1 Metam nediyendi Yahwedok gikiŋgoŋ timiŋa adi’walaŋ nadinadiŋiŋ takalilaŋ, du yadi Bepaŋdi gehikahaŋnelak doktiŋa nadifo kedem tibeŋ.

2 Tiŋa undugoŋ, kwanaige diniŋ folooŋ tuwolit mintaune baniŋ mu tuluwaaŋ. Unduŋ tiŋa nemenemek hogohogok tibaaŋ u momooŋ hogok mintaune nadifo tibaaŋ.

3 Kaŋ tamge adi bem olif kobaŋdi folooŋ folak wendok tuwot wapmihi fee yehitubu-mintawaak. Kaŋ wapmihi feedi bem gimiŋ kwetfoloŋ maaŋ kadoŋa labiiŋ wondok tuwolit yoke kuduhuluŋ u kelemadiŋa itneeŋ.

4 Me nediyeŋ Yahwe gikiŋgoŋ timiŋa medeŋiŋ takalilak, adi yadi biyaku talik unduŋ foloŋ kahaŋ timilak.

5 Yahwedi Saiyon uŋoŋ kedem kahaŋ tigambek. Du kwetfoloŋ iŋoŋ hatibaaŋ indigoŋ tuwot, hatiŋila kawaaŋ, nemenemek Jelusalem uŋoŋ momooŋ hogok mintawaak.

6 Du adi unduŋ tiŋa nai kweheyeniŋ hatiŋa dadageye yabaaŋ.

Eŋ Isilae kayoŋbop, hidi’walaŋkade kulema haliwooŋ halaak.