95
Wadapos sasawa
1 Winleno sasantate Iawe God wadaposisata
no nuaeu mampe me wadaposisata,
me ipa no onioniamba ita saumba.
2 No me mampe winte auwasata
no sasantate me wadaposisata.
3 Ipawa Iawe God me ipa debamawaida,
me ipa warere mukamukaua tawo godiu uduudu aimon.
4 Tawo bolawa uduudu ipa me mampea
doba nuau iane aidantona
ita wadi debama odane aidantona
me os witape winei.
5 Owa ipa me mebaa, ipawa me dewasan
ita do tawo me dewasan.
6 Winleno dunentate Iawe God wadaposisata,
Iawe God no dewanena danawe iminimba emmisintata.
7 Me ipa no Godimba,
no ipa me apanawaida, oniadewasanede,
gamowa rua onianedio wainitana.
Ande e me aiawa etanadewaitana!
8 Me wadiase, “E mai nosinosila sala makowa bedewe bola Meriba
ita Masa bedewe wimone nuau anatene badosaiena ruauitana!✡Ibru 4.7 ✡Ekisod 17.1-7; Nambas 20.2-13
9 Mo ne ginasana emauwoido eweiena,
ita mai sumanaintopona,
tane rubu osowe ituneiena.✡Ibru 3.15
10 Ena 40 bedewe ne mo mampo nuana kadileno wanase,
‘Apana ema nuau nambeido,
ne aiana mai ruawantoipona.’
11 Sa baiwa nuana kadileno badowa diamone wanase,
‘Ne bubua bolawa mo baibu imaasanawo mai odapu, dia.’ ”✡Ibru 3.7-11 ✡Ibru 4.3,5