1 1 Ti 4.1, 2 Ti 4.3, 2 Pi 3.3, 1 Jo 2.18 Pen anɨb ak nɨgɨnɨmɨn. Ñɨn kɨdek ownɨgab ñɨn ak, tap tɨtɨmel kuŋay yɨbɨl apek, tɨtay dɨl tek yenɨgabal. 2 Lom 1.29-31, 1 Ti 1.20, 6.4, 2 Pi 2.3, 2.12 Ñɨn anɨb ak, binɨb okok mubwak kɨli nep gos nɨŋɨd, mani tap kɨli okok nep gos nɨgɨnɨgabal. Chɨn ke binɨb awl mɨdobun agɨl, binbɨ ogɨnap kɨlop agjulɨg takaw dɨnɨgabal. Nonɨm nap kɨlop takaw tɨbɨlɨkɨl, binɨb ogɨnap kɨlop tap teplep ñɨbal okok, kɨlop tep ma agɨl, God gos ne nɨgup pal ak ma nɨgɨnɨgabal. 3 Tat 2.3, 2 Pi 3.3 Kɨli bɨ okok kɨlop gos nɨgep won ak ma yenɨgab. Ogɨnap ayɨp penpen agɨl, kelɨgep tek ma yenɨgab. Kɨlop agjuwɨl, mubwak nab kɨli okyaŋ ke kod ma yenɨgabal. Bɨ tɨmel yɨbɨl mɨdɨl, kabɨyam tɨmel junɨgabal. Tap gɨtep gep anɨgɨl kɨlop mɨlɨk yownɨgab. 4 Plp 3.19, 2 Pi 2.13, Jud 4, 19 Binɨb okok kɨlop mɨmug nɨŋɨd gɨtep ma gɨnɨgabal. Gos nɨgtep gɨl mel kasek monmon gɨl, chɨn ke nep binɨb awl yɨbɨl mɨdobun agɨl nɨgɨnɨgabal. Chɨn ke mɨñmɨñ tɨmel yɨbɨl gun agɨl, God nop mapen ma lɨnɨgabal. 5 Mat 7.15, 7.21, Lom 2.19-20, 2 Te 3.6, 1 Ti 5.8, 6.5, Tat 1.16 Kɨli God nop gos nɨŋɨd kɨdek gɨlɨg mɨdobun agɨnɨgabal ak pen, yepɨs yɨbɨl agɨnɨgabal. Kɨli anɨgɨl, God kɨles ak kud ñɨl nop kɨdek ma gɨnɨgabal. Binɨb anɨgɨnɨgabal anɨb okok kɨlop kelɨgɨl, ayɨp jɨmñɨl ma yenɨmɨn. 6-7 Mat 23.14, Tat 1.11 Bɨ anɨb okok, bin gos nɨgtep ma gɨpal ogɨnap kɨlop pɨyow nepal. Pɨyow nɨŋɨd, gos tɨmud kɨlop ak lɨpɨg dad amel kɨlop kɨdek gɨpal. Bin anɨb okok, tap si tap tɨmel gɨl, gos awl yɨbɨl nɨgɨlɨg mɨdebal. Chɨbol nab kɨli ayaŋ tɨkjakek, tap nɨgep ma nɨgep gɨpal anɨb okok jɨj ne ma mɨdeb. Takaw okok nɨb okok nɨb nɨgɨnɨgun agɨl gos nepal ak pen, takaw nɨŋɨd yɨbɨl dɨnɨgel tek ma lup. Anɨb ak bɨ tɨmel anɨb okok, kɨli bin okok gos tɨmud kɨlop ak lɨpɨg dad amel kɨlop kɨdek gɨpal. 8 Kis 7.11, Lom 1.28, 2 Ko 13.5, 1 Ti 6.5, 2 Ti 2.25 Pen bɨ Janes ayɨp Jables ayɨp,*Juda bɨ kɨli agelɨgɨpal, Yijip bɨnonɨm kɨli olap, ne bɨ chɨp sɨme sakep omɨŋal ak dek, kɨli bɨ omɨŋal bɨnonɨm wog ne gɨñelɨgɨpil agelɨgɨpal. Pen yɨb kɨli Janes ayɨp Jables ayɨp. Mosis Yijip owak ñɨn ak, bɨ omɨŋal anɨb ak yelek. Kisim Bek 7.22 ak, 9.11 ak nɨgɨnɨmɨn. kɨli Mosis takaw agak ak yɨlɨk nɨŋɨd mɨlɨk nɨgɨlek tek, bɨ apin anɨb okok takaw yɨpɨd gɨl mɨdeb ak anɨb ak nep gebal. Gos kɨli ak tɨmel yɨbɨl gɨl, sawl sek lek, Klays nop gos lɨnepal ak kelɨgɨpal. 9 Pen gɨpal adek anɨb ak, gel awl gɨnɨmuŋ tek ma mɨdeb. Janes ayɨp, Jables ayɨp kɨlop sawl sek lek binɨb okok kɨli mɨseŋ nɨgɨlak tek, bɨ mɨñɨl mɨdebal kɨli abe sawl sek lek binɨb okok mɨseŋ nɨgɨnɨgabal.

10 Plp 2.22, 1 Ti 4.6 Nad pen, yɨp nɨgtep gɨpan. Takaw tɨtay dɨl agñɨbin ak sek, pel tɨtay dɨl gɨpin ak sek, gɨpin jɨj ak sek, nad nepan. Klays nop gos lɨnɨŋɨd, wog ne malɨk gɨl gɨñɨl, binɨb okok kɨlop mapen lɨl, kɨles tɨmel gɨl mɨŋel anɨb ogɨnap debin ak, nad nepan. 11 Sng 34.19, Apo 13.14-52, 14.1-20, 2 Ko 1.10 Binɨb man awl Adiyok ayɨp Aykoniyam ayɨp Listla ayɨp okok, yɨp gɨ tɨmel gel, yul awl yɨbɨl dɨl koslam yenek ak, nad nepan. Pen yɨp tɨtay dɨl gɨ tɨmel gɨpal won ak, Bɨawl ne yɨp dɨl kod yek ak nepan. 12 Mat 16.24, Jon 15.20, 17.14, Apo 14.22, 1 Te 3.3 Nɨŋɨd yɨbɨl apun, binɨb Klays Jisas nop chɨgɨl, God anɨgup tek gɨnɨgun agɨl nepal okok, kɨlop mɨdupsek abe gɨ tɨmel gɨnɨgabal. 13 2 Te 2.11, 1 Ti 4.1, 2 Ti 2.16 Pen bɨ tap tɨmel gɨpal ak sek, bɨ takaw yepɨs apal ak sek, anɨb ak nep gel gel tap awl ken amnɨgab. Amek, penpen takaw yepɨs yɨbɨl agɨnɨgabal. 14 1 Ti 1.13, 1 Ti 2.2 Nad pen, takaw agel nɨgtep gɨnak ak, gos nokom nɨgɨnak ak, nɨgɨlɨg yenɨmɨn. Chɨn nep agñonok nɨgɨnak ak, chɨnop nɨgtep gɨpan. 15 Jon 5.39, 1 Pi 1.20-21 Pen nad ñɨsɨkol yɨbɨl yenak ñɨn ak, buk Baybol takaw ak nep agñelak nɨgɨnak. Takaw anɨb ak, nep gos teplep ak ñɨnɨmuŋ tek lek, Klays Jisas nop gos lɨnɨge, God nep tɨg asɨk dɨnɨgab. 16 Lom 15.4, 2 Ti 2.21, 2 Pi 1.20-21 Buk Baybol takaw ak mɨdupsek, God Kawnan ne nokom ak gos ñek tɨkɨlak. Ak nɨm, chɨn takaw teplep anɨb ak dɨl, binɨb okok kɨlop takaw nɨŋɨd yɨbɨl agñɨl, gos tɨmel nɨgɨnɨgel okok kɨlop tɨmud wuk tep gɨl, tap tɨmel gɨnɨgel okok kɨlop agñɨ tep gɨl, teplep yɨbɨl yenɨgel agɨl, agñɨ tep gɨnɨgun. 17 1 Ti 6.11, 2 Ti 2.21 Anɨb ak tek, chɨn binɨb God nop wog gɨñɨbun okok, takaw anɨb ak chɨnop gek, nɨgtep yɨbɨl gɨl wog teplep gɨnɨg yonɨgabun.