Tesalonaika apimie ouyetutua apimi atineri kutunikepineri
3
3
Tinie Xoiteu xosa kunikuniwaria sini tianisikepina
1 Yewapu xura3.1 Ep 6.19;Kl 4.3;1 Ts 5.25, sini pani kire kuna tuku. Kuna paiya muai. Xoiteue sini tianisikepinaure tinie kunikuniwari, Kokaipapu kunae xokupa sanawayau oupapaina taki xopu kokaipa wenumu teyai sie tepina. 2 Apimie3.2 YT 28.24;Ro 10.16; 15.31 xoxixoxi kapia kakirouneri xati, tinie Xoiteu xosa kunikuniwari nue apimi xoxi xupunikiropu sini xiyeri tisikepina. Tini sipa, xokupa apimie Kristusu xosa xonikisuworixe.
3 Pana3.3 Yo 17.15;1 Ko 1.9;1 Ts 5.24;2 Pi 2.9 Kokaipae suau kapiani kutu kakirouna. Pa xati sinie nureni kutu xosikisuwopu itou. Kakari nue tini sokisokitikina yakutikatia, Satanie tini xosa kire kapia kakepuwatixe. 4 Tinie3.4 2 Ko 7.16;Ka 5.10;1 Ts 4.10 xokupa kapia kakakuaire sinie katikikiriai sie kakari, Kokaipae kakati sini paire atinuku sipaunuku. Pa xati sewai rania tini panumu kapia kireni kakakuai.
5 Kokaipae tinipo nanunanu taitaitikati, Xoiteue xuiapu xiri xouweniketaipo kapia xiri sipaunari, Kristusue sokisoki tumuna xu xemerotaipo kapia sipaunariwakuaire xinuku.
Xokupa apimi tini saina ta
6 Yewapu xura3.6 Mt 18.17;Ro 16.17;1 Ko 5.11-13;2 Ts 3.11-14;1 Ti 6.5;2 Yo 10, sikou Kokaipa, Yesus Kristusupo wenumurei sinie tini xosa sokisoki kuna ipaki kunaunuku, kireu xatasikimanae aini purineri pa kuna sinie tikiriai taiwopu xuweurouneria, tini weniki xetauro pura. 7 Tini3.7 1 Ko 4.16;Pl 3.17;1 Ts 1.6 sipa, tini sinipo kapiani kutu taiwa. Sinie tini xeika purikiriai yause xosa, sini aini puriroukiri xana xuwe. 8 Sinie3.8 2 Ko 11.9;1 Ts 2.9 tini xuputikiropu xoye aini tekixe. Xuwe. Sini isayaxirounuku. Sinie tini xu tepi xirarinuku, sokisoki saina tinuku asau ukumu irereiwowoukiriai. 9 Sinie3.9 1 Ko 9.4-6;1 Ts 1.6 tini xosa xoye tepu xuweuwopinuku sie xuwe. Sini xoye tepinukuni kutu itouna pana sini tepu xuwe, pa amure, takieni asinaku kapia taiwakuaire sini ataritikinuku.
10 Tini3.10 1 Ts 4.11 sipa, sini taki xeikani purikiriai yause xosa, tini ipaki katikinuku, apue saina tepu xiraxina paiya, nu xoye tepuwatixana xuwe xikiriai. 11 Pana3.11 1 Ti 5.13;1 Pi 4.15 kireu tini xosaupoe aini ouye purori sini pa kuna iyesinuku. Ninie kire saina terixe. Nini kireu apimi nikau xokupa sapire kunau xanauwopi saina kireni tineri, paiya ninipo sapi xuwe. 12 Pa xati3.12 1 Ts 4.11 ximine Kokaipa Yesusu Kristusupo wenumurei sinie pa apimi mua sokisoki kuna ipaki kanikinuku, nini atinerini kutu misineri, saina tineri, nikou xoye sapini nepineri.
13 Yewapu xura3.13 Ka 6.9, tini kakixanari asinaku kapia kakepire ouyexaku. 14 Sinie3.14 1 Ko 5.9-11 mua xokupa kuna nakau xosa xayaukiriai kire apue taiwopu xuweuna paiya, pa apu ati tumuworinari tini weu xetauro purari, nuko kaketai kapiaure mayaxepina. 15 Paiya tini3.15 1 Ts 5.14;Ta 3.10 nupo xiwai xinari nanuwakuaire sini kunaukirixe. Xuwe. Sinipo xatasiki xinari, nupo nanunanu kutuwakuaire kuna tuwakuai.
Polue kuso kuna kaniketai
16 Kokaipa3.16 1 Ts 5.23 nu xoukemu yorowopi kapia xotapa, nue sipesi kakatia tinie xokupa sapi xosa xotikikemu yoroni purakuai. Kokaipae tini xokupa xeika puropina.
17 Ye3.17 1 Ko 16.21 Polu ye ikoini mua kuso kuna tini xosa xayaune. Ye nakau xayaunepa muanumu kuna xokupa nakau xosa xayauroune. Muaia ye yekuworitiai xupisui.
18 Sikou Kokaipa Yesusu Kristusue xousuaxati xouwesikirouna kapiae tini xokupa xeika puropina.
3:1 3.1 Ep 6.19;Kl 4.3;1 Ts 5.25
3:2 3.2 YT 28.24;Ro 10.16; 15.31
3:3 3.3 Yo 17.15;1 Ko 1.9;1 Ts 5.24;2 Pi 2.9
3:4 3.4 2 Ko 7.16;Ka 5.10;1 Ts 4.10
3:6 3.6 Mt 18.17;Ro 16.17;1 Ko 5.11-13;2 Ts 3.11-14;1 Ti 6.5;2 Yo 10
3:7 3.7 1 Ko 4.16;Pl 3.17;1 Ts 1.6
3:8 3.8 2 Ko 11.9;1 Ts 2.9
3:9 3.9 1 Ko 9.4-6;1 Ts 1.6
3:10 3.10 1 Ts 4.11
3:11 3.11 1 Ti 5.13;1 Pi 4.15
3:12 3.12 1 Ts 4.11
3:13 3.13 Ka 6.9
3:14 3.14 1 Ko 5.9-11
3:15 3.15 1 Ts 5.14;Ta 3.10
3:16 3.16 1 Ts 5.23
3:17 3.17 1 Ko 16.21