5
1 Nɨgɨm. Bɨ God nop sɨbogep bɨawl yɨbɨl okok mɨdupsek, kɨli bɨ nab okok nɨb ak pen, God kɨlop keke aglɨl agek wog nop ak gɨpal. God ne bɨ olap nop anɨgɨl aglek, ne binɨb okok kɨlop gɨñɨnɨg, tap tep dam God nop ñɨl, tap sɨbog ñɨl gup. Anɨgek, God ne binɨb tap si tap tɨmel gɨpal okok tɨg walɨg gɨyokup. 2 Hib 2.18, 4.15, 7.28 Pen bɨ God nop sɨbogep bɨawl yɨbɨl anɨb ak, kɨles ma mɨdɨl, ne ke abe tap si tap tɨmel gup. Anɨb ak binɨb sawl gɨl nɨgtep ma gɨl gɨ tɨmel gɨpal okok, bɨ God nop sɨbogep anɨb ak ne kɨlop chɨb nɨŋɨd takaw sayn agup. 3 Wkp 9.7, 16.6, Hib 7.27 Pen ne abe kɨles ma mɨdɨl tap si tap tɨmel gup tek, binɨb kɨli tap si tap tɨmel gɨpal okok ayɨp, ne ke tap si tap tɨmel gup okok ayɨp, God anɨb okok mɨdupsek tɨg walɨg gɨyokɨmuŋ agɨl God nop tap sɨbog ñɨnɨmuŋ.
4 Kis 28.1 Bɨ olap ne ke yad bɨ God nop sɨbogep bɨawl yɨbɨl ak mɨdɨl yɨb awl mɨden agɨl, wog anɨb ak dɨnɨmuŋ tek ma lup. Mel. God bɨ Elon nop aglɨl agek wog ak gak tek, bɨ olap nop aglɨl agek anɨgup. 5 Sng 2.7, Jon 8.54, Hib 1.5, 1.8 Pen Klays abe anɨb ak nep. Ne ke yad bɨ God nop sɨbogep bɨawl yɨbɨl ak mɨdɨl yɨb awl mɨden agɨl gos ma nɨgak. God Klays nop aglɨl agek, wog anɨb ak dak. Pen nop agak,
Mɨñɨl nep dɨpin ak, nad ñɨ yad mɨde, yad nap nep mɨdebin agak.
6 Sng 110.4, Hib 6.20, 7.1, 7.17, 7.21 Pen takaw olap buk Baybol mɨgan ayaŋ mɨdeb ak, ne anɨb agak,
Melkisedek ne bɨ God nop sɨbogep ak, nad bɨ God nop sɨbogep anɨb ak tek ak pel pelnep yenɨgaban agak.
7 Jon 12.27, 17.1 Pen Jisas lum awl yolɨgup ñɨn ak, God ayɨp agɨlɨg nop agnɨgɨlɨg yolɨgup. God yɨp tɨg asɨk dek ma kumnɨm agɨl gos nɨŋɨd, God nop agnɨgɨlɨg chaŋ awl lɨlɨg meg mɨgan dad aplanak. Ne God nop anɨgɨl gos nɨŋɨd kɨdek golɨgup anɨb ak tek, agnɨgup anɨb ak God nɨgak. 8 Plp 2.8, Hib 3.6 Jisas ne God Ñɨne mɨdeb ak pen, yul awl dak. Yul awl dɨl nɨm, God takaw kɨdek gep ak nɨgtep gɨl, anɨgɨl gɨtep gak. 9-10 Hib 2.10, 5.6, 11.40 God ne takaw agak ak, Jisas mɨdupsek kɨdek gɨl gɨjuwak. Adek anɨb ak nep, God Jisas nop aglɨl agak, Melkisedek ne bɨ God nop sɨbogep ak, nad bɨ God nop sɨbogep anɨb ak tek mɨdeban agak. Pen binɨb Jisas takaw nop nɨŋɨd kɨdek gɨpal okok, ne bɨ kasɨn gep kɨli ak mɨdɨl, kɨlop tɨg asɨk dek pel pelnep yenɨgabal.
Nɨbi Klays nop sawl gɨl ma apyap pakɨnɨmɨb
11 Mat 13.15, Jon 16.12, 2 Pi 3.16 Takaw tɨkobun anɨb awl tek, kuŋay mɨdeb ak pen, nɨbi yɨlɨk nɨŋɨd ma nepɨm. Anɨb ak tɨtay dɨl agon, nɨbi nɨgtep gɨnɨgabɨm? 12 1 Ko 3.1-3, Hib 6.1 Nɨbi ned ñɨn ak Klays nop dɨpɨm, anɨb ak tek mɨñɨl binɨb ogɨnap God takaw ak kɨlop agñɨtep gɨpɨkep.1 Ko 3.2 Gos nɨbi pen wulep yowup, anɨb ak takaw ned nɨgep okok nɨbop tepayaŋ agñeb tek lup. Mɨñɨl tap kɨles ñɨŋɨnɨmɨb tek ak pen, tul ñɨbɨlɨg nep mɨdebɨm. 13 1 Ko 13.11, Epe 4.14, 1 Pi 2.2 Chɨn nopun, an tul ñɨbɨl mɨdebal okok, ñapay ŋaŋ mɨdebal. Kɨli tap adek ak tep, tap adek ak tɨmel agɨl, nɨgtep ma gɨpal. 14 Ais 7.15, Lom 16.19, 1 Ko 2.14-15, Plp 1.10 Tap mɨdup ak pen, binɨb awl gɨpal okok kɨli anɨb ak ñɨbɨlɨg mɨdebal. Binɨb anɨb okok tek, gos sek okok gɨ dad amɨl, adek ak gɨtep gep ak, adek ak gɨ tɨmel gep ak agɨl, nɨgtep gɨpal.
5:2 Hib 2.18, 4.15, 7.28
5:3 Wkp 9.7, 16.6, Hib 7.27
5:4 Kis 28.1
5:5 Sng 2.7, Jon 8.54, Hib 1.5, 1.8
5:6 Sng 110.4, Hib 6.20, 7.1, 7.17, 7.21
5:7 Jon 12.27, 17.1
5:8 Plp 2.8, Hib 3.6
5:9-10 Hib 2.10, 5.6, 11.40
5:11 Mat 13.15, Jon 16.12, 2 Pi 3.16
5:12 1 Ko 3.1-3, Hib 6.1
5:12 1 Ko 3.2
5:13 1 Ko 13.11, Epe 4.14, 1 Pi 2.2
5:14 Ais 7.15, Lom 16.19, 1 Ko 2.14-15, Plp 1.10