2 Samuel
Waeuwa uawa
Buka ema ipa Dawid apana oniena walamawa umanawa dianede. Buka nepa 1-4 ipa Dawid ambi Iuda bolawa os oniena umanawa dianede, ita buka nepa 5-24 sa ipa me ambi bola Israel apanawa uduudu onimona umanawa dianede. Ita do buka ema girumala dianedia me ambi emalawoa apanawa do onantoiena bola nata, Israel bedewe ita bola isiwa do bedewe. Ita ema no euwanede ambi Dawid Iawe God nuawadawadasane ita sumanaiwalen. Ita do me kadiwa ita omaitua isiwa euwanede. Tane no ewate atentata Iawe God ambi Dawid poka waneno eten me kadi dewasano baiwa, tane do ewata ambi Dawid kadi bedewe me insaisawa leusano Iawe God me kadiwa insendabuasan. Dawid sai uaraia dommon, Israel bolawa oniedia walamawe ita Iawe God Dawid onien. Ita Iawe God Dawid oniene ita me mampe saua wana wadendoden ita me nosinosiwa do mampo (2 Samuel 7.11-16).
Gagalo uwau sonabamoia
Dawid Israel apanawa warereulen (5.1-4)
Iawe God Dawid mampe saua badowa itun (7.1-5, 8-17)
Dawid Iawe God mampe kadi dewasan (11.1-17, 26-27)
Peroweta Natan Dawid kadiwa sabamosade (12.1-25)
5
Dawid Israel apanawa warereulen
Israelwa uwau apanawa antone Dawid bola debama Ibron bedewe donsane ita waienase, “No ipa e dana moa. Mapoido Sol ipa no wareremba, tane e Dawid dea osi Israelwa sorodiau uwau apanawa wainie mo banlamoiano nomoie ona awa antoie. Iawe God e dieene wanase, ‘E ne apanana Israelwa oniadewasamona, ambi gamo oniadewasala apanawa sipsipwa oniadewasamodia rua.’ ”
Tane walama sawo Israelwa apanau debamau uduudu bola debama Ibron bedewe Dawid mampe wimon, ita Dawid Israel apanawa do Iawe God emawe sauanton. Sa ipa Israel apanawa uwauntoia mena wadane Dawid uawa osowe memene euwamon me ipa tauma Israelwa warereu.
Tane Dawid enawa 30 wadedio, me warerelene Israel apanawa oniamono ena 40 dialen. 1 Kin 2.11

5:4: 1 Kin 2.11