2
Polu nukoe Tesalonaika saina teyaire kunawotai
1 Yewapu xura2.1 1 Ts 1.5; 1.9, takieni sipa, sinie tini xopu purinuku saina tikiniai paiya, aini xuwexepu xuwe. 2 Tini2.2 YT 16.19-24; 17.1-9;Pl 1.30;Kl 2.1 sipa, sini tini xosa kopu xuweu yauseni, sini Pilipai erewese purikiri sinipo mupusiki xoxixoxiwori, tatau tikiniai. Pana sinie tini xosa koukiria, sikou Xoiteue sinipo xosikikemu sokisokiwati pa xiwayasikimanaure ximikinikikirixe. Xuwe. Sini sokisoki tumunuku tini xosa Xoiteupo asinaku kuna uteinuku. 3 Tinie Yesusure xotikisuwakuaire, tini yaitikinukua, sini kuna xoreiyerinuku, sini xunu kapiare e xorei kapia kakekixe. Xuwe. 4 Pana Xoiteue2.4 Yer 11.20;Ka 1.10;1 Ti 1.11 sini uteisikieina nukou xouweni sini asinaku kuna uteiwopi saina siketai. Pa xati xuiapue sinipo sainaure xonikiewopineri xinuku nanuwori kuna uteikirixe. Xuwe. Xoiteueni sinipo xosikikemu uteirouna xati, nukoini sinipo saina xouwewopina xinuku. 5 Tini2.5 YT 20.33;Ro 1.9;1 Ts 2.10;2 Pi 2.3 sipauweikiriai xati Xoiteue rania panumu kunani kunawopina, sinie tini niraniratikepi sie kuna kunawopu xuwe, pa xeika sinie tinipo sapire ekisikie ninuku asinaku kuna katikepu xuwe. 6 Sinie2.6 Yo 5.41; 5.44;1 Ko 9.1-6;2 Ko 11.9;2 Ts 3.8-9 tini xosare kireu xuimiapimi xosa kokaipa wenisiki tepure saina tepu xuwe. 7 Suau2.7 1 Ko 2.3;2 Ko 13.4;2 Ti 2.24, sini Kristusupo tianuwopi purikiriai. Pa xati sini sapi xosikieukiriai xakua sini tianisikakuaire tini katikiku. Pana sini tini xeika purikiniai yausepa, sini nono misiarara sie peuni purikiniai. Sini xuie nupo nonomi apuri tiniki purotai siei purikiriai. 8 Sini tinire xiri xosikieunuku, pa xati sini Xoiteupo asinaku kuna tini tikepure xinuku. Pa xeika sinipo ekisikioma tini tikepure rania sini ireinuku, pa amure, tinie sinipo marouni kutu saikiriai.
9 Yewapu xura2.9 YT 20.34;1 Ko 4.12;2 Ko 11.9; 12.15, sinie tini xeika purinuku Xoiteupo asinaku kuna uteinuku irereikiniaia tini sipauweikiriai. Tinie sini xoyeara sikakuai paiya tini xu tikepi xirarinuku, sini asau xeika ukumu xeika xosa sokisoki sainani kutu tikiriai.
10 Tini sipa xati, Xoiteu rania sinie tini Kristusure xotikisukiriai xuiapu xosa kakikiriai kapia nu sipa. Sinie Xoiteu ekero asinaku asinaku kapia kakikiniaina sini xoxi kapia kakepu xuwe. 11 Tini2.11 YT 20.31 sipa, eminikie nupo nonomi xosa kakirouna kapia sieni, sinie tini xosa panumu kapia kakinuku, 12 tinipo nanunanu2.12 Pl 1.27;Kl 1.10;2 Ti 1.9;1 Pi 5.10 sarinuku xotikikemu sokisokiwopure sinie kunaukiriai. Tini Xoiteupo kapiarei itouni texakuaire kakinuku kunaukiriai, tinie Xoiteue xuiapu yakunikirouna yause minika manari mena xouro asinaku misepini kutu takuaire nu Xoiteue tini yaitikeyai.
Yesusure xonikisurouneri apimie xiri xonikisuneri sokisoki tumuneri xu xemeneri
13 Pa sapire rania sipesi2.13 Ka 1.11-12; 4.14;1 Ts 1.2-3;2 Ts 2.13;2 Pi 3.2 sinie Xoiteu eiyaseurounuku. Tinie Xoiteupo kuna sinipo supusikiropu tikiriaia, tini apupo kuna sie tekixe. Xuwe. Tini Xoiteupo kunani kutu sie tikiniai. Kakari pa kuna paie tini Kristusu xosa xotikisukiriai xuiapu xotikiro sokisoki saina tina. 14 Yewapu xura2.14 YT 17.5;Ip 10.33-34, tinie Xoiteupo Yesusure xonikisuwoteneai xuiapu, Yutia puroteneai sie saikiriai, nini Yesusu Kristusu xeika etoketeneai xuiapu. Tinie emetikimana nikau xupunikiro kokaipa xuni kutu tikiriai sieni, Yutiapu Xoiteupo xuiapue Yuta xupunikiropu xu teteneai. 15 Yuta apimie2.15 YT 2.23; 3.15; 7.52; 9.23; 9.29; 13.45; 13.50; 14.2; 14.5; 14.9; 17.5; 17.13; 18.12 Kokaipa Yesusu ouweineri kunatureture rania ounikieineri, sini xesasiketeneai. Xoiteue xouwewotai kapia nikiniki tuneri, xokupa apimi xiwaixiwainikineri. 16 Sinie2.16 Mt 23.32-33; 24.6;Lu 11.52;YT 13.50 xetau xeteneai xuimiapimi xosa kuna uteiwopinuku paiya, ninie sinipo saina ime parauneri, pa amure, Xoiteue pa xuiapu xiyeri tinikepi nini xiraxineri. Pa xati ninie sipesi kakirouwori ninipo xunue pani kokaipa xati, Xoiteupo kisamairae nini xosa kotai purina.
Polue Tesalonaika apimi xiyeri xekenikepure xiri xouweuna
17 Yewapu xura2.17 1 Ts 3.10, Yuta apimie kakeri tini xayaka xayaka weitikiteri nanukiria, eminikie nupo nonomi weinikiteri xetauro purieuna. Sini tinipo moatikikemu xekeukiri xana xuwena pana, sinipo xosikikemu paiya tini xeikani purina. Pa xati tini xiyeri kounuku xeketikepure ime xirekepi saina pani sokisoki tinuku. 18 Sinie tini kounuku xeketikepure xikiriai, ye Polu, ye kopure xokupa yause eruruyai. Pana Satanie taiyerisiketai. 19 Sikou Kokaipa Yesusue xiyeri koati yause2.19 Pl 2.15-16; 4.1;2 Ts 1.4 paiya, amu sapie sini sokisokisikati nu ekero tumunuku nimaririwopinukuna? Sini amu tikou atarunuku sinie sinipo saina ati tikiniai xepinukuna? Paiya tini kireni. 20 Iyo2.20 2 Ko 1.14;1 Ts 3.13;XKY 1.7, sini tinire nimaririroukiri, takieni kakari sini xosikikemu asinaku purinuku.
2:1 2.1 1 Ts 1.5; 1.9
2:2 2.2 YT 16.19-24; 17.1-9;Pl 1.30;Kl 2.1
2:4 2.4 Yer 11.20;Ka 1.10;1 Ti 1.11
2:5 2.5 YT 20.33;Ro 1.9;1 Ts 2.10;2 Pi 2.3
2:6 2.6 Yo 5.41; 5.44;1 Ko 9.1-6;2 Ko 11.9;2 Ts 3.8-9
2:7 2.7 1 Ko 2.3;2 Ko 13.4;2 Ti 2.24
2:9 2.9 YT 20.34;1 Ko 4.12;2 Ko 11.9; 12.15
2:11 2.11 YT 20.31
2:12 2.12 Pl 1.27;Kl 1.10;2 Ti 1.9;1 Pi 5.10
2:13 2.13 Ka 1.11-12; 4.14;1 Ts 1.2-3;2 Ts 2.13;2 Pi 3.2
2:14 2.14 YT 17.5;Ip 10.33-34
2:15 2.15 YT 2.23; 3.15; 7.52; 9.23; 9.29; 13.45; 13.50; 14.2; 14.5; 14.9; 17.5; 17.13; 18.12
2:16 2.16 Mt 23.32-33; 24.6;Lu 11.52;YT 13.50
2:17 2.17 1 Ts 3.10
2:19 2.19 Pl 2.15-16; 4.1;2 Ts 1.4
2:20 2.20 2 Ko 1.14;1 Ts 3.13;XKY 1.7