasɨgh.”
MAA 9:16, 14:1-3 Akar Mogomem 9:16; 14:1-3Ezɨ kɨ orazi, me inabazir gumazamizir osizirim inizibar dɨbobonim dɨbori. Me 144,000plan gumazamiziba, inabazir osizirim me garɨsi, me Israelɨn kantrin aven itir 12plan anababa, vaghvagha men varazira, osizirim ini.* Osizirir kamnagh “Israelɨn kantrin aven itir 12plan anababar,” gun mɨgei. E Aruamu e ghaze, anabam, kar amebam o amizimɨn ghuzim. Ezɨ Israelia me ghaze, anabam, kar afeziamɨn ghuzim, egha me afeziabar gɨn zui.
 
Kamaghɨn amizɨ 12,000plan Judan anabamɨn aven itir darasi,
me inabazir osizirim ini,
ezɨ 12,000plan Rubenɨn anabamɨn adarasi,
ezɨ 12,000plan Gatɨn anabamɨn adarasi,
ezɨ 12,000plan Aserɨn anabamɨn adarasi,
ezɨ 12,000plan Naptalin anabamɨn adarasi,
ezɨ 12,000plan Manasen anabamɨn adarasi,
ezɨ 12,000plan Simeonɨn anabamɨn adarasi,
ezɨ 12,000plan Livain anabamɨn adarasi,
ezɨ 12,000plan Isakarɨn anabamɨn adarasi,
ezɨ 12,000plan Sebulunɨn anabamɨn adarasi,
ezɨ 12,000plan Josepɨn anabamɨn adarasi,
ezɨ 12,000plan Benjaminɨn anabamɨn adarasi.
 
Gumazamizir kaba, God me ginabazir osizirim ini.
Gumazamizir bar avɨrim Godɨn ziam fe
Ro 11:25, MAA 3:5, 3:18, 4:4, 5:9 Rom 11:25; Akar Mogomem 3:5; 3:18; 4:4; 5:9Egha kɨ gɨn ua garima, gumazamizir avɨrim uari akuvagha iti. Gumazitam men avɨrim mengan iburagham. Gumazamizir kaba, me kantriba bar ko anababa bar ko mɨkarzir igharagha gariba bar ko nguibabar akaba bar dar gumazamiziba, men marazira izegha iti. Egha me atrivir dabirabim ko Sipsipɨn Nguzimɨn guamɨn tuivighav iti. Me korotiar ghurghurir ruariba aghuigha, uan agharibar okavir aghuabar suiki. 10  Ais 43:11, Jer 3:23, Hos 13:4, MAA 4:2, 4:10, 5:13 Aisaia 43:11; Jeremaia 3:23; Hosea 13:4; Akar Mogomem 4:2; 4:10; 5:13Egha Me pamten kamaghɨn dei:
 
“En Godɨn uan atrivir dabirabim gaperazim,
ko Sipsipɨn Nguzim,
aningra en akuragha en apanim abɨra.
Kamaghɨn amizɨ, e aningɨn ziamning fe.”
 
11 Ezɨ enselba bar ikia, atrivir dabirabim ko 4plan bizir angamɨra itiba ko gumazir dapaniba okarigha, tuivighav iti. Egha atrivir dabirabimɨn garava teviba apɨra uan guaba nguazim mɨtuagha, Godɨn ziam fe. 12  MAA 5:12-14, 11:17 Akar Mogomem 5:12-14; 11:17Me kamaghɨn mɨgei:
 
“Guizbangɨra!
E ziar ekiam uan God danɨng,
egh a bagh bar akongegham,
egh kamaghɨn mɨkɨm suam,
an fofozim bar pɨn iti.
Egh a mɨnabɨva,
egh an ziam fam.
A gavgavir ekiam iti,
eghtɨ e an gavgavimɨn apengan ikiam.
Dughiabar zurara bizir kaba bar moghɨrama Godɨn biziba.
Bar guizbangɨra!”
Kraisɨn adarasi, men osɨmtɨzim gɨfa
13  MAA 3:18 Akar Mogomem 3:18Ezɨ gumazir dapanibar mav kamaghɨn nan azara, “Gumazamizir korotiar ruarir ghurghuriba aghuizir kaba, me taia? Me managhɨra ikegha ize?”
14  Ais 1:18, Dan 12:1, Mat 24:21, Mk 13:19, Hi 9:14, 1 Jo 1:7, MAA 1:5, 6:9 Aisaia 1:18; Daniel 12:1; Matyu 24:21; Mak 13:19; Hibru 9:14; Akar Mogomem 1:5; 6:9Ezɨ kɨ kamaghɨn an akam ikara, “Gumazir ekiam, nɨ uabɨ fo.” Ezɨ a kamagh na mɨgei:
 
“Gumazamizir kaba me uan apanibar dafaribar osɨmtɨziba ko mɨzazir ekiaba ini.
Ezɨ osɨmtɨzibar dughiam datɨrɨghɨn gɨfa.
Ezɨ me uan korotiaba Sipsipɨn Nguzimɨn ghuzimɨn da ruegha,
dagh amizɨ, da ghurghuri.
15  Ais 4:5-6, MAA 4:2, 4:10, 21:3 Aisaia 4:5-6; Akar Mogomem 4:2; 4:10; 21:3Kamaghɨn amizɨ, me atrivir dabirabimɨn guamɨn tuifi.
Egha dɨmagariba ko aruebar an dɨpenimɨn ikia
egha an ingangarim gami.
Ezɨ Godɨn atrivir dabirabir kam gaperaghav itim,
a uabɨ me ko ikɨ egh me geghuvam.
16  Sng 121:6, Ais 49:10, MAA 21:4 Onger Akaba 121:6; Aisaia 49:10; Akar Mogomem 21:4Eghtɨ mɨtiriaba ua men aghan kogham,
eghtɨ kuariba ua men pɨran kogham.
Eghtɨ aruer arɨzir mɨkarziba puvɨra dagh aboim,
ua men mɨkarzibar isian kogham.
17  Sng 23:1-2, Ais 25:8, 49:10, Ese 34:23, Jo 10:11, 10:14, MAA 5:6, 21:4 Onger Akaba 23:1-2; Aisaia 25:8; 49:10; Esekiel 34:23; Jon 10:11; 10:14; Akar Mogomem 5:6; 21:4Sipsipɨn Nguzim atrivir dabirabimɨn tongɨra ikia,
egha me geghufi.
Egh a me inigh nguazimɨn aven ivemarir dɨpar atuir danganimɨn mangam,
kar dɨpar ikɨrɨmɨrir zurara itim anɨdim.
Egh God bar men damazibar temeriba adizightɨ
da mɨsigham,
eghtɨ me uam azian kogham.”

7:1: Jer 49:36, Dan 7:2, Sek 6:5

7:1: Jeremaia 49:36; Daniel 7:2; Sekaraia 6:5

7:3: Ese 9:4-6, MAA 6:6, 9:4, 14:1, 22:4

7:3: Esekiel 9:4-6; Akar Mogomem 6:6; 9:4; 14:1; 22:4

7:4: MAA 9:16, 14:1-3

7:4: Akar Mogomem 9:16; 14:1-3

*7:4: Osizirir kamnagh “Israelɨn kantrin aven itir 12plan anababar,” gun mɨgei. E Aruamu e ghaze, anabam, kar amebam o amizimɨn ghuzim. Ezɨ Israelia me ghaze, anabam, kar afeziamɨn ghuzim, egha me afeziabar gɨn zui.

7:9: Ro 11:25, MAA 3:5, 3:18, 4:4, 5:9

7:9: Rom 11:25; Akar Mogomem 3:5; 3:18; 4:4; 5:9

7:10: Ais 43:11, Jer 3:23, Hos 13:4, MAA 4:2, 4:10, 5:13

7:10: Aisaia 43:11; Jeremaia 3:23; Hosea 13:4; Akar Mogomem 4:2; 4:10; 5:13

7:12: MAA 5:12-14, 11:17

7:12: Akar Mogomem 5:12-14; 11:17

7:13: MAA 3:18

7:13: Akar Mogomem 3:18

7:14: Ais 1:18, Dan 12:1, Mat 24:21, Mk 13:19, Hi 9:14, 1 Jo 1:7, MAA 1:5, 6:9

7:14: Aisaia 1:18; Daniel 12:1; Matyu 24:21; Mak 13:19; Hibru 9:14; Akar Mogomem 1:5; 6:9

7:15: Ais 4:5-6, MAA 4:2, 4:10, 21:3

7:15: Aisaia 4:5-6; Akar Mogomem 4:2; 4:10; 21:3

7:16: Sng 121:6, Ais 49:10, MAA 21:4

7:16: Onger Akaba 121:6; Aisaia 49:10; Akar Mogomem 21:4

7:17: Sng 23:1-2, Ais 25:8, 49:10, Ese 34:23, Jo 10:11, 10:14, MAA 5:6, 21:4

7:17: Onger Akaba 23:1-2; Aisaia 25:8; 49:10; Esekiel 34:23; Jon 10:11; 10:14; Akar Mogomem 5:6; 21:4