1 Warere Iosia Iuda tawowa apanawa eiau uduudu ita bola debama Ierusalem apanawa eiau diamono mampe wimoiena. 2 Ita warere Iuda tawowa apanawa uduudu ita Ierusalem apanawa, pirisi ita peroweta tane do apana eboeboua ita ebousiawaia do odane God duwa bedewe anton. Ita warere Iosia God saua badowa wana bukawa apana uduudu mampo wisialen. Buka sa nola apanawa God duwa bedewe donsaiena. 3 Tane warere God duwa bedewe tuatua tampe warere eneie gagalontoia bolawa osowe enene God sauawa badowa aiawa debama mampe wane sanaasan. Iosia badowa saualena dima uduudu Iawe God sauawa badowa buka bedewe girumamono wineia nuawa uduudu mampe ruawalempe waimpa. Ita do apana uduudu saua sa deawa Iawe God mampe waiena.

4 Tane warere pirisi ionoidoa Elkia ita pirisi sausaia, do pirisi uduudu mo mida nolau du moawa oniempa badowa diamon. Mo God duwa bedewe god Baal dewamoia, Asera ita kipora uba tampe inainambu rua dewamoiena ita do nitubu uduudu otamopue nambemopu. Iosia apana diamona nitu sa otepue bola Ierusalem epue nambe Kidron tampe doba nua bedewe sumopuo imopituwapi. Ita ema aupe mo god lagawa sumoiena isanawa otamopue bolawa debama Betel*Bola Betel intawa alene Ierusalemwa wisena awa ipa 19 kilomita waden. bedewe antopu.