4
Tini youya erurunikakuai, nini Xoiteurei kounerire e xuwe
1 Waukia xura4.1 Mt 7.15; 24.4-5; 24.24;1 Ts 5.21;2 Pi 2.1;1 Yo 2.18;2 Yo 7;XKY 2.2, xokupa xoreixoreitua kunatureturei ouro tei xanauneri. Pa xati xokupa apimie tini xosa maneri kunauneri, “Xoiteupo Supo Youyae ye kuna sietai,” xatia kakixanari tini xotikisuwaku. Xuwe. Tini xokupa youya erurunari sipauweinarieye, nini Xoiteurei koteneaire e xuwerau paiya sipawakuai. 2 Takipo kapiae4.2 1 Ko 12.3;1 Yo 5.1 sipaunapa, Xoiteupo Youya paia muanumu xepina. Apue kunauna, “Yesusu Kristusue apuni kutu sayetai,” xirouna paiya Xoiteupo Youyae pa apu xosa purina. 3 Apue 4.3 2 Ts 2.7;1 Yo 2.18; 2.22;2 Yo 7Yesusure muanumu kuna kunawopu xuweuna paiya, pa apu nu xetau youya tuku, nu Xoiteurei koatixe. Paiya Kristusupo xiwaipo youya, ekime takie kopina kuna iyesikiniai. Ximine nu kourotai ouro purina.
4 Yeu4.4 Mt 12.29;Yo 16.33;1 Ko 2.12;Ep 2.2; 6.12;1 Yo 5.4-5 nono misiarara xura, tini Xoiteupo xati, tinie pa xoreixorei kunatureture xoronikieikiniai, pa amure, pa Youya tini xotikiro purotai paie ouropu apimi nikau xonikiro purotai youya orouna. 5 Pa4.5 Yo 3.31; 15.19; 17.14 apimie nini ouropu apimi. Pa xati ninipo kuna paiya ouropu kireni xati, ouropu apimie ninipo kuna iyesirouneri. 6 Pana4.6 Yo 8.47; 10.27; 14.17;1 Ko 14.37;2 Ko 10.7 sini paiya Xoiteupo xati, Xoiteu sipa apimie sinipo kuna iyesinouneri. Pana apu Xoiteupo xuwe paiya, nue sikou kuna iyesirouwatixe. Pa kapiarei sini suau kunapu Youya xeika xoreixoreipo youya xeika sipawopu.
Apue Xoiteu xiri xouweuna paiya nu xataumana rania xouwenikepina
7 Waukia xura4.7 1 Yo 2.29; 3.10-11; 3.23, sini kirenikirenie xatasikimana xiri xosikienikepu, pa amure, kireu xosikienikepi kapia paiya Xoiteupo kapia. Pa xati apue kireu xiri xouweniketai paiya, nu Xoiteupo nono xati, nu Xoiteu sipani kutu. 8 Xoiteu4.8 1 Yo 2.4; 3.6; 4.16 nukoini kireu xonikikiewopi kapia xotapa, pa xati apue kireu xouwenikepi xuweurouna paiya, nu Xoiteu sipa xuwe. 9 Xoiteu4.9 Yo 3.16;Ro 5.8; 8.32;1 Yo 5.11 nu Nono kireni tuku xati, siko nu xosa ekisikioma tepure, pa Nono xesawati ouro koyai. Pa kapiarei Xoiteu nukoe sini xiri xouwesiketaie atarisikina. 10 Kireu xonikiewopi kapia4.10 Yo 15.16;Ro 5.8-10;Ta 3.4;1 Yo 2.2 paiya, Xoiteupo kapia. Sini nanunuku ximuximuni sinie Xoiteu xosikieukiniai xepuxe. Xuwe. Xoiteue akerina sini xouwesikeyai. Pa xati sikou xunu wetepure, nue nupo Sawai Nono xesawati ouro koyai.
11 Waukia xura4.11 Mt 18.33;Yo 15.12-13;1 Yo 3.16, nupo kapia paie Xoiteue siko xiri xouwesiketaire atarisiketai. Pa xati sini kirenikirenie kireu xiri xosikienikepu. 12 Kire apue4.12 Yo 1.18;1 Ti 6.16;1 Yo 2.5-6; 4.18-20 Xoiteu xekoyaixe. Pana sini kireu xiri xosikienikinukua, Xoiteue siko xeika purati, nupo kireu xonikiewopi kapiae, sikou ekisikioma xosa sokisokietai.
13 Xoiteue4.13 Yo 14.20;2 Ko 1.22;1 Yo 3.24 sini xeika etokati sinie nu xeika etokepua, sini amakinuku sipawopuna? Sini paire sipa, pa amure, sini nue nukou Youyani sikeyai. 14 Emisikie4.14 Yo 1.14; 3.17;1 Yo 1.1-2 kakeyai kapia sikoe xekeukiniai. Nue ouropu xokupa xuiapu xiyeri tinikepure nukou Nono xesawati koyai xati, pa kapiaure sini kuna uteirounuku. 15 Kire4.15 Ro 10.9;1 Yo 5.1; 5.5 apue kunauna, “Yesusu nu Xoiteupo Nono xinapa,” Xoiteue pa apu xeika etokati, nue Xoiteu xeika etokina. 16 Paire4.16 1 Yo 3.24; 4.8; 4.12 siko sipa xati ipaki sokisoki xosikisunuku, Xoiteue siko xiri xouwesikati, nupo pa kapiae sikou ekisikioma xosa purina.
Xoiteu nukoini kireu xiri xosikienikepi kapia xotapa. Pa xati apue kireu xiri xouwenikirounae Xoiteu xeika etokati, Xoiteue nu xeika etokina. 17 Sini4.17 Ye 2.13;1 Yo 2.28; 3.3; 3.19-21 panumu purinukua, kireu xosikienikepi kapiae sikou ekisikioma xosa sokisokietai. Pa xati Xoiteupo kokaipa kunapu asaure ximikepuxe. Suau, sini mua ouro purinukuna pana, sini Kristusu nuko sieni purinuku xati, sini ximikepuxe. 18 Kireu xonikieurouneri xuiapue Xoiteure ximikiroworixe. Ximiketeneai xuiapu kini nini sipa, nini pa kapia xapa xoxi tepineri xati, pa nanunanue kakati Xoiteure ximikineri nini kireu xonikiewopi kapia sokisoki xineri paiya, nini Xoiteure ximikepuworixe. Kire apue Xoiteure ximikirouna paiya, kireu xouwenikepi kapiae pa nupo ekeoma xosa sokisoki xatixe.
19 Sini Xoiteu xosikieunuku kireu xosikienikinuku paiya amure, Xoiteue ximuximuni siko xouwesikeyai xati kakirounuku. 20 Kire apue4.20 1 Yo 2.4; 3.17; 4.12 kunauna, “Ye Xoiteu xiri xoieune xepina,” pana Xoiteupo xuiapu xosaupo kire apu xouwewopu xuweuna paiya, pa apu nu xoreixoreitua. Kire apue Xoiteu xekoyaixe. Pa xati apue xekenikieyai xuiapu xouwenikepu xuweuna paiya, nu xekopu xuweuwoyai Xoiteue xekopuwati xana xuwe. 21 Mua4.21 Mt 5.44-45;Mk 12.29-31;Yo 13.34; 15.12;1 Yo 3.23 kuna Kristusu xosaupo tikiniai, paiya muanumu. Apue Xoiteu xiri xouweurouna paiya, nu Xoiteupo kireu xuiapu xiri xouwenikepina.
4:1 4.1 Mt 7.15; 24.4-5; 24.24;1 Ts 5.21;2 Pi 2.1;1 Yo 2.18;2 Yo 7;XKY 2.2
4:2 4.2 1 Ko 12.3;1 Yo 5.1
4:3 4.3 2 Ts 2.7;1 Yo 2.18; 2.22;2 Yo 7
4:4 4.4 Mt 12.29;Yo 16.33;1 Ko 2.12;Ep 2.2; 6.12;1 Yo 5.4-5
4:5 4.5 Yo 3.31; 15.19; 17.14
4:6 4.6 Yo 8.47; 10.27; 14.17;1 Ko 14.37;2 Ko 10.7
4:7 4.7 1 Yo 2.29; 3.10-11; 3.23
4:8 4.8 1 Yo 2.4; 3.6; 4.16
4:9 4.9 Yo 3.16;Ro 5.8; 8.32;1 Yo 5.11
4:10 4.10 Yo 15.16;Ro 5.8-10;Ta 3.4;1 Yo 2.2
4:11 4.11 Mt 18.33;Yo 15.12-13;1 Yo 3.16
4:12 4.12 Yo 1.18;1 Ti 6.16;1 Yo 2.5-6; 4.18-20
4:13 4.13 Yo 14.20;2 Ko 1.22;1 Yo 3.24
4:14 4.14 Yo 1.14; 3.17;1 Yo 1.1-2
4:15 4.15 Ro 10.9;1 Yo 5.1; 5.5
4:16 4.16 1 Yo 3.24; 4.8; 4.12
4:17 4.17 Ye 2.13;1 Yo 2.28; 3.3; 3.19-21
4:20 4.20 1 Yo 2.4; 3.17; 4.12
4:21 4.21 Mt 5.44-45;Mk 12.29-31;Yo 13.34; 15.12;1 Yo 3.23