5
Sini kokaipa kopina yauseure ireiwopu
1 Yewapu xura5.1 Mt 24.36, sinie katikinuku panumu asau xosa panumu yause xosa pa sapi akipa xepinaxinuku kuna xayaunuku katikepukirixe. 2 Takieni5.2 Mt 24.42-44;Lu 12.39;2 Pi 3.10;XKY 3.3 sipauweikiriai, Kokaipa kopina asau paiya petuae ukumani marouna sie sapauni kopina. 3 Xuiapue5.3 Ese 13.10;Os 13.13;Mt 24.39;Lu 21.34-35;Yo 16.21-22 ipaki kunauneri, “Ximine asinaku yauseni kutu. Xosikikemu yoroni puropu,” xeria, xuie nono iyarepure xeri tatau marouna sie nini xoxi nikepina sapie sapauni nini xosa mopina. Ninie pa sapi emeseriwopuworixana xuwe. 4 Pana5.4 Ro 13.12-13;1 Yo 2.8 tini yewapu xura tini ukumu xosa purinuku xati, petuae moati apue xekeri urewotai sie tinie pa asau moati xekeri xoxi ure urewakuaixe. Xuwe. 5 Tini5.5 Ro 13.12;Ep 5.8-9 xokupa paiya tini memeremu xeika asau xeika xosaupo apimi. Sini ukumu xeika xori xeikapu kini xuwe. 6 Pa xati5.6 Mt 24.42; 25.5; 25.13;1 Pi 5.8 kireu apimi sie sini xinexekini. Xeuxana ekisikie pereu purati, nanusikie teteiwopina. 7 Sini5.7 Lu 21.34-36;Ro 13.13;Ep 5.14 sipa, xinepineri apimi paiya, nini ukumani xinirouneri. Xisa xukoriwopineri apimi paiya, nini ukumani xisa xukorineri puturouneri. 8 Pana5.8 Ais 59.17;Ep 6.13-17 sini asaupo kinia, sini atinuku nanunanu tepu. Sini Xoiteure xosikisunuku, kireu xiri xonikiewopi kapia tinuku, pa kapiae xomatua nikau nekei sie erepu. Kakinuku Xoiteu yakukiri xiyeri sosikepina kapia paiya, xomatua nikau koike sie kurorinuku, sini sokisoki tumunuku ati yakuwopu. 9 Sini5.9 Ro 9.22;1 Ts 1.10;2 Ts 2.13-14;1 Pi 2.8 Xoiteu nukou kisamaira tepure sini tumusikerepu xuwe. Sikou Kokaipa Yesusu Kristusue xiyeri sosikepinaure nue sini tumusikeretai. 10 Yesusue5.10 Ro 14.8-9;2 Ko 5.15;1 Ts 4.14 sini tianisikepure xumotai, pa xati sini ekisikioma purinukure e sini xumunukua, sini nu xeika ekisikioma puropu. 11 Pa xati5.11 Yu 20 tini mua kakirounuku sie, tini kirenikirenie takitaki xotikikemu sokisokiwata akuai.
Tini Yesusure xotikisurounuku xuiapue takitaki tianuwata aukuai
12 Yewapu xura5.12 1 Ko 16.18;Pl 2.29;1 Ti 5.17;Ip 13.7; 13.17, sinie tini ipaki katikepure xinuku, apimie tini tianitikepi saina teteneai irue pura. Kokaipae nini tinipo tumu iyainikerati purineri, tinipo kapia kutuwopure ninie tini kuna tikirouneri. 13 Ninie pa saina tirounerire, tinie nanunanunari xotikikemu xiri asinaku xinari xiri xotikienika. Kakinari tini xokupae kireni xotikie pura.
14 Yewapu xura5.14 Ka 5.22; 6.1-2;Kl 3.12;2 Ts 3.6; 3.11; 3.15;Ip 12.12, ouyeouye xirouneri apimi nikau kapia kutunari ximikirouneri apimi nikau xonikikemu sokisokinari sokisokixepu xuweu woteneai apimi tianikinariwakuaire tini saitikerepure xinuku. Kakinari tinie xokupa apimi peuni peuni nika.
15 Ninie5.15 Asin 20.22;Mt 5.39;Ro 12.17;1 Ko 6.7;1 Pi 3.9 tini xosa xoxixoxi kapia kakeria, tinie kaki xanari xapa taku. Xokupa yause tinie Xoiteupo xokupa xuiapu xeika kireu xuiapu xeika xosa asinaku kapiani kakepure sokisokixa.
16 Xokupa yause5.16 2 Ko 6.10;Pl 4.4 tinie xiri nimaririnari, 17 sipesi5.17 Lu 18.1;Ep 6.18;Kl 4.2;1 Pi 4.7 kunikuniwakuai. 18 Tini5.18 Ep 5.20;Kl 3.17 xuiapu Kristusu Yesusu xeika etokikiriaie panumu kapia tini xosa yaraxatia tini Xoiteu eiyasewakuai. Xoiteu nu panumu kapia xouweuna.
19 Tinie kire sapi kakakuaire Xoiteupo Supo Youyae saitikerepure xatia5.19 Ep 4.30;1 Ti 4.14;2 Ti 1.6, tini kakixinari nu paraunari, 20 apimie tini5.20 1 Ko 14.1; 14.39 xosa kunatureture kuna uteiwopure xeria kakixanari pa kunaure xotikikemu xoxixoxixaku. 21 Pana5.21 1 Ko 2.11; 2.15;Pl 4.8;1 Yo 4.1 xokupa kuna xeika kapia xeika ati erurunari uteiwakuai. Kakinari asinaku kapia kireni sokisoki tinari, 22 xokupa5.22 Yop 1.1; 1.8; 2.3 xoxi kapia emeseriwa.
23 Xoiteu5.23 Ro 15.33;1 Ko 1.8;Pl 4.9;1 Ts 3.13;2 Ts 3.16 nu xoukemu yorowopi xotapa, nue kakati tinie tinipo ekitikioma xiri tuwaria tini xiri xokumo saitikerepina. Kakina tinipo xenitiki xeika muputiki xeika nanunanu xeika ati yakuwati, tini xiri asinaku purinaria sikou Kokaipa Yesusu Kristusue xiyeri kopina yause xosa tinipo xu xuwexepina. 24 Xoiteue5.24 1 Ko 1.9; 10.13;2 Ts 3.3 tini yaitikeyaina, nue pa xokupa sapi tini xosa kakepina, pa amure, nukoe xokupa kuna kunawoyaini kutu tairouna.
25 Yewapu xura5.25 Kl 4.3;2 Ts 3.1, tinie Xoiteu kunikuniwarini kutu sini tianisikepina.
26 Siko Xoiteupo xuiapu sikau kapia paiya5.26 Ro 16.16, tini kirenikirenie kireu uritoko nikakuai.
27 Kokaipapu wenumurei ye tini xosa sokisoki kunaune, mua nakau tinie Xoiteupo xokupa xuiapu xosanikini kutu xosa ninaxakuai.
28 Sikou Kokaipa Yesusu Kristusue xousuaxina xouwesiketai kapia tini xosa purina.
5:1 5.1 Mt 24.36
5:2 5.2 Mt 24.42-44;Lu 12.39;2 Pi 3.10;XKY 3.3
5:3 5.3 Ese 13.10;Os 13.13;Mt 24.39;Lu 21.34-35;Yo 16.21-22
5:4 5.4 Ro 13.12-13;1 Yo 2.8
5:5 5.5 Ro 13.12;Ep 5.8-9
5:6 5.6 Mt 24.42; 25.5; 25.13;1 Pi 5.8
5:7 5.7 Lu 21.34-36;Ro 13.13;Ep 5.14
5:8 5.8 Ais 59.17;Ep 6.13-17
5:9 5.9 Ro 9.22;1 Ts 1.10;2 Ts 2.13-14;1 Pi 2.8
5:10 5.10 Ro 14.8-9;2 Ko 5.15;1 Ts 4.14
5:11 5.11 Yu 20
5:12 5.12 1 Ko 16.18;Pl 2.29;1 Ti 5.17;Ip 13.7; 13.17
5:14 5.14 Ka 5.22; 6.1-2;Kl 3.12;2 Ts 3.6; 3.11; 3.15;Ip 12.12
5:15 5.15 Asin 20.22;Mt 5.39;Ro 12.17;1 Ko 6.7;1 Pi 3.9
5:16 5.16 2 Ko 6.10;Pl 4.4
5:17 5.17 Lu 18.1;Ep 6.18;Kl 4.2;1 Pi 4.7
5:18 5.18 Ep 5.20;Kl 3.17
5:19 5.19 Ep 4.30;1 Ti 4.14;2 Ti 1.6
5:20 5.20 1 Ko 14.1; 14.39
5:21 5.21 1 Ko 2.11; 2.15;Pl 4.8;1 Yo 4.1
5:22 5.22 Yop 1.1; 1.8; 2.3
5:23 5.23 Ro 15.33;1 Ko 1.8;Pl 4.9;1 Ts 3.13;2 Ts 3.16
5:24 5.24 1 Ko 1.9; 10.13;2 Ts 3.3
5:25 5.25 Kl 4.3;2 Ts 3.1
5:26 5.26 Ro 16.16