15
Enselɨn 7pla bizir bar kurar 7plan suiki
1  Wkp 26:21, MAA 12:1-3, 14:10, 15:6-7, 21:9Ofa Gami 26:21; Akar Mogomem 12:1-3; 14:10; 15:6-7; 21:9Ezɨ kɨ Godɨn Nguibamɨn gari, bizir igharagha garim otifi, ezɨ kɨ bar dɨgavir kuram gami. Kɨ 7plan enselbar gari, me ikia egha 7plan bizir bar kurar gumazamizibagh asɨghasɨzibar suiki. Eghtɨ 7plan bizir kurar kaba gɨvaghtɨ, ua igharaziba otivan kogham, kamaghɨn amizɨ, bizir kurar 7plan kabanangɨn gɨn, Godɨn anɨngagharim bar gɨvagham.
2  MAA 4:6, 5:8, 13:15-17, 14:2, 21:18Akar Mogomem 4:6; 5:8; 13:15-17; 14:2; 21:18Ezɨ kɨ bizir ekiar mamɨn gari, a mati ongarir ekiam me glas ko avim sara an ingari. Gumazamiziba faragha asɨzir atiar kam ko an marvir guam, ko an ziamɨn namba, me dav sogha da abɨni. Egha me datɨrɨghɨn ongarir glasɨn mɨn garir kamɨn mɨriamɨn tuivighav ikia, egha God me ganɨngizir gitabar suiki.*Saptan kamɨn mɨgɨrɨgɨar avɨrim, da Moses osirizir eghaghaniba ko magh ghue. Moses Isip bagha asɨghasɨghasa anɨngagharim gamizɨ an oto. Israelia ongarim a bigha Isipba ategha vongɨn ongarir dadarimɨn tuivaghavɨra ikia, egha Moses Israelia ko me ighiar mam gamua egha Ekiamɨn ziam fe. (Nɨ Ua Me Ini 15ɨn gan.) 3  Kis 15:1, Lo 31:30, Sng 92:5, 111:2, 139:14, 145:17, MAA 11:17, 14:3, 16:7Ua Me Ini 15:1; Godɨn Araziba 31:30; Onger Akaba 92:5; 111:2; 139:14; 145:17; Akar Mogomem 11:17; 14:3; 16:7Egha me Godɨn ingangarir gumazim, Moses ko Sipsipɨn Nguzim, me aningɨn ighiam gamua kamaghɨn mɨgei:
 
“Ekiam God, nɨ Godɨn Gavgaviba Bar Itim!
Nɨ arazarazir igharagha garir ekiabagh ami,
ezɨ e dar gara
dɨgavir kurabagh ami!
Gumazamiziba bar nɨ men atrivim!
Nɨn araziba, da bar deragha
bar guizbangɨra!
4  Sng 86:9, Ais 66:23, Jer 10:7Onger Akaba 86:9; Aisaia 66:23; Jeremaia 10:7Ekiam nɨ uabɨra guizbangɨra God.
Eghtɨ gumazamiziba bar nɨn atiating
ziar ekiam nɨ danɨng.
Nɨn arazir aghuiba bar azenim girɨgha gɨfa,
kamaghɨn amizɨ, kantriba bar dar gumazamiziba bar izɨ
nɨ bagh teviba apɨr
nɨn ziam fam.”
 
5  Kis 38:21Ua Me Ini 38:21Bizir kamɨn gɨn kɨ ua gari, Godɨn Dɨpenim, a Godɨn Nguibamɨn Purirpenim, a kuiaghirɨ. Kar Godɨn Akar Dɨkɨrɨzir Gavgavim aven itir Purirpenim.†Mɨgɨrɨgɨar kam a Bar Anogoroghezir Danganimɨn gun mɨgei. Godɨn Akar Dɨkɨrɨzir Gavgavimɨn Boksiam, a Bar Anogoroghezir Danganimɨn aven ikia, egha Godɨn Purirpenimɨn aven iti. Nɨ Ua Me Ini 40:1-33ɨn gan. 6  MAA 15:1Akar Mogomem 15:1Ezɨ enselɨn 7plan kaba, bizir bar kurar 7plan gumazamizibagh asɨghasɨghamiba suigha Godɨn Dɨpenim ategha azenan izi. Me inir igiar bar zuruzir dafoziba ike. Egha golɨn letiaba uan evariba kuamigha da ike. 7  2 Te 1:9, MAA 4:6, 4:9, 10:6, 14:102 Tesalonika 1:9; Akar Mogomem 4:6; 4:9; 10:6; 14:10Ezɨ 4plan bizir angamɨra itibar mav, 7plan golɨn itariba inigha enselɨn 7pla ganɨngi. Golɨn itarir 7plan kabanagh, Godɨn Zurara Itimɨn anɨngagharir arazim dagh izɨfa. 8  Kis 40:34, 1 Kin 8:10-11, 2 Sto 5:13-14, Ais 6:4, Ese 44:4, 2 Te 1:9Ua Me Ini 40:34; 1 Atriviba 8:10-11; 2 Eghaghaniba 5:13-14; Aisaia 6:4; Esekiel 44:4; 2 Tesalonika 1:9Ezɨ Godɨn Dɨpenim, an angazangarim ko an gavgavimɨn mɨgharim, bar a gizɨfa. Kamaghɨn amizɨ gumazitam dɨpenimɨn aven mangan kogham. Me kamaghɨra ikɨ mangɨ 7plan enselba, 7plan bizir bar kurar gumazamizibagh asɨghasɨghamin ingangarim gɨvagham.

15:1: Wkp 26:21, MAA 12:1-3, 14:10, 15:6-7, 21:9

15:1: Ofa Gami 26:21; Akar Mogomem 12:1-3; 14:10; 15:6-7; 21:9

15:2: MAA 4:6, 5:8, 13:15-17, 14:2, 21:18

15:2: Akar Mogomem 4:6; 5:8; 13:15-17; 14:2; 21:18

*15:2: Saptan kamɨn mɨgɨrɨgɨar avɨrim, da Moses osirizir eghaghaniba ko magh ghue. Moses Isip bagha asɨghasɨghasa anɨngagharim gamizɨ an oto. Israelia ongarim a bigha Isipba ategha vongɨn ongarir dadarimɨn tuivaghavɨra ikia, egha Moses Israelia ko me ighiar mam gamua egha Ekiamɨn ziam fe. (Nɨ Ua Me Ini 15ɨn gan.)

15:3: Kis 15:1, Lo 31:30, Sng 92:5, 111:2, 139:14, 145:17, MAA 11:17, 14:3, 16:7

15:3: Ua Me Ini 15:1; Godɨn Araziba 31:30; Onger Akaba 92:5; 111:2; 139:14; 145:17; Akar Mogomem 11:17; 14:3; 16:7

15:4: Sng 86:9, Ais 66:23, Jer 10:7

15:4: Onger Akaba 86:9; Aisaia 66:23; Jeremaia 10:7

15:5: Kis 38:21

15:5: Ua Me Ini 38:21

†15:5: Mɨgɨrɨgɨar kam a Bar Anogoroghezir Danganimɨn gun mɨgei. Godɨn Akar Dɨkɨrɨzir Gavgavimɨn Boksiam, a Bar Anogoroghezir Danganimɨn aven ikia, egha Godɨn Purirpenimɨn aven iti. Nɨ Ua Me Ini 40:1-33ɨn gan.

15:6: MAA 15:1

15:6: Akar Mogomem 15:1

15:7: 2 Te 1:9, MAA 4:6, 4:9, 10:6, 14:10

15:7: 2 Tesalonika 1:9; Akar Mogomem 4:6; 4:9; 10:6; 14:10

15:8: Kis 40:34, 1 Kin 8:10-11, 2 Sto 5:13-14, Ais 6:4, Ese 44:4, 2 Te 1:9

15:8: Ua Me Ini 40:34; 1 Atriviba 8:10-11; 2 Eghaghaniba 5:13-14; Aisaia 6:4; Esekiel 44:4; 2 Tesalonika 1:9

© 2020 PBT