35
Tane Iakob bola Aran bedewe alene Leiban obampa iwoa nata Lea ita Reitel naimon. Me ioto sa malesamopia baiwa Leiban mampe nolalena enawa 14 dialen. Ita God me dieno bosiawa ene leulene alen mamba bolawe. Me leulene aleidie into Esau apanawa do insamone nuawa saidalen. Ipawa me apanawa do onau enapue kadimopua sawa.
God sau euda Iakob osowe itude
9 Iakob bola Padan Aram*Padan Aram apua osowe bola kerauda Aram winede Mesopotamia omo pamedia deneuwe. bedewe wandie leulene bola debama Betelwa wiseno God me mampe segalene sau euda osowe itun. 10 Ita God wanase,
“E eboa ipa Iakob
ebo sa tauma dialeide
tane eboa sanaa ipa Israel.”†Ebo Iakob Ibru aiawe ipawaida ipa lagawaa, tane ebo Israel Ibru aiawe ipawaida ipa God onaleide ba me God do ona maei. ✡Bumpai 32.28
Ita me ebowa ituna Israel. 11 Tane God me mampe wanase,
“Ne ipa God Mukamukaua
e otootoite obana uara segantopu
do dana debamalepi
ita uwa daitada segantopu.
Tane mo bedeuwo isiwa warere segantopue apana oniamompa.✡Bumpai 17.4-8
12 Tane tawo umanawa ne Abraam ita Aisak sauamona
ne e eneepa ita do e dana
ando muntompa tawo ema wanamopa.”
13 Sape God Iakob mampe gagaloleno dialeno ene alen. 14 God gagalolena aupawa oso Iakob seu dauma wadene eindodene ita osowe wain memene pulowa God mampe itun ita do ia olib esapa memene en.✡Bumpai 28.18,19 15 Iakob God nata sape gagalotona baiwa bola sa ebowa Betel‡Ebo Betel Ibru aiawe ipawaida ipa God duwa. itun.
Reitel bolen
16 Ema aupe Iakob bola Betel ene antoie andoma bola debama Epra bedewe wimopua Reitel oto dauwa eten. Ita oto mulepona babisane poka etaidasan. 17 Me oto gamoa babisadio poka debamaia wisen ita oto muleidio oniedia iwa wanase, “Mai saitaa e oto mona gamosaana.” 18 Tane walama sawo Reitel boida baiwaledie oto ebowa ituna Benoni.§Ebo Benoni Ibru aiawe ipawaida ipa poka etaidasana otopa. Tane me mamba otopa ebowa itune wanase, Beniamin.*Ebo Beniamin Ibru aiawe ipawaida ipa oto ema ipa ne sinanepa sa ipawa ipa ne nuana otopa. 19 Sape Reitel boleno bola debama Epra intawa aleidia waiwe dobontoiena. Tane bola debama Epra ipa Beteliem ebowa tontawa. 20 Ita Iakob Reitel dobontoiena osowe seu dauma wadene eindoden. Mo seu sa ewompe me bowa insempa baiwa.
Aisak bowa
22 Tane Iakob obampa mona wisiawa uduudu 12.
23 Me manainapa Lea gamomona ipa:
Ruben me Iakob otopa tautuwa,
Simion, Liwai, Iuda, Isaka ita Sebulun.
24 Tane manainapa Reitel obaampa mona ebou ipa:
Iosep ita Beniamin.
25 Tane Reitel nolawa iwa ebowa Bila obampa mona ipa:
Dan ita Napitali.
26 Ita Lea nolawa iwa ebowa Silpa obampa mona ipa:
Gad ita Asea.
Mo ipa Iakob obampa mona bola Padan Aram bedewe waimoie muntona.
27 Tane Iakob leulene mamba Aisak mampe wisen bola Mamre, Kiriat Aba tampe. Bola sa tauma ebowa waia Ibron. Tane sape mapo Abraam Aisak nata ware rua waimoie.✡Bumpai 13.18 28 Ita Aisak sape wandio enawa 180 waden. 29 Tane me wandio ena debamaia dialeno gulaulene boleno aleupa alen nosinosiwa mampo. Tane me obaampa Esau ita Iakob dobontoiena.
*35:9: Padan Aram apua osowe bola kerauda Aram winede Mesopotamia omo pamedia deneuwe.
†35:10: Ebo Iakob Ibru aiawe ipawaida ipa lagawaa, tane ebo Israel Ibru aiawe ipawaida ipa God onaleide ba me God do ona maei.
‡35:15: Ebo Betel Ibru aiawe ipawaida ipa God duwa.
§35:18: Ebo Benoni Ibru aiawe ipawaida ipa poka etaidasana otopa.
*35:18: Ebo Beniamin Ibru aiawe ipawaida ipa oto ema ipa ne sinanepa sa ipawa ipa ne nuana otopa.