4
Tap lum awl yɨl ak kelɨgɨl, God nop chɨg tep gɨnɨgun
1 Lom 7.23, Gal 5.17, 1 Pi 2.11 Tap anɨb ak tay nɨbop gek, kabɨyam juwɨl penpen agɨl ag gɨpɨm? Mubwak gos keke nab ayaŋ mɨdɨl, tap anɨb okok gek gos nab nɨbi pi ak penpen pakɨlɨg mɨdebɨm. Nɨŋɨd apin akaŋ? Yaw, nɨŋɨd apin. 2 Tap dɨnɨg nepɨm okok, kɨles gɨl gos nepɨm ak pen ma dɨpɨm. Anɨb ak tek binɨb kɨlop paklem kubal. Tap tep okok dɨnɨgun agɨl gos nepɨm ak pen, dɨnɨmɨb tek ma lup. Anɨb ak tek kabɨyam juwɨl penpen agɨl ag gɨpɨm. God nop agnɨŋɨd dɨpɨkep ak pen, nop ma agnepɨm. 3 Sng 66.18, Ais 1.15, Mai 3.4, Sek 7.13, 1 Jo 3.22 Pen nop agnepɨm won ak, gos tep nɨŋɨd ma agnepɨm. Wak chɨnop ke tep gaŋ agɨl agnepɨm ak nɨm, apɨm tek ma gup.
4 Jon 15.19, 17.14, Lom 8.7, Gal 1.10, 1 Jo 2.15 Nɨbi binɨb God nop kelɨgɨl chɨg tep ma gɨpɨm okok, taynen anɨgɨpɨm? Binɨb gos kɨli tap lum awl yɨl yɨbɨl amub okok, kɨli God nop mɨlɨk nɨŋɨd penpen gɨpal. Anɨb ak kɨli gos kɨli tap lum awl yɨl yɨbɨl amnɨmuŋ agɨl gos nepal okok, kɨli God binɨb penpen gep ne okok mɨdebal. Anɨb ak ma nepɨm akaŋ? 5 Stt 6.5, Kis 20.3-5, Nam 11.29, Snd 21.10 Adek anɨb ak buk Baybol ak tɨkɨl agak, God ne Kawnan ne ak dɨl, nab chɨnop lek, Kawnan ne ak kɨli God nop chɨg tep gɨl muk okok yenɨgel agɨl, anɨb ak kɨles gɨl gos nɨgup agɨl tɨkak. Nɨbi takaw anɨb ak nɨgem yokɨp tek lup akaŋ? Mel yɨbɨl. 6 Sng 138.6, Snd 3.34, Luk 14.11, 1 Pi 5.5 God pen chɨnop yɨmug awl nɨŋɨd gɨtep yɨbɨl gup. Anɨb ak tek, buk Baybol ak tɨkɨl agak,
Binɨb chɨn ke binɨb awl mɨdobun agɨl apal okok, God kɨlop gek apyap pakɨpal agɨl tɨkak. Binɨb pen chɨn bɨ tam okok tek mɨdobun agɨl nepal okok, kɨlop yɨmug nɨŋɨd gɨtep gup agɨl tɨkak.
7 Epe 4.27, 6.11-12, 1 Pi 5.7 Anɨb ak nɨbi God agak ak nɨŋɨd kɨdek gɨl, nop muk okok yenɨmɨb. Kɨcheki bɨawl ak nop mel agɨl jak kɨles gɨl mɨdem, nɨbop kelɨg pɨlɨk amnɨgab. 8 2 Sto 15.2, Ais 1.16, Sek 1.3, Mal 3.7, Jem 1.8, 1 Jo 3.3 Pen God yɨl amɨl mɨdem, nɨbop apɨl kod yenɨgab. Nɨbi binɨb tap si tap tɨmel gep okok, ñɨn gach gup ñɨg lɨ yokɨpal tek, tap tɨmel mɨdupsek wik yokɨlɨg yenɨmɨb. Pen nɨbi gos omɨŋal nepɨm okok, gos tɨmel nɨbi nab ayaŋ mɨdeb ak kelɨgɨnɨmɨb. 9 Chɨb gaknɨŋ chaŋ awl agɨlɨg yenɨmɨb. Yɨmel apɨm ak kelɨgɨl, chaŋ lɨnɨmɨb. Mɨñmɨñ gɨpɨm ak kelɨgɨl, chɨbol yul gaknɨŋ yenɨmɨb. 10 Jop 5.11, 22.29, Mat 23.12, 1 Pi 5.6 Chɨn binɨb tep ma mɨdobun agɨl, Bɨawl nɨg mɨdeb tek nop muk okok yenɨmɨb. Anɨgɨl mɨdem, nɨbop dad aplanɨgab.
Chɨn binɨb ogɨnap kɨlop takaw ma agjunɨgun
11 Luk 6.37, Lom 2.1, Epe 4.31, 1 Pi 2.1 Mam ay sɨkop, mam ay ogɨnap kɨlop takaw tɨmel agɨl ma agjunɨmɨb. Bɨ olap mam ay kɨlop takaw tɨmel agɨl agjup akaŋ, kɨlop tɨg asɨkɨl ag gup ak, ne takaw Mosis ñu kɨl tɨkak ak abe takaw tɨmel agɨl agjuwɨl, tɨg asɨkɨl ag gup.*Bɨ gos nɨgep ogɨnap, kɨli anɨgɨl gos nepal. Jemis ne takaw Mosis ñu kɨl tɨkak ak gos nɨŋɨd, takaw layn 11 mɨdeb ak tɨkup. Takaw Mosis ñu kɨl tɨkak anɨb ak, buk Wok Pris 19.18 nɨgɨnɨmɨn. Pen nad takaw Mosis ñu kɨl tɨkak ak tɨg asɨkɨl ag gɨpan ak, takaw anɨb ak kɨdek ma gɨl muk okok ma mɨdɨl, yad ke bɨawl tɨg asɨkep mɨdebin agɨl anɨgɨpan. 12 Mat 10.28, Lom 2.1, 14.4, 14.13 Pen bɨ nokom takaw binɨb gɨnɨgel ma gɨnɨgel ak agñɨl, bɨ binɨb kɨlop tɨg asɨk bɨlokep ak mɨdeb. Ne nokom binɨb tɨg asɨk dɨnɨmuŋ tek lɨl, abe gɨ tɨmel gɨnɨmuŋ tek lup. Anɨb ak tek nad bɨ an, yad bɨawl mɨdebin agɨl mam ay kɨlop tɨg asɨkɨl ag gɨpan?
Bɨawl ne chɨnop tap olap yaw agonɨmuŋ, ak chɨn gɨnɨgun
13 Luk 12.18-20 Pen nɨbi ogɨnap apɨm, Mɨñɨl akaŋ tol tek, taun olap amɨl, anɨb okok sub nokom olap mani wog ak gɨl, mani awl dɨnɨgabun apɨm.Snd 27.1 Anɨb apɨm ak, nɨgtep gɨnɨmɨb. 14 Sng 39.5, 39.11, 102.3, Jem 1.10, 1 Pi 1.24 Tap tol ownɨgab ak, nɨbi ma nepɨm. Mɨñɨl koŋɨm mɨdebɨm ak pen, koŋɨm mɨdebɨm anɨb ak, wɨsɨp bad sɨkol mɨdeb tek mɨdebɨm. Won ak mɨdeb, won ak kɨmɨgel kul gem amub. 15 Apo 18.21, 1 Ko 4.19, Hib 6.3 Gup anɨb ak tek, nɨbi anɨb agɨnɨmɨb, Bɨawl ak ne yaw agenɨgab, chɨn koŋɨm mɨdɨl, wog anɨb anɨb gɨnɨgun agɨl gos nopun ak gɨnɨgabun agɨnɨmɨb. 16 Pen mɨñɨl gebɨm ak, yɨb awl dɨpun agɨl yɨb nɨbi ke dad aplanebɨm. Yɨb nɨbi ke dad aplanɨbɨm anɨb ak, tap tɨmel yɨbɨl gɨpɨm. 17 Luk 12.47, Jon 9.41, 15.22, Lom 1.20-21, 2.17-18, 2.23 Anɨb ak nɨgtep gɨnɨmɨb. Nɨbi gɨtep gep ak nɨŋɨd anɨgɨnɨgun agɨl nepɨm ak pen, ma gɨpɨm ak, anɨb ak nɨm tap si tap tɨmel gɨpɨm.

4:1 Lom 7.23, Gal 5.17, 1 Pi 2.11

4:3 Sng 66.18, Ais 1.15, Mai 3.4, Sek 7.13, 1 Jo 3.22

4:4 Jon 15.19, 17.14, Lom 8.7, Gal 1.10, 1 Jo 2.15

4:5 Stt 6.5, Kis 20.3-5, Nam 11.29, Snd 21.10

4:6 Sng 138.6, Snd 3.34, Luk 14.11, 1 Pi 5.5

4:7 Epe 4.27, 6.11-12, 1 Pi 5.7

4:8 2 Sto 15.2, Ais 1.16, Sek 1.3, Mal 3.7, Jem 1.8, 1 Jo 3.3

4:10 Jop 5.11, 22.29, Mat 23.12, 1 Pi 5.6

4:11 Luk 6.37, Lom 2.1, Epe 4.31, 1 Pi 2.1

*4:11 Bɨ gos nɨgep ogɨnap, kɨli anɨgɨl gos nepal. Jemis ne takaw Mosis ñu kɨl tɨkak ak gos nɨŋɨd, takaw layn 11 mɨdeb ak tɨkup. Takaw Mosis ñu kɨl tɨkak anɨb ak, buk Wok Pris 19.18 nɨgɨnɨmɨn.

4:12 Mat 10.28, Lom 2.1, 14.4, 14.13

4:13 Luk 12.18-20

4:13 Snd 27.1

4:14 Sng 39.5, 39.11, 102.3, Jem 1.10, 1 Pi 1.24

4:15 Apo 18.21, 1 Ko 4.19, Hib 6.3

4:17 Luk 12.47, Jon 9.41, 15.22, Lom 1.20-21, 2.17-18, 2.23

© 2013 PBT