4
Elipas Iob mampe gagaloleide
1 Tane Elipas Teman apanawa Iob sipoasane wanase:
2 “Naita ne gagaloepo, e nuaa kadilepio?
Tane mai daina wampaa rua.
3 Ulaipa, e apana uaraia waeuwamoana,
e mo witapu oarantoia dewamoano badonton.
4 E aiaa mampe apana omeia saumoano eneiena;
apana imimpu oaoarau e dewamoano badonton.
5 Tane tauma poka saiwa manawo wiseno e insaisaa omen;
poka saiwa ibua wadeno saidaiten.
6 Ambi, e God wiwirawaitiana ita do wanwanaa dodomanawa wainiana
dewaepono insaisaa badolepona.
7 E inseiana apana kadiwa mai dewasaipona
do sanaa waimoia di bontoi, ba?
Apana wanwan dodomana waimoia God kadimode, ba?
8 Ne apana sa ewamodina, mo ipa sa kadiwa aimoie
ita kadiwa uwauwantoi.
Sa baiwa mo poka saiwa anei
lawuru naumba aneia rua.
Ita mo muba ipa sa kadi dewawa
ita poka saiwa aneiena deawaida uwauwantoi.”
Iob sosowa me dewa kadiu uara dewamodia umanawa osoweosowe dieie sa baiwa me pokawa saiwa mampe debamaidalen, tane Iob wadia me mai kadiwa da dewasapona, dia.