6
1 Asa noreko Anutu koya kho kopo teyoteto qundo yeya mande kondé ŋande yeteto, “Ye Anutu koro samaka-samaka tuwó* “samaka-samaka tuwó” ŋuko Anutu eneŋombo nore samaka yereyote. Kimoyó moré kini. ŋu wimbo-wimbo ma rewero.” 2 Dokoro enendo ŋande yete,
“Naru meté ŋuno maŋgoke iŋanowó,
rambaruru koŋgo korewero naruko ŋuno samaka kerenowó.”
Qeni, naru meté ŋu itaka naŋge tunoqete, itaka naŋge rambaruru koŋgo yorewero naruyó tunoqete.
Polko quhurí parámi korowoyaró
3 Norendo, uni kato kho ŋaro kama yesaráŋowaŋgo, ye iŋoyoteto. Ŋunde naŋge o kato kheye saŋgawoní umbu raŋowaŋgo ŋu kama reyoteto. 4 Kini, naru rokóŋoro Anutu koro kho uniyómboro muríye naŋge howeyoteto. Asa quhurí parámi koroworo murí meté ŋu howeyoteto. Kowe surumí tero, o koro tukuni tero, newonde surumí tero murí meté ŋu howeyoteto. 5 Kumimbo nore haususu nereŋgurí, kusi-kusi yano norotaŋgurí, ko kawore-kawore kuma teyoteŋgo. Quko enina, murí meté ŋu howeyoteto. Nore koweyumu tero, qu kama etero, o qonanimboro khumoroqo murí meté ŋu naŋge howeyoteto. 6 Nore otete sara-sara qu tero, iŋo-iŋo hamó qu tero, quhurí mondó ta koroworo, o meté naŋge te yunoro, Yuqa Surumíwore† “Yuqa Surumí” ŋuko Anutu koro Yuqa naŋge. o tero, newonde meté hamó yunoro, 7 mande hamó naŋge yeroqo Anutu koro wimbímo murí meté ŋu naŋge howeyoteto. Otete roneneŋowímboro‡ “otete roneneŋowí” ŋuko Anutuko nore rokó yiriní noreŋo murínani eneŋo murí howeyote. kuma tewero qu kandenani kondéwore ko kandenani tesina toworo murí meté ŋu howeyoteto. 8 Kumimbo owénani hokoyoteŋgo, kumi ri umbute. Kumimbo noreŋo huwó mande yeyoteŋgo, kumi mande meté yeteŋgo. Quko enina, murí meté ŋu naŋge howeyoteto. Noreko hamó uni naŋge qu, quko enendo kota-kota uni ye neko nereyoteŋgo. 9 Uni kumimbo nore iŋo yunoyoteŋgo, quko, owénani moré kini qembe, ye iŋoyoteŋgo. Noreko khumowero teteto, quko qeni, toŋenani yote. Kumimbo kandeto nore nutoyoteŋgo, quko nore kama khumoteto. 10 Nore newonde surumí teteto, quko naru rokóŋo niŋgu-niŋgu teyoteto. Nore onoŋonani moré kini yoteto, quko unipare qambu o parámi yunoyoteto. Nore onani moré kini, quko o soso ŋuko noreŋo na.
11 Ye Korin, nore mande tunomo yeya ŋande yero newonde hamó-hamó yunoteto. 12 Norendo yeŋo newondeye kama kusiyoteto. Kini, yeŋombo newondeye kusiyoyoteŋgo. 13 Yeko neneŋo simóne, asa ko ŋande ye yimiroteno, ko norendo murí meté yeno teyoteto ŋunde naŋge newondeye soso nore nunoyi qembe.
Uni iŋondutu kama teyoteŋgo ŋuya kopo ma tewero
14 Yeya uni iŋondutu kama teyoteŋgo ŋuya womoro kho kopo ma tewero. Qeni, otete roneneŋowí§ “otete roneneŋowí” ŋuko Anutuko nore rokó yiriní noreŋo murínani eneŋo murí howeyote. ŋuya hutuŋo mande wendaqewero murí ŋuya kho kopo tewari, peka? Hiyómbe meté huriri koya kopowari, peka? 15 Kristo** “Kristo” ŋuko Yesu naŋge, asa Anutuko rokóŋoní mahero wiri yerete uni parámi horé tunoqaró ŋu. koya Beliar†† “Beliar” ŋuro murí muko ŋandiro: “otete piyimi horé” ko Juda unindo Satan ŋuro iŋoro ŋunde nekoyaŋgurí. Ŋundiro naŋge owé ŋuko Monimbu koro owí ka. koya newonde kanata yotiri, peka? Uni iŋondutu teyote ŋuya uni iŋondutu kama teyote ŋuya nembe rewari, peka? 16 Anutu koro Ya Surumí quya anutu kota-kota ŋumbe se kopowaŋgo, peka? Qeni, noreŋombo Anutu yoto-yotoyó moré ŋuro Ya Surumí yoteto. Ŋundiro Anutu eneŋombo ŋande yaró,
“Nondo eneya yotoro keweroyewore yateyowano.
Eneŋo Anutuye yowano, enendo neneŋo uniparene yowaŋgo.”
17 Ŋunde ŋuroko Uni Parámimbo ŋande yete,
“Ye ŋu yoroto
soreya sewemo yuri qembe.
O pusú qu ma towowero,
ko nondo ye yuŋguna yerewano.”
18 Uni Parámi Wimbí Soso ŋundo ŋande yete,
“Nondo naŋge yeŋo awaye yowano,
*6:1: “samaka-samaka tuwó” ŋuko Anutu eneŋombo nore samaka yereyote. Kimoyó moré kini.
†6:6: “Yuqa Surumí” ŋuko Anutu koro Yuqa naŋge.
‡6:7: “otete roneneŋowí” ŋuko Anutuko nore rokó yiriní noreŋo murínani eneŋo murí howeyote.
§6:14: “otete roneneŋowí” ŋuko Anutuko nore rokó yiriní noreŋo murínani eneŋo murí howeyote.
**6:15: “Kristo” ŋuko Yesu naŋge, asa Anutuko rokóŋoní mahero wiri yerete uni parámi horé tunoqaró ŋu.
††6:15: “Beliar” ŋuro murí muko ŋandiro: “otete piyimi horé” ko Juda unindo Satan ŋuro iŋoro ŋunde nekoyaŋgurí. Ŋundiro naŋge owé ŋuko Monimbu koro owí ka.