54
Iawe God Israel apanawa nuawadawadamode
5 Me mida e dewaena ipa e badaa,
me ebowa ipa Iawe God Mukamukaua uduudu onapolene oniamode,
Israelwa Godiu kakaiwa ipa e inawala,
me ebowa waia ipa tawo uduudu Godiu.
6 E ipa i sanaa nainaila badawa edio nuapareleidie wandia rua.
Tane Iawe God umanaa wapio leuite mampe winea.
7 Iawe God mida e oniaedia ema epe wade, “Walama kampaida os baiwa ne eena,
tane nuaparena debama mampe leuepo mainawo winea.
8 Ne nuana kadileno walama kampaida bedewe ne adiananaena,
tane nuawadawadana winakasala mampe
ne nuaparena e manawo sabamosapa.”
Iawe God me mida e kakailedie onialedia ema epe wade 9 “Noa walamawe ne sauantena mai osowe abaia wapaaubepo tawo kadisapi,✡Bumpai 9.8-17
epe rua ne sauantedina mai osowe adiananaepa,
ita ne mai osowe matangelaepa, dia.
10 Naita wadi debamau ba kerakerau lawosantopue diantopu,
tane ne nuawadawana mai dialepi,
ita ne wanwan euda obasa eneepa sauawa wana winakasalepi,”
sa ipa Iawe God mida nuaparealeidia epe wade.