19
Babilon bar ikuvizɨma, Godɨn gumazamiziba bar akonge
1 Ezɨ bizir kabar gɨn kɨ orazi, nɨgɨnir dafam, gumazamizir bar avɨrimɨn mɨn Godɨn Nguibamɨn kamaghɨn dɨa mɨgei:
 
“E Godɨn ziam feka!
En God, gavgavim ko ziam iti,
a uabɨra en Akurvazir Gumazim!*Jon akɨnafarir kam Grighɨn akam an osiri. Egha ves 19:1ɨn mɨgɨrɨgɨar otevir mam ko ves 3, ves 4, ves 6 uaghan, dar akar mam, a Hibrun akamɨn an osiri. Hibrun akamɨn a kamakɨn, “Aleluia.” Akar kamɨn mɨngarim a kamakɨn, “E Godɨn ziam feka!”
2  Lo 32:43, 2 Kin 9:7, MAA 6:10, 15:3, 16:7, 18:20Godɨn Araziba 32:43; 2 Atriviba 9:7; Akar Mogomem 6:10; 15:3; 16:7; 18:20God gumazamizibar araziba tuisɨzir arazim,
a guizbangɨra ghua bar dera!
Amizir gumaziba okɨa me ko akuim,
a nguazimɨn gumazamizibagh amizɨ, me a koma arazir mɨzɨrɨzibagh ami,
ezɨ God a isa kot gatɨgha ghaze,
an aremegham.
Amizir kam Godɨn ingangarir gumazamizibav soghezɨ
me ariaghire,
ezɨ God an osɨmtɨzir kam ikarvagha
osɨmtɨzir ekiam a ganɨngi.”
 
3  Ais 34:10, MAA 14:11, 18:9, 18:18Aisaia 34:10; Akar Mogomem 14:11; 18:9; 18:18Ezɨ me ua kamaghɨn dɨa ghaze:
 
“E Godɨn ziam feka!
Nguibar ekiar kamɨn isir avimɨn mɨgharim ghuavanang
zurara mamaghɨra ikiam!”
 
4  Neh 8:6, MAA 4:2-6, 4:10, 5:14Nehemia 8:6; Akar Mogomem 4:2-6; 4:10; 5:14Ezɨ 24plan gumazir dapaniba ko 4plan bizir angamɨra itir kaba, teviba apɨrigha egha Godɨn uan atrivir dabirabimɨn aperaghav itimɨn ziam fe. Egha me kamaghɨn mɨgei:
 
“Bar guizbangɨra!
E an ziam fe!”
5  Sng 22:23, 115:13, 134:1, 135:1 MAA 11:18, 20:12Onger Akaba 22:23; 115:13; 134:1; 135:1; Akar Mogomem 11:18; 20:12Ezɨ tiarir mam atrivimɨn dabirabimɨn iza kamaghɨn mɨgei:
 
“Ia Godɨn ingangarir gumazamizir an atiatiava an apengan itiba,
ia gumazamizir ziaba itiba ko ziaba puvatɨziba,
ia bar Godɨn ziam fɨ!”
Sipsipɨn Nguzim amuimɨn ikiasava amima isar ekiam oto
6  Sng 93:1, 97:1, 99:1, Ese 1:24, MAA 11:15-17, 14:2, 15:3, 21:2Onger Akaba 93:1; 97:1; 99:1; Esekiel 1:24; Akar Mogomem 11:15-17; 14:2; 15:3; 21:2Ezɨ kɨ nɨgɨnir ekiam barazi mati gumazamizir avɨrim uari akuvagha mɨgei, egha mati dɨpar ekiam afora nɨdi. Egha araribar mɨn pamten dagarvagha kamaghɨn mɨgei:
 
“En Ekiam God, a Godɨn Gavgaviba Bar Itim,
datɨrɨghɨn an atrivimɨn iti.
Kamaghɨn amizɨ, e Godɨn ziam fam!
7  Mt 22:2, 25:10, Ef 5:32, MAA 21:2, 21:9Matyu 22:2; 25:10; Efesus 5:32; Akar Mogomem 21:2; 21:9Sipsipɨn Nguzim, amuimɨn ikiamin dughiam otogha gɨfa,
ezɨ an amuim uabɨ akɨrigha gɨfa.
Kamaghɨn amizɨ, e datɨrɨghɨn naviba deragh bar akongegh,
an ziam fam!†Sipsipɨn Nguzir kam an amuimɨn ikiasa, a Kraisra. Ezɨ amizir a ikiasa inabazir kam, kar Kraisɨn sios. Eghtɨ dughiar Krais ua izɨva egh uan sios iniamim, a kamakɨn, aning uaningɨn iti. Egh a uan siosɨn gumazamiziba me inigh uan Nguibar aghuimɨn mangam. Eghtɨ me Krais ko deraghvɨra ikɨ mamaghɨra ikiam.
8  Sng 45:13-14, Ais 61:10, Ese 16:10Onger Akaba 45:13-14; Aisaia 61:10; Esekiel 16:10Amizir kam, God korotiar ghurghurir bar aghuim a ganɨngi,
korotiar kam bar zuegha
an dirim dafogha isi.”
 
(Korotiar ghurghurir kam, a Godɨn gumazamizibar arazir aghuir me Godɨn damazimɨn amiba, dar ababanim gami.)
9  Mt 22:2-3, Lu 14:15-16, MAA 21:5Matyu 22:2-3; Luk 14:15-16; Akar Mogomem 21:5Ezɨ ensel kamaghɨn na mɨgei, “Nɨ akar kam kamaghɨn an osir: God Sipsipɨn Nguzir amuimɨn ikiamin dabirabim bagha diazir gumazamiziba, me bar akongegh!” Egha kamaghɨn ua na mɨgei, “Akar kaba, da Godɨn guizɨn akaba.”
10  Ap 10:25-26, 1 Jo 5:10, MAA 22:6-9Aposel 10:25-26; 1 Jon 5:10; Akar Mogomem 22:6-9Ezɨ kɨ an suemningɨn boroghɨn tevimning apɨrigha an ziam fasa. Ezɨ a kamaghɨn na mɨgei, “Nɨ mamaghɨn damuan markɨ! Kɨ, nɨ ko nɨn aveghbuar nɨghnɨzir gavgavim Iesus kunizir akabar itiba, kɨ ia ko e ingangarir vamɨram ami. God uabɨra, nɨ an ziam fɨ.”
E fo, akar Iesus kunizimra, a gumazamizibar nɨghnɨziba fema, me Godɨn akam inigha izi.‡Grighɨn akam vezɨn kam deravɨra anebigha a mɨgeir puvatɨ. Gumazir maba kamaghɨn mɨgɨrɨgɨar kam geghari, “Kɨ uaghan nɨ ko nɨn aveghbuaba ko ingangarir gumazir mam. Kar ia ikɨzir nɨghnɨzir gavgavim Iesusɨn ikiava an ziamɨn gun mɨgeim. Ia God uabɨra an ziam fɨ. E fo, Godɨn Duam akam inigha izir gumazamizibar, Godɨn akam kunasa men nɨghnɨziba fe. A Iesusɨn ziamɨn gun mɨkɨmasa gumazamizibar akurvasi.”
Jon hoziar ghurghurim gaperazir gumazimɨn gari
11  Sng 96:13, Ais 11:4, Ese 1:1, MAA 1:5, 3:14, 6:2, 15:5Onger Akaba 96:13; Aisaia 11:4; Esekiel 1:1; Akar Mogomem 1:5; 3:14; 6:2; 15:5Kɨ gari, Godɨn Nguibam kuiaghirɨzɨ, hoziar ghurghurir mam iti. Gumazir hoziar kam gisɨn aperaghav itim, an ziamning kamakɨn, “Gumazir dughiaba bar God baghavɨra itim,” ko “Gumazir uan akar dɨkɨrɨziba mɨgeima da otivim.” A gumazamizibar araziba deravɨra da tuisɨgha, mɨdorozim fora arazir aghuimra gɨn ghua a gami. 12  Dan 10:6, MAA 1:14, 2:17-18, 19:16Daniel 10:6; Akar Mogomem 1:14; 2:17-18; 19:16Ezɨ an damazimning mati avir mɨzariar gavgavimɨn mɨn pamtem isi, ezɨ atrivimɨn dapanir asuar avɨriba an dapanimɨn iti. Ezɨ an mɨkarzim ziar mam an iti, ezɨ gumazamizir igharaziba a gɨfozir puvatɨ. A uabɨra ziar kam gɨfo. 13  Ais 63:1-3, Jo 1:1, 1:14, 1 Jo 5:7-8Aisaia 63:1-3; Jon 1:1; 1:14; 1 Jon 5:7-8Ezɨ korotiar ruarir an aruzim, ghuzim a gizɨfa, ezɨ me ziar kamɨn a dɨbori, “Godɨn akam.” 14  Mt 28:3, MAA 4:4, 7:9Matyu 28:3; Akar Mogomem 4:4; 7:9Ezɨ Godɨn Nguibamɨn mɨdorozir gumaziba korotiar ghurghurir aghuiba aghuigha hoziar ghurghuribagh apiagha an gɨn zui. 15  Sng 2:9, Ais 63:3, Jol 3:13, 2 Te 2:8, MAA 1:16, 2:27, 4:8, 12:5, 14:19-20Onger Akaba 2:9; Aisaia 63:3; Joel 3:13; 2 Tesalonika 2:8; Akar Mogomem 1:16; 2:27; 4:8; 12:5; 14:19-20Ezɨ mɨdorozir sabar ghumtɨzir mam gumazir men faragha zuir kamɨn akamɨn ikegha, azenan izi. A mɨdorozir sabar kamɨn nguibar igharazibav sogh me abɨnam. Egh a gavgavim itir ainɨn aghorimɨn suiragh egh gumazamizibagh ativamin gavgavim ikiam. Egh a, dagɨar mɨner bar ekiamɨn aven me wainɨn ovɨziba mɨrmɨri moghɨn, Godɨn Gavgaviba Bar Itimɨn anɨngagharir arazir ekiam akagham. 16  1 Ti 6:15, MAA 17:14, 19:121 Timoti 6:15; Akar Mogomem 17:14; 19:12Ezɨ an korotiar ruarim ko an buarakɨrimɨn, me ziar kam osiri:
 
“Atrivibar Atrivir Ekiam ko,
Ekiabar Gumazir Ekiam.”
 
17 Esekiel 39:17-20Ezɨ kɨ enselɨn mamɨn garima an aruem gisɨn tughav iti. Egha overiamɨn pɨn mɨghagha aruir kuarazibar dɨa ghaze, “Ia izɨ uari akuvagh egh dagher ekiar God ia danɨngamim bagh mɨzuam. 18 Ia atrivibar kuabar tuziba ko, mɨdorozir gumazibar faragha zuir gumaziba ko mɨdorozir gumaziba ko, hoziabar kuabar tuziba ko dagh apiazir gumazibar kuabar tuzibar amam. Egh ia gumazamiziba bar men kuabar tuzibar amam, pura ingangarir gumazamizir kɨniba ko gumazamizir fɨriaghɨreziba, ko pura gumazamiziba ko gumazamizir ziaba itiba!”
19  Sng 2:2, MAA 16:16, 17:13-14Onger Akaba 2:2; Akar Mogomem 16:16; 17:13-14Ezɨ kɨ asɨzir atiar kam ko nguazimɨn atriviba ko, men mɨdorozir gumazibar gari, me iza uari akufa. Me gumazir hoziam gaperazim ko an mɨdorozir gumaziba ko mɨsoghasa. 20  Ais 30:33, Dan 7:11, MAA 13:1-18, 14:10, 16:13-14, 20:10, 20:15Aisaia 30:33; Daniel 7:11; Akar Mogomem 13:1-18; 14:10; 16:13-14; 20:10; 20:15Ezɨ, asɨzir atiam ko akar ifavaribagh amir gumazim, an aning kalabus gatɨ. Akar ifavaribagh amir gumazir kam arazarazir igharagha garir avɨrim asɨzir atiamɨn damazimɨn dagh ami. Kamaghɨn amizɨ a gumazamizibagh ifarima me asɨzir atiamɨn osizirim inigha egha an marvir guamɨn ziam fe. Asɨzir atiam ko akar ifavaribagh amir gumazim, aning angamɨra ikiavɨra itima, me aning inigha aning akunizɨ aning danganir salfan dagɨar avim ikia mamaghɨra itim giraghu. 21  MAA 17:16, 19:15-18Akar Mogomem 17:16; 19:15-18Ezɨ aningɨn mɨdorozir gumaziba, gumazir hoziam gaperazim, uan mɨdorozir sabar an akamɨn itimɨn me mɨsoghezɨ me ariaghire. Ezɨ kuaraziba bar men kuabar tuziba amegha naviba bar izefe.

*19:1: Jon akɨnafarir kam Grighɨn akam an osiri. Egha ves 19:1ɨn mɨgɨrɨgɨar otevir mam ko ves 3, ves 4, ves 6 uaghan, dar akar mam, a Hibrun akamɨn an osiri. Hibrun akamɨn a kamakɨn, “Aleluia.” Akar kamɨn mɨngarim a kamakɨn, “E Godɨn ziam feka!”

19:2: Lo 32:43, 2 Kin 9:7, MAA 6:10, 15:3, 16:7, 18:20

19:2: Godɨn Araziba 32:43; 2 Atriviba 9:7; Akar Mogomem 6:10; 15:3; 16:7; 18:20

19:3: Ais 34:10, MAA 14:11, 18:9, 18:18

19:3: Aisaia 34:10; Akar Mogomem 14:11; 18:9; 18:18

19:4: Neh 8:6, MAA 4:2-6, 4:10, 5:14

19:4: Nehemia 8:6; Akar Mogomem 4:2-6; 4:10; 5:14

19:5: Sng 22:23, 115:13, 134:1, 135:1 MAA 11:18, 20:12

19:5: Onger Akaba 22:23; 115:13; 134:1; 135:1; Akar Mogomem 11:18; 20:12

19:6: Sng 93:1, 97:1, 99:1, Ese 1:24, MAA 11:15-17, 14:2, 15:3, 21:2

19:6: Onger Akaba 93:1; 97:1; 99:1; Esekiel 1:24; Akar Mogomem 11:15-17; 14:2; 15:3; 21:2

19:7: Mt 22:2, 25:10, Ef 5:32, MAA 21:2, 21:9

19:7: Matyu 22:2; 25:10; Efesus 5:32; Akar Mogomem 21:2; 21:9

†19:7: Sipsipɨn Nguzir kam an amuimɨn ikiasa, a Kraisra. Ezɨ amizir a ikiasa inabazir kam, kar Kraisɨn sios. Eghtɨ dughiar Krais ua izɨva egh uan sios iniamim, a kamakɨn, aning uaningɨn iti. Egh a uan siosɨn gumazamiziba me inigh uan Nguibar aghuimɨn mangam. Eghtɨ me Krais ko deraghvɨra ikɨ mamaghɨra ikiam.

19:8: Sng 45:13-14, Ais 61:10, Ese 16:10

19:8: Onger Akaba 45:13-14; Aisaia 61:10; Esekiel 16:10

19:9: Mt 22:2-3, Lu 14:15-16, MAA 21:5

19:9: Matyu 22:2-3; Luk 14:15-16; Akar Mogomem 21:5

19:10: Ap 10:25-26, 1 Jo 5:10, MAA 22:6-9

19:10: Aposel 10:25-26; 1 Jon 5:10; Akar Mogomem 22:6-9

‡19:10: Grighɨn akam vezɨn kam deravɨra anebigha a mɨgeir puvatɨ. Gumazir maba kamaghɨn mɨgɨrɨgɨar kam geghari, “Kɨ uaghan nɨ ko nɨn aveghbuaba ko ingangarir gumazir mam. Kar ia ikɨzir nɨghnɨzir gavgavim Iesusɨn ikiava an ziamɨn gun mɨgeim. Ia God uabɨra an ziam fɨ. E fo, Godɨn Duam akam inigha izir gumazamizibar, Godɨn akam kunasa men nɨghnɨziba fe. A Iesusɨn ziamɨn gun mɨkɨmasa gumazamizibar akurvasi.”

19:11: Sng 96:13, Ais 11:4, Ese 1:1, MAA 1:5, 3:14, 6:2, 15:5

19:11: Onger Akaba 96:13; Aisaia 11:4; Esekiel 1:1; Akar Mogomem 1:5; 3:14; 6:2; 15:5

19:12: Dan 10:6, MAA 1:14, 2:17-18, 19:16

19:12: Daniel 10:6; Akar Mogomem 1:14; 2:17-18; 19:16

19:13: Ais 63:1-3, Jo 1:1, 1:14, 1 Jo 5:7-8

19:13: Aisaia 63:1-3; Jon 1:1; 1:14; 1 Jon 5:7-8

19:14: Mt 28:3, MAA 4:4, 7:9

19:14: Matyu 28:3; Akar Mogomem 4:4; 7:9

19:15: Sng 2:9, Ais 63:3, Jol 3:13, 2 Te 2:8, MAA 1:16, 2:27, 4:8, 12:5, 14:19-20

19:15: Onger Akaba 2:9; Aisaia 63:3; Joel 3:13; 2 Tesalonika 2:8; Akar Mogomem 1:16; 2:27; 4:8; 12:5; 14:19-20

19:16: 1 Ti 6:15, MAA 17:14, 19:12

19:16: 1 Timoti 6:15; Akar Mogomem 17:14; 19:12

19:17: Esekiel 39:17-20

19:19: Sng 2:2, MAA 16:16, 17:13-14

19:19: Onger Akaba 2:2; Akar Mogomem 16:16; 17:13-14

19:20: Ais 30:33, Dan 7:11, MAA 13:1-18, 14:10, 16:13-14, 20:10, 20:15

19:20: Aisaia 30:33; Daniel 7:11; Akar Mogomem 13:1-18; 14:10; 16:13-14; 20:10; 20:15

19:21: MAA 17:16, 19:15-18

19:21: Akar Mogomem 17:16; 19:15-18

© 2020 PBT