3
1 Jon 1.12, 3.16, 16.3, Lom 8.16, 1 Jo 4.10 God chɨnop mapen yɨbɨl lɨl agup, Nɨbi ñapay yad mɨdebɨm agup. Nɨŋɨd yɨbɨl, chɨn God ñapay ne mɨdobun. Pen binɨb lum awl yɨl okok, kɨli chɨnop nɨgtep ma gɨpal. Bapi chɨn ak nop nɨgtep ma gɨlak, anɨb ak tek chɨnop nɨgtep ma gɨpal. 2 Lom 8.18, 8.29, 1 Ko 15.49, 2 Ko 3.18, Plp 3.21, Kol 3.4, 2 Pi 1.4 Pen binɨb mapen yad okok nɨgɨm. Chɨn mɨñɨl God ñapay ne mɨdɨl, kɨdek tɨtay tek yonɨgabun ak nɨgtep ma gɨpun. Nɨgtep ma gɨpun ak pen, Klays ne apɨl mɨseŋ lak ñɨn ak, nop nɨŋɨd, chɨn ke yɨbɨl lɨl ne mɨdeb tek ak yonɨgabun. 3 Binɨb gos anɨb ak nepal okok, kɨli nop kod mɨdɨl, ne gach sek ma yek tek yonɨgun agɨl, tap si tap tɨmel okok kelɨgɨl gach sek ma mɨdebal.
4 Lom 4.15, 1 Jo 5.17 Binɨb tap si tap tɨmel gɨpal okok, God takaw ak tɨbɨlɨkɨpal. Tap si tap tɨmel ak anɨb ke mel, nɨm ak takaw ne tɨbɨlɨkɨpal ak nep. 5 Ais 53.5-6, 53.11, Jon 1.29, 2 Ko 5.21, 1 Ti 1.15, Hib 4.15, 1 Pi 2.22-24, 1 Jo 2.2 Pen nɨb nepɨm, Jisas tap si tap tɨmel gɨpal okok tɨg walɨg gɨyokɨnɨg owak. Pen ne tap si tap tɨmel ma yɨbɨl gak. 6 Lom 6.1-2, 6.14, 1 Jo 2.4, 3.9, 4.8, 3 Jo 11 Binɨb Klays nop chɨg tep gɨl mɨdebal okok, tap si tap tɨmel gɨlɨg ma mɨdebal. Binɨb tap si tap tɨmel gɨlɨg mɨdebal okok, kɨli nop wɨdɨn ma nɨŋɨd, ne bɨ tay tek mɨdeb ak ma nepal.
7 Lom 2.13, 1 Jo 2.26, 2.29 Ñapay tep yad okok. Bɨ ogɨnap yepɨs agɨl, nɨbop ag lɨpɨg dad amnɨgel tek lɨnɨgab ak, nɨgtep gɨnɨmɨb. Binɨb gɨtep gɨpal okok, kɨli Klays suŋtep mɨdeb tek mɨdebal. 8 Stt 3.15, Luk 10.18, Jon 8.44, 16.11, Hib 2.14 Pen binɨb tap si tap tɨmel gɨlɨg mɨdebal okok, kɨcheki bɨawl ak kɨlop bak lek, kɨli ne tap si tap tɨmel bɨlel nɨb pel gup tek gɨlɨg mɨdebal. Adek anɨb ak nep, God Ñɨne owak. Ne Satan binɨb okok kɨlop pel gɨ tɨmel gup ak, pɨsnep tɨbɨlɨk yokɨnɨg owak. 9 1 Pi 1.23, 1 Jo 5.18 Binɨb God ñapay ne mɨdebal okok, ne kɨlop gɨtep gɨl kod mɨdaknɨŋ, tap si tap tɨmel okok asɨk tep gɨpal. Ne mɨdeb tek mɨdɨl, tap si tap tɨmel gɨlɨg yenɨgel tek ma lup. 10 1 Jo 2.29, 4.8 Anɨb ak tek binɨb an God ñapay ne mɨdebal akaŋ, an Satan ñapay ne mɨdebal ak, nɨgtep gɨpun. Binɨb gɨtep ma gɨl, mam okok kɨlop mapen ma lɨpal okok, God ñapay ne ma mɨdebal.
Mam ay God yɨl mɨdebal okok, kɨlop mapen lɨnɨmɨb
11 Jon 13.34, 15.12, 1 Jo 1.5, 4.7, 4.21 Pen takaw anɨb ak ned nɨbop agɨnok tek, mam ay okok kɨlop mapen lɨnɨmɨb. 12 Stt 4.8, Hib 11.4, Jud 11 Adam ñɨne Kein gak tek ma gɨnɨmɨb. Ne Satan yɨl mɨdɨl, nɨmam kɨdek gɨtep gak ak nop mɨlɨk nɨŋɨd, pɨsnep paklek kumak. Taynen nop paklak? Kein gos tɨmel nɨŋɨd pel gɨ tɨmel golɨgup, nɨmam kɨdek gos tep nɨŋɨd pel yɨpɨd gɨl golɨgup. 13 Mat 5.11-12, Jon 15.18-19, 17.14, 2 Ti 3.12 Anɨb ak mam ay yad okok. Binɨb lum awl yɨl ak nɨbop nɨgel mɨlɨk yownɨgab ak, gos kuŋay ma nɨgɨnɨmɨb. 14 Jon 5.24, 1 Jo 2.9-11 Chɨn mam ay okok kɨlop mapen lɨpun tek nopun, God chɨnop dek, pɨsnep kubal kɨd ak kelɨgɨl, pel pelnep yenɨgabal kɨd ak mɨdobun. Binɨb mapen ma lɨpal okok, pɨsnep kubal kɨd ak mɨdebal. 15 Mat 5.21-22, Gal 5.21, Lep 21.8 Binɨb mam ogɨnap kɨlop mɨlɨk nɨŋɨd gos anɨb ak nepal okok, binɨb chɨp ñapal tek lup mɨdebal. Pen nɨb nepɨm, binɨb chɨp ñapal okok kɨli tɨtay dɨnɨgabal? Pel pelnep ma yenɨgabal. 16 Jon 3.16, 13.1, 15.13, Lom 5.8, Gal 1.4, Epe 5.2, 5.25, 1 Te 2.8 Jisas Klays chɨnop nen kumak. Kumek, chɨn binɨb ogɨnap kɨlop mapen lep jɨj ak nopun. Anɨb ak tek, gos chɨn ke nep nɨŋɨd mɨdtep gɨnɨgun agɨl ma nɨgɨnɨgun. Mam ay okok kɨlop gos nɨŋɨd, mɨdtep gɨnɨgel agɨl kɨlop gɨtep gɨnɨgun. 17 Lo 15.7, Luk 3.11, 1 Jo 4.20 Binɨb tap kuŋay mɨdɨlɨg, mam ay tap ma mɨdeb okok kɨlop nɨŋɨd chɨb ma nepal ak, God binɨb kɨlop mapen lup tek ma gɨpal. 18 Lom 12.9, Jem 2.15-16, 1 Pi 1.22 Anɨb ak ñapay yad okok. Takaw nep ma agɨnɨgun, mam ay okok kɨlop dɨtep yɨbɨl gɨl mapen yɨbɨl lɨnɨgun.
Binɨb God nop chɨgɨpal okok, kɨli gos sek mɨdebal
19 Jon 18.37, 1 Jo 1.8 Chɨn binɨb okok kɨlop mapen yɨbɨl lɨpun ak nɨm, chɨn nopun, takaw nɨŋɨd yɨbɨl ak dɨtep gɨpun. Anɨgon, gos chɨn nab ayaŋ mɨdtep gɨl, gos pal awl ma lɨpun. God wɨdɨn mɨdup adek ak nebeŋ ma dɨl, gos sek mɨdobun. 20 God gos ne gos awl yɨbɨl, gos chɨn ak sɨkol olap mɨdeb. Gos chɨnop okok mɨdupsek nɨgup. Anɨb ak tek, gos chɨn nab ayaŋ chɨnop ke ag gɨnɨmuŋ tek lup won ak, gek gos pal awl ma lɨnɨgun. 21 Hib 4.16, 10.22, 1 Jo 2.28, 4.17 Anɨb ak binɨb mapen yad okok nɨgɨm. Gos chɨn nab ayaŋ gek gos pal awl ma lɨpun ak, God wɨdɨn mɨdup adek ak ñawl ma dɨl, gos sek mɨdobun. 22 Sng 34.15, Jer 29.12, Mat 7.8, 21.22, Jon 9.31, 14.13 Takaw ne agak tek kɨdek gɨlɨg gɨtep gɨpun, anɨb ak tek nop agnopun ak, tep gaknɨŋ apun tek gup. 23 Jon 6.29, 13.34, 15.12, 15.17, 17.3, 1 Te 4.9, 1 Pi 4.8, 1 Jo 2.8-10 Pen chɨnop agak tek ak anɨgɨl mɨdeb. Ñɨne Jisas Klays nop gos lɨnɨŋɨd, mam ay okok kɨlop mapen lɨnɨgun. 24 Jon 14.23, 15.10, 17.21, Lom 8.9, 1 Jo 4.12-13 Binɨb ne agak tek gɨpal okok, ne kɨli ayɨp jɨmñɨl mɨdeb, kɨli pen ne ayɨp jɨmñɨl mɨdebal. Kawnan ne ak agyokek apɨl chɨn ayɨp mɨdobun, anɨb ak chɨn nopun, ne ayɨp jɨmñɨl mɨdobun.
3:1 Jon 1.12, 3.16, 16.3, Lom 8.16, 1 Jo 4.10
3:2 Lom 8.18, 8.29, 1 Ko 15.49, 2 Ko 3.18, Plp 3.21, Kol 3.4, 2 Pi 1.4
3:4 Lom 4.15, 1 Jo 5.17
3:5 Ais 53.5-6, 53.11, Jon 1.29, 2 Ko 5.21, 1 Ti 1.15, Hib 4.15, 1 Pi 2.22-24, 1 Jo 2.2
3:6 Lom 6.1-2, 6.14, 1 Jo 2.4, 3.9, 4.8, 3 Jo 11
3:7 Lom 2.13, 1 Jo 2.26, 2.29
3:8 Stt 3.15, Luk 10.18, Jon 8.44, 16.11, Hib 2.14
3:9 1 Pi 1.23, 1 Jo 5.18
3:10 1 Jo 2.29, 4.8
3:11 Jon 13.34, 15.12, 1 Jo 1.5, 4.7, 4.21
3:12 Stt 4.8, Hib 11.4, Jud 11
3:13 Mat 5.11-12, Jon 15.18-19, 17.14, 2 Ti 3.12
3:14 Jon 5.24, 1 Jo 2.9-11
3:15 Mat 5.21-22, Gal 5.21, Lep 21.8
3:16 Jon 3.16, 13.1, 15.13, Lom 5.8, Gal 1.4, Epe 5.2, 5.25, 1 Te 2.8
3:17 Lo 15.7, Luk 3.11, 1 Jo 4.20
3:18 Lom 12.9, Jem 2.15-16, 1 Pi 1.22
3:19 Jon 18.37, 1 Jo 1.8
3:21 Hib 4.16, 10.22, 1 Jo 2.28, 4.17
3:22 Sng 34.15, Jer 29.12, Mat 7.8, 21.22, Jon 9.31, 14.13
3:23 Jon 6.29, 13.34, 15.12, 15.17, 17.3, 1 Te 4.9, 1 Pi 4.8, 1 Jo 2.8-10
3:24 Jon 14.23, 15.10, 17.21, Lom 8.9, 1 Jo 4.12-13