1 Pe mbulndroiyi nongan mepo yowu pwai iye, ara ipa toro: Worou ara ma pris torou hamou ihohin ta hu pris masih mepo imira mipwan ndrohonoku pwanpwan ta king iya pwen te mot kili Ngindrai pwokeyan masih ita kol paingan yang. 2 Yesu ita pombulen ita kol haiyan mepo yopai ndrokonan ndramat kinpuliy kinna niman pwi, hapeko Ngindrai ipuliy.

3 Hu pris masih huhohin ara rakinimahu para hu kayuk hu yukyuk pe hu kambusi yukyuk para mwan kitimwiy masih, pwen Yesu mepo pris ihohin ta hu pris masih torou, ara yiy andre kimbusi yukyuk tehen aliy i. 4 Pe kapa kiro kol pwan, ara andre kintayah pris hamou pwi, paratesah, hu pris hutopo pwen para hu kayuk hu yukyuk kiho ndruwa nongan para pwahanou. 5 Hu pris ara, ara hu pombulen iro yopai hawum mepo mwensen pe sumwoiwan ara tehe yopai ndrokonan ita kol paingan yang. Ndroiyin iye ko, pe Ngindrai ipwandrandrahani Mose iro mwonen pakipuli yopai, ipa toro: “Oro pahas, tehe melit masih kunpwaingani kinsa kili wou iro ngondron, ara oho ndruwa nimnim ara ko.” 6 Hapeko mahapo, Yesu mepo pris ihohin ta hu pris masih torou, ara mbulen imbusiy tehe pris, ara ihohin masih pe iramwaitini mbulya hu pris para mamu. Paratesah, irayah moyut para tapaniu ihohin iya. Pe Ngindrai irandrangan hiyan iya, pe ipwaingani tapaniu mwayih ara.

7 Kapa tapaniu ihomu ara hape mwomwan kinto aliy pwi, pwen kinlahi Ngindrai kiyki tapaniu iho mulan para kiwiri soiwin, ara pwi. 8 Hapeko iro mwonen Ngindrai inime mwomwan iro kili hu ndramat, pwen ipa,

13 Pe iro mwonen Ngindrai ipa tapaniu ara “howen,” ara tapaniu iho mu, ara kinmbusiy kinna mwomwan, pe tesah mepo mwomwan, ara lengen pwen, pe kindrou pwi ko, andre kimun.