1 Nora Kotira okaravano koqe okara vairara ti, aniqenavu virara koqeve tiare.

Vira muntukavano tinavuara ekaa entama variqiro vuanarove.

2 Tenavu Nora Kotirara koqeve tiare. Viva ekaa ˻una˼ variqavata uri aatarakero avuni vai Variqavama vaivo.

Vira muntukavano tinavuara ekaa entama variqiro vuanarove.

3 Tenavu Nora Kotirara koqeve tiare. Viva ekaa nora autu vataakavata uri aatarakero nai nora autu vataavama vaivo.

Vira muntukavano tinavuara ekaa entama variqiro vuanarove.

4 Vivaqaima nora kaiqa kia tavaa kaiqara vare vaivama vaivo.

Vira muntukavano tinavuara ekaa entama variqiro vuanarove.

5 Viva nai koqe avu aatoqaa naaruva autu kero vatero viraqaa vai haikaravata autu kero vataivama vaivo.

Vira muntukavano tinavuara ekaa entama variqiro vuanarove.

6 Viva nora namari autukero vatero, viraqihairo vatavata qovarama kero, vuruvi virivi vataivama vaivo.

Vira muntukavano tinavuara ekaa entama variqiro vuanarove.

7 Vivama kuarivata toravata autu kero vataivama vaivo.

Vira muntukavano tinavuara ekaa entama variqiro vuanarove.

8 Viva kuari autu kero vataivaro kuari viva aatitairaqaa raqikiqiro vi vairave.

Vira muntukavano tinavuara ekaa entama variqiro vuanarove.

9 Viva toravata opu makauvata autu kero vataivaro entaqi raqikiqiro vi vairave.

Vira muntukavano tinavuara ekaa entama variqiro vuanarove.

10 Viva Isipi qorainti vainti kara hunka vatataaka arukairave.

Vira muntukavano tinavuara ekaa entama variqiro vuanarove.

11 Viva Isipiqihairo Isareri qaqini ntita vare anirave.

Vira muntukavano tinavuara ekaa entama variqiro vuanarove.

12 Viva nai kempuka kauquqohairo vika ntita varero anirave.

Vira muntukavano tinavuara ekaa entama variqiro vuanarove.

13 Viva tivaro Naare Namarivano hini hini raira virave.

Vira muntukavano tinavuara ekaa entama variqiro vuanarove.

14 Viva nai vaiinti nahenti ntita varero vimanta vika nora namari taqa vare vuarave.

Vira muntukavano tinavuara ekaa entama variqiro vuanarove.

15 ˻Vika hini mantaraini oritaraavaro˼ viva namari qaqi kaivaro namarivano Isipi avuhainaara Pero vaiintivata, vira iqoka vaiintivata, ekaa raqutu kairave.

Vira muntukavano tinavuara ekaa entama variqiro vuanarove.

16 Viva aahara vataini nai vaiinti nahenti ntita varero virave.

Vira muntukavano tinavuara ekaa entama variqiro vuanarove.

17 Viva avuhainaa vaiinti kempuka vataaka arukairave.

Vira muntukavano tinavuara ekaa entama variqiro vuanarove.

18 Viva avuhainaa vaiinti nora autu vataaka arukairave.

Vira muntukavano tinavuara ekaa entama variqiro vuanarove.

19 Viva Amo vatanaaka King Sihonira arukairave.

Vira muntukavano tinavuara ekaa entama variqiro vuanarove.

20 Viva Basaani vatanaaka King Okura arukairave.

Vira muntukavano tinavuara ekaa entama variqiro vuanarove.

21 Viva vika vatavata varakero tinavu nai vaiinti nahenti timirave.

Vira muntukavano tinavuara ekaa entama variqiro vuanarove.

22 Viva vi vatara varakero tinavu Isareri nai kaiqa vaiinti nahenti timirave.

Vira muntukavano tinavuara ekaa entama variqiro vuanarove.

23 Navutaaka tinavu aatarakaa entara viva kia tinavuara tauru karaitiro, qaqi tinavuara iriqiro vi vairave.

Vira muntukavano tinavuara ekaa entama variqiro vuanarove.

24 Viva navutaaka kauquqihairo tinavu kuvantu timitairave.

Vira muntukavano tinavuara ekaa entama variqiro vuanarove.

25 Viva vaiinti nahentive, aantauvahive, ekaa qaqi vai haikara kara nimi vaivama vaivo.

Vira muntukavano tinavuara ekaa entama variqiro vuanarove.

26 Ho kaiqe tenavu naaruvaini vai Variqarara koqeve tivaqi vuare.

Vira muntukavano tinavuara ekaa entama variqiro vuanarovema turo.