13
Kɨli bɨ omɨŋal aglɨlak, Banabas ayɨp Sol ayɨp takaw agɨnɨg amnɨlek
1 Apo 11.27 Taun Adiyok anɨb ak, Klays binɨb ne ogɨnap pelpel apnan gelɨgɨpal. Bɨ God gos ñek agñeb ogɨnap, bɨ God takaw agñɨtep gep ogɨnap yelak. Bɨ anɨb okok nɨm, olap Banabas, olap Simiyon. Bɨ Simiyon yɨb ne olap Nayjel agelɨgɨpal. Olap nɨm, Lusiyus. Ne taun Saylini nɨb. Olap Manayn, ne nɨm gapman bɨnonɨm Helod bogɨlak ne ak. Olap Sol. 2 Apo 9.15, Lom 10.15, Gal 1.15, Epe 3.7-8, 1 Ti 2.7, Hib 5.4 Pen bɨ anɨb okok, tap ma ñɨbɨl, God nop nokom gos nɨŋɨd agnɨg mɨdɨlaknɨŋ, God Kawnan ak kɨlop agak, Nɨbi Banabas ayɨp, Sol ayɨp kɨlop agenɨmɨb, wog kɨlop agɨnek ak gel amnɨmuŋ agak. 3 Apo 6.6 Anɨb agek, tap ma ñɨbɨl, God nop agɨlɨg yelak. Mɨdɨl, Banabas ayɨp, Sol ayɨp kɨlop ñɨn dɨ mɨdɨlɨg, God ñɨli ayɨp yenɨgab agɨl agyokɨlak.
Banabas ayɨp Sol ayɨp, God takaw ak man Sayplus binɨb okok kɨlop am agñɨlek
4-5 Apo 12.12, 12.25, 13.13, 13.46, 15.37, 15.39 God Kawnan ak Banabas ayɨp Sol ayɨp kɨlop kod mɨdaknɨŋ, bɨ Jon Mak nop wog chɨnop ogɨnap gɨnɨmuŋ agɨl, poŋɨd amnɨlak. Taun Selusiya ayaŋ amɨl, sip dɨl, man ñɨg tɨb kus gak Sayplus amnɨlak. Amɨl, taun Salamis amɨl, Banabas ayɨp, Sol ayɨp Juda apnan gɨpal kal okok amɨl, binɨb okok kɨlop God takaw agñɨlek.
6-8 2 Ti 3.8 Pen binɨb man anɨb okok, God takaw agñɨ dam dam, taun Papos amjakɨlak. Man Papos anɨb ak, gapman bɨawl kɨli ak yek, yɨb ne Segiyus Polus. Bɨ anɨb ak ne bɨ gos kɨd yɨbɨl agɨl nɨgolɨgup. Ne Banabas ayɨp, Sol ayɨp kɨlop, yɨp God takaw tep ak agel nɨgin agɨl, agek apɨl, takaw tep ak agñɨlek. Agñel nɨŋɨd, bɨawl ne Juda nɨb olap, kuj tap okok nep gɨlɨg, yad bɨ God gos ñek agñeb agolɨgup ak yek. Ne pen anɨb agak, Bɨ omɨŋal anɨb ak, takaw agebil ak ma dɨnɨmɨn agak. Bɨ anɨb ak ne kuj gubay golɨgup ak, yɨb ne Baljisas. Pen Glik takaw agɨl, Elimas agɨlak. 9 Sol yɨb nop olap nɨm, Pol agelɨgɨpal. Pen God Kawnan ak Pol nop gos tep ñaknɨŋ, ne Elimas nop nɨŋɨjsek lɨl mɨdɨl agak, 10 Mat 13.38, Jon 8.44, 1 Jo 3.8 Nep kɨcheki bɨawl ak tɨkak, pel gɨ tɨmel yɨbɨl gɨpan agak. God takaw tep apal ak ma yɨbɨl nepan agak. Tap tɨtay tep mɨdeb ak kelɨgɨl, binɨb okok kɨlop yepɨs yɨbɨl gɨpan agak. Ñɨn akal tek nɨgɨnɨgaban agak? 11 Kis 9.3, 1 Sml 5.6, Apo 9.8 Anɨgɨpan ak God nep gos tɨmel nɨŋɨd gek, ñɨn kuŋay wɨdɨn koy gɨl nep yenɨgaban agak.
Pol takaw anɨb ak agaknɨŋ, Elimas nɨgak, wɨsɨp gach tek bad olap, ap wɨdɨn nop ak yu gak. Anɨgek, bɨ olap ayɨp kanɨb yomaŋ agɨl, tɨg tɨtɨkol gak. 12 Gaknɨŋ, gapman bɨawl Segiyus Polus nɨŋɨd Jisas nop gos lɨnɨgak. Wal yɨbɨl agɨl, God takaw anɨb ak gos kɨles gɨl nɨgak.
Banabas ayɨp Pol ayɨp, kɨli Pisidiya plopens taun Adiyok amɨl God takaw agñɨlek
13 Apo 13.5, 15.38 Pen Pol bɨne okok ayɨp sip dɨl, taun Papos kelɨgɨl, Pampiliya plopens taun Pega nab ak amnɨlak. Am mɨdɨl, Jon Mak ne kɨlopmɨŋal kelɨgɨl, adɨkɨd Jelusalem amnak. 14 Kɨli pen taun Pega kelɨgɨl, Pisidiya plopens taun Adiyok nab ak amnɨlek. Am mɨdɨl, Juda añɨŋ lep ñɨn awl ak apek, Juda apnan gɨpal kal ak amɨl besɨg yɨlek. 15 Luk 4.16, Apo 13.27, 15.21, Hib 13.22 Bɨ Juda apnan gɨpal kal ak kod yelɨgɨpal okok, kɨli tɨkjakɨl, Mosis takaw tɨkak ogɨnap, bɨ God gos ñek agñeb tɨkɨlak ogɨnap agñɨlak. Agñɨl, bɨ olap nop agyokel, apɨl Pol ayɨp, Banabas ayɨp kɨlop agak, Mam omɨŋal agak. Binɨb okol nɨg dɨnɨgel tek takaw tep ogɨnap yonɨmuŋ, kɨlop agñɨnɨmil agak.
16 Apo 12.17 Agelak, Pol tɨkjakɨl takaw agɨnɨg, ñɨn dad aplanɨl agak, Nɨbi Juda bɨ okok sek, nɨbi binɨb Juda mel God nop muk okok mɨdɨl pel agnepɨm okok sek, takaw agɨnɨgebin awl tɨmud pak nɨg yenɨmɨb agak. 17 Kis 1.7, 6.6, 12.5, Lo 7.6-7, Sng 105.23-24 Chɨn Yislel binɨb mɨñɨl mɨdobun awl, bɨlel based yes chɨnop okok, God kɨlop aglɨl agak, Nɨbi binɨb yad yɨbɨl mɨdebɨm agak. Anɨb agɨl kɨlop dak ak nɨm, kɨdek kɨli man Yijip am yelaknɨŋ, kɨlop kod mɨdtep gek, ñɨpay gɨlɨl kuŋay yɨbɨl yelak agak. Pen kɨdek ñɨn ak, God tap mageptek okok gɨl, man Yijip kelɨgɨl kɨlop poŋɨd owak agak. 18 Kis 16.35, Nam 14.34, Lo 1.31, Sng 95.10, Apo 7.36 Kɨli man nep binɨb ma yelak nab okok mɨdɨl, yɨlɨk malɨk agelɨgɨpal ak pen, kɨlop kod mɨdtep gek, sub anep 40 yɨnak agak. 19 Lo 7.1, Jos 14.1, Sng 78.55 Pen kɨdek, Yislel binɨb kɨlop dap man Kenan, binɨb kuŋay yɨbɨl, man anep kugul ak ned yelak okok, kɨlop ogɨnap paklɨl, ogɨnap yuk yokak agak. Yuk yokek, man anɨb ak Yislel binɨb kɨlop ñek dɨlak agak.
20 Het 2.16, 1 Sml 3.20 Kɨli Yijip mɨdel sub yɨnak ak ñɨn pagɨl, man nep binɨb ma yelak nab okok mɨdel sub yɨnak ak ñɨn pagɨl, binɨb yuk yokɨl, man anɨb ak dɨlak sub yɨnak ak abe ñɨn pagɨl gel nɨm, sub anep 450 tek yɨnak agak.
Pen God kɨlop dap man anɨb okok lɨl, bɨawl takaw tɨg asɨkep ogɨnap aglek, kɨlop kod yelɨgɨpal agak. Kɨdek bɨ God gos ñek agñeb Samwel yek ñɨn ak, 21 1 Sml 8.5, 8.19, 10.1, 10.21 bɨ Yislel okok kɨli agɨlak, Chɨn bɨnonɨm man chɨnop mɨdupsek kod yenɨgab olap dɨnɨgun agɨlak agak. Agelak, God ne Sol nop aglek, bɨnonɨm kɨli yolɨgup agak. Sol bapi ne ak Kis agak. Nop Bejamin jɨj ak tɨk dad amɨl tɨkɨlak agak. Ne kɨlop kod yolɨgup, sub anep 40 yɨnak agak. 22 1 Sml 13.14, 15.23-26, 16.12-13, 2 Sml 2.4, Sng 89.20, Hos 13.11 Pen kɨdek God Sol nop yokɨl, Depid nop aglek, ne bɨnonɨm mɨdɨl kɨlop kod yolɨgup agak. Anɨgɨl kod mɨdaknɨŋ, God agak, Jesi ñɨne Depid, ne bɨ tep yɨbɨl mɨdɨl yɨp tep gup, apin tek nep gɨnɨgab agak. 23 2 Sml 7.12-16, Sng 132.11, Ais 11.1, Luk 1.32, 1.69, Lom 11.26 Anɨb agɨl kɨdek agak, Yad gen, Depid tɨkek tɨk dad amɨl tɨkɨnɨgabal bɨ olap, ne Yislel binɨb bɨ kasɨn gep kɨli mɨdɨl, kɨlop dɨl God ayɨp jɨmñɨl lɨnɨgab agak. Agek nɨm, Jisas nop tɨkelak, agak tek nep gak agak.
24 Mat 3.1-2, Mak 1.4, Luk 3.3, Lom 11.26 Pen Jisas tɨkjakɨl wog ma gak ñɨn ak, Jon apɨl Yislel binɨb kɨlop mɨdupsek agak, Chɨn tap si tap tɨmel gɨpun ak taynen anɨgɨpun agɨl kelɨgem, nɨbop ñɨg pakñɨnɨgayn agak. 25 Mat 3.11, Mak 1.7, Luk 3.16, Jon 1.20-27 Pen Jon binɨb okok kɨlop God takaw agñɨ dad amɨl, kɨdek ñɨn olap agnɨŋɨd agak, Nɨbi yɨp an agɨl gos nepɨm agak? Bɨawl pel kod mɨdobun ak nɨm, owup agɨl nepɨm agak? Yad bɨawl yɨbɨl anɨb ak mel, ne kɨdek ownɨgab agak. Nop nɨgen yɨp nebeŋ gup, tob tɨlup nop nag ma wɨsɨkɨnɨgayn agak.
26 Mat 10.6, Luk 24.47, Apo 13.16, 13.46 Pen nɨbi Eblaham jɨj ak sek, nɨbi binɨb Juda mel God nop muk okok mɨdɨl pel agnepɨm okok sek, nɨgɨm agak. God takaw ne binɨb kɨlop tɨg asɨk dɨnɨgab ak, takaw chɨn yɨbɨl agak. 27 Luk 23.34, 24.20, 24.44, Jon 16.3, Apo 3.17, 15.21, 1 Ko 2.8 Jelusalem binɨb okok sek, bɨawl kɨli okok sek, kɨli Juda apnan gɨpal kal ak amɨl, Juda añɨŋ lep ñɨn awl mɨdupsek kɨli bɨ God gos ñek agñeb okok takaw kɨl tɨkɨlak ak nepal agak. Pen Klays kɨdek ownɨgab agɨl tɨkɨlak takaw anɨb ak, nɨgtep ma gɨlak agak. Jisas apek nop kelɨgɨlak agak. Ned bɨ God gos ñek agñeb okok, kɨli tɨkɨl agɨlak, Nop pɨsnep paklɨnɨgabal agɨl tɨkɨlak ak, agɨlak tek nep gɨlak agak. 28 Mat 27.22-23, Mak 15.13-14, Luk 23.21-23, Jon 19.15 Ne tap tɨmel olap gup akaŋ agɨl, pɨyow mel nɨgɨlak ak pen, gapman bɨawl Paylat nop agɨlak, Nop paklɨnɨmɨn agɨlak agak. 29 Mat 27.57-61, Mak 15.42-47, Luk 18.31, 23.50-56, Jon 19.28-30, 19.36-42 Agel, nop bɨ God gos ñek agñeb okok gɨnɨgab agɨl agɨlak tek nep gɨlak agak. Pen anɨgɨl gelak, binɨb ne okok apɨl nop tɨg asɨk dam kab mɨgan ak kamɨlak agak. 30 Mat 28.6, Apo 2.24 Kamel, God gek tepayaŋ tɨkjakak agak. 31 Apo 1.3, 1.8 Tɨkjakek, binɨb ne ayɨp Galili plopens kelɨgɨl Jelusalem owlak okok, nop mɨnek kuŋay yɨbɨl nɨgɨlak tek, Yislel binɨb okok kɨlop agñel nɨgebal agak.
32-33 Stt 12.3, Sng 2.7, Apo 13.23, Lom 1.4, 4.13, Gal 3.16, Hib 1.5, 5.5 Mɨñɨl mɨdobun nab awl, God ne Jisas nop gek tepayaŋ tɨkjakak takaw teplep ak, nɨbop agobul agak. Pen takaw anɨb ak kɨdeyɨl mel, God bɨlel based yes sɨkop kɨlop agek, kod yelɨgɨpal takaw anep agobul agak. Buk Baybol day olap, Buk Kɨmep ñɨn kɨd peŋ palak apal ak, takaw anɨb ak tɨkɨl agak,
Nad Ñɨ yad agɨl tɨkak agak. Yad mɨñɨl nap nad mɨdebin agɨl tɨkak agak.
34 Ais 55.3 God agak anɨb ak, ñɨne kumek, gek tepayaŋ tɨkjakak ak nɨm, kɨdek kumɨl kuyɨg yownɨmuŋ tek ma lup agak. God Ñɨne Jisas nop gek pɨsnep tɨkjakɨnɨgab takaw ak agɨnɨg, tɨkɨl agak,
Yad Depid nop dɨtep gɨnɨgayn agɨl takaw aglɨnek tek, nɨbop gɨnɨgayn agɨl tɨkak agak.
35 Sng 16.10, Apo 2.27, 2.31 Adek anɨb ak nep nɨm, buk Baybol takaw ogɨnap tɨkɨl agɨlak,
Ñɨ suŋtep nad, nep wog gɨñeb ak, ma kuyɨg yownɨgab agɨl tɨkɨlak agak.
36 1 Kin 2.10, Apo 2.29 Pen Depid God nop gos nɨŋɨd agak tek kɨdek gɨl, binɨb ne okok kɨlop wog gɨñɨ dad amɨl kumak agak. Kumek, nap nɨsed sɨkop kɨlop kumelɨgɨpal okok dam kamel, kuyɨg yowak agak. 37 Bɨ agɨlak anɨb ak pen kumek, God gek tɨkjakak ak nɨm, ma kuyɨg yowak agak. 38 Dan 9.24, Luk 24.47, Apo 10.43, 1 Jo 2.12 Bɨ anɨb ak Jisas nop nokom agɨlak agak. Anɨb ak nɨm, God tap si tap tɨmel gɨpɨm ak tɨg walɨg gɨyokɨnɨgab agɨl, nɨbop anɨb agobul agak. 39 Ais 53.11, Lom 3.28, 8.3, 10.4, Hib 7.19 Chɨn takaw Mosis ñu kɨl tɨkak anep nɨŋɨd gonɨgabun, God tap si tap tɨmel gɨpun ak nɨg nep yenɨgab agak. Pen Jisas nop gos lɨnɨgonɨgabun, tap si tap tɨmel gɨpun ak tɨg walɨg gɨyokɨl, binɨb suŋtep yad okok agɨnɨgab agak. 40 Ais 29.14 Pen nɨbi bɨ God gos ñek agñeb okok, bɨlel agɨlak tek gɨnɨmɨb tek lup ak, gos nɨgtep gɨnɨmɨb agak. Kɨli tɨkɨl agɨlak,
41 Hab 1.5 Binɨb nɨŋɨd yɨmel yɨbɨl apɨm okok nɨgtep gɨnɨmɨb agɨl tɨkɨlak agak. Nɨbi mɨdebɨm won awl, tap awl olap gɨnɨgayn ak nɨbop ned agñebɨlap, yepɨs apal apɨkep tek lup agɨl tɨkɨlak agak. Anɨb ak gos kuŋay nɨgɨlɨg kumnɨmɨb agɨl tɨkɨlak agak.
42 Pol ayɨp, Banabas ayɨp takaw anɨb ak agɨl, Juda apnan gɨpal kal ak seŋ amnɨleknɨŋ, binɨb okok agɨlak, Wik ped ak añɨŋ lep ñɨn awl chɨn ak jɨtep apɨl, chɨnop takaw anɨb ak ogɨnap sek agñɨnɨmil agɨlak. 43 Apo 11.23, 14.22, Tat 2.11, Hib 12.15, 1 Pi 5.12 Pen kal ak kelɨgɨl, keke amnɨlaknɨŋ, Juda binɨb kuŋay okok, binɨb Juda mel pen Juda binɨb gɨpal tek adek ak kɨdek gɨl God nop agnɨgɨlak kuŋay okok, kɨli Pol ayɨp, Banabas ayɨp kɨlop kɨdek gɨl amnɨlak. Kanɨb nab ak amɨlɨg, kɨlop agtep gɨl agɨlek, God chɨnop yɨmug nɨŋɨd gɨtep gup agɨl, gos ak nɨgɨlɨg nep yenɨmɨb agɨlek.
44 Juda añɨŋ lep ñɨn awl kɨdek ak, binɨb taun anɨb ak yelak okok mɨdupsek tek, God takaw nɨgɨnɨg apnan gɨlak. 45 Apo 14.2, 18.6, 1 Pi 4.4, Jud 10 Anɨgelak, bɨ Juda ogɨnap kɨli Pol ayɨp, Banabas ayɨp kɨlop nɨgel, mɨlɨk tɨmel yɨbɨl yowak. Yapek, binɨb okok kɨlop takaw tɨtay agɨlek ak agjuwɨl, kɨlop omɨŋal agjuwɨl gɨlak.
46 Ais 55.5, Luk 7.30, Apo 3.26, 18.6, Lom 1.16, 10.19 Anɨgɨl agjuwelak, Pol ayɨp, Banabas ayɨp kɨlop monmon kɨles gɨl agɨlek, Takaw anɨb ak, nɨbop Juda binɨb ned agep tek ak apul ak pen, nɨbi takaw anɨb ak tɨbɨlɨkɨpɨm agɨlek. Tɨbɨlɨkɨl, pelnep mɨdep ak ma dɨnɨgabun apɨm ak, mɨñɨl binɨb Juda mel okok kɨlop agñɨnɨgabul agɨlek. 47 Ais 42.6, 49.6, Luk 2.32 Taynen? Bɨawl chɨlop anɨgɨl agak agɨlek. Ne agak,
Yad apin ak nɨm, nad binɨb Juda mel okok mɨlek kɨli ak mɨdeban agak agɨlek. Takaw yad ak man okok mɨdupsek agñe nɨm, binɨb takaw yad ak nɨŋɨd dɨnɨgabal okok kɨlop adɨkɨd tɨg asɨk dɨnɨgayn agak agɨlek.
48 Apo 11.18 Binɨb Juda mel okok takaw anɨb ak nɨgelak, kɨlop tep yɨbɨl gek, God takaw ne ak tep yɨbɨl agɨlak. Anɨb ak binɨb God pel pelnep yenɨgel agɨl aglup okok mɨdupsek, nop gos lɨnɨgɨlak.
49 Pen Bɨawl takaw ak, man anɨb okok mɨdupsek palsek amnak. 50 Apo 17.4, 17.12 Pen Juda binɨb okok, kɨlop mɨlɨk yapek, amɨl man anɨb ak bɨawl okok ayɨp, binawl Juda mel pen Juda binɨb gɨpal tek adek ak kɨdek gɨl God nop agnɨgɨlak okok ayɨp, kɨlop agel, gos tɨmel nɨgɨlak. Nɨgelak, kɨli am binɨb kuŋay yɨbɨl dad apɨl, Pol ayɨp, Banabas ayɨp kɨlop gɨ tɨmel gɨl agyokɨlak. 51 Mat 10.14, Mak 6.11, Luk 9.5, 10.11, Apo 18.6 Agyokelak, taun Adiyok anɨb ak kelɨg amnɨg, binbɨ okol takaw ak dad apol ma nepal agɨl, tob sɨlkul okok pakel yapek, taun Aykoniyam amnɨlek. 52 Mat 5.12, Jon 16.22, Apo 2.46 Pen Adiyok binɨb Jisas nop gos lɨnɨgɨlak okok, God Kawnan ak kɨlop kod mɨdaknɨŋ, mɨñmɨñ yɨbɨl gɨlɨg yelɨgɨpal.
13:1 Apo 11.27
13:2 Apo 9.15, Lom 10.15, Gal 1.15, Epe 3.7-8, 1 Ti 2.7, Hib 5.4
13:3 Apo 6.6
13:4-5 Apo 12.12, 12.25, 13.13, 13.46, 15.37, 15.39
13:6-8 2 Ti 3.8
13:10 Mat 13.38, Jon 8.44, 1 Jo 3.8
13:11 Kis 9.3, 1 Sml 5.6, Apo 9.8
13:13 Apo 13.5, 15.38
13:15 Luk 4.16, Apo 13.27, 15.21, Hib 13.22
13:16 Apo 12.17
13:17 Kis 1.7, 6.6, 12.5, Lo 7.6-7, Sng 105.23-24
13:18 Kis 16.35, Nam 14.34, Lo 1.31, Sng 95.10, Apo 7.36
13:19 Lo 7.1, Jos 14.1, Sng 78.55
13:20 Het 2.16, 1 Sml 3.20
13:21 1 Sml 8.5, 8.19, 10.1, 10.21
13:22 1 Sml 13.14, 15.23-26, 16.12-13, 2 Sml 2.4, Sng 89.20, Hos 13.11
13:23 2 Sml 7.12-16, Sng 132.11, Ais 11.1, Luk 1.32, 1.69, Lom 11.26
13:24 Mat 3.1-2, Mak 1.4, Luk 3.3, Lom 11.26
13:25 Mat 3.11, Mak 1.7, Luk 3.16, Jon 1.20-27
13:26 Mat 10.6, Luk 24.47, Apo 13.16, 13.46
13:27 Luk 23.34, 24.20, 24.44, Jon 16.3, Apo 3.17, 15.21, 1 Ko 2.8
13:28 Mat 27.22-23, Mak 15.13-14, Luk 23.21-23, Jon 19.15
13:29 Mat 27.57-61, Mak 15.42-47, Luk 18.31, 23.50-56, Jon 19.28-30, 19.36-42
13:30 Mat 28.6, Apo 2.24
13:31 Apo 1.3, 1.8
13:32-33 Stt 12.3, Sng 2.7, Apo 13.23, Lom 1.4, 4.13, Gal 3.16, Hib 1.5, 5.5
13:34 Ais 55.3
13:35 Sng 16.10, Apo 2.27, 2.31
13:36 1 Kin 2.10, Apo 2.29
13:38 Dan 9.24, Luk 24.47, Apo 10.43, 1 Jo 2.12
13:39 Ais 53.11, Lom 3.28, 8.3, 10.4, Hib 7.19
13:40 Ais 29.14
13:41 Hab 1.5
13:43 Apo 11.23, 14.22, Tat 2.11, Hib 12.15, 1 Pi 5.12
13:45 Apo 14.2, 18.6, 1 Pi 4.4, Jud 10
13:46 Ais 55.5, Luk 7.30, Apo 3.26, 18.6, Lom 1.16, 10.19
13:47 Ais 42.6, 49.6, Luk 2.32
13:48 Apo 11.18
13:50 Apo 17.4, 17.12
13:51 Mat 10.14, Mak 6.11, Luk 9.5, 10.11, Apo 18.6
13:52 Mat 5.12, Jon 16.22, Apo 2.46