5
Wain iraiwa sasawa
1 Me mida ne nuawadawadasadina sasawa wapa,
me wainiwa irailena sasawa wapa:
Ne nuawadawada sona wainiwa iraiwa wadi sainape dogo eudida osowe ain.✡ Matiu 21.33; Mak 12.1; Luk 20.9
2 Me dogo nobalene seu nambemone ita wainiwa eubuida naumba menasadia rua aimon.
Ita irai sa bedewe iwulempe waimpa apewa wawa dauma iono waden,
ita do wain gadawa abomawa* Aboma umanawa wadia sa ipa. Mo nau wokontoio aboma segaleidio bedewe wain teie ansisisaio esapa nagawa da dewasaiena bedewe nosedie dugi bedewe aleide nampaa baiwa. dewasane itun.
Ema aupe wain ipawa eubu daudaua banubu alen,
tane me ipawa kadiu moa epaepala os ewamon.
3 Tauma ne nuawadawada sona wane wanase, “E mida Ierusalem ita Iuda bedewe wainilana,
ne ita wain aina iraiwa maininene ewanene wano etapo irai ainaa kadilen ba ne ainakadisana!
4 Nitu dainea ne mai dewasapona baiwa iraina kadilen? Ipawa ne mai nitu da dewasapakadisapona, diaida.
Ne menanena iraina bedewe ipawa eubu ewamopona, tane kadiu moa epaepala os ewamona.
5 Sa baiwa ne wain aina iraiwa mampe ambi dewasapaa insaisawantedina umanawa dialepo etana:
Ne me enabodawa gedara ainepanana bowiantapo ita me kadi donsapi.
Ne me belawa einaa epateianteapa,
ita pue dobinoa odapue ipau namopue
ita irai sa ansisisapue kadisapu.
6 Ita ne irai sa epo rokoulepi,
ne mai wain sa simbiasape deunteapa ba dogowa nobanteapa, dia.
Tane ne epo gedara taupibodepi,
ita do unu anaanasapo mai wapie irai sa butasapi, dia.”
7 Israel apanawa ipa Iawe God Mukamukaua wainiwa iraiwa,
ita Iuda apanawa sa ipa me wainiwaida meba aina nuawa eusampaa baiwa,
sa baiwa me menasana mo insadewasantoipe dewa intawe dodomana dewasaipona,
tane mo kadiwa dewasane sosou epaboiamoiena.
Mo dodomana dewasapona me insaisawaleidie,
tane mo sosou mampo kadiwa dewasaio
pokawa eteie sidantoia etedie.
✡5:1: Matiu 21.33; Mak 12.1; Luk 20.9
*5:2: Aboma umanawa wadia sa ipa. Mo nau wokontoio aboma segaleidio bedewe wain teie ansisisaio esapa nagawa da dewasaiena bedewe nosedie dugi bedewe aleide nampaa baiwa.