1 Ene solkwat, Pol Etens amgatórr, ama Korrint wirri basirrdü wamórr. 2 Wa ola darrü Zu pam emrranórr, ngi Akwila, Pontus prrobinsdü nótó tómtómólórr. Wa abün ngürr koke amanórr, wa Itali kantrridügab* Itali kantrri Yurrop kugupidüma. Rrom wirri basirr Itali kugupidüma. nóma tamórr ama Korrint, tóba kolpükü, ngi Prrisila. Wa igósidi tamórr, zitülkus Klaodias, Rrom singüldü pam, arüng bóktan nókyenóp, Zu pamkolpama Rrom wirri basirr amgatóm. Pol ibü basenóm wamórr. 3 Akwila ta ngyaben palae müót tómbapón pam yarilürr wazan, igósidi Pol inkü we ngyaben akó palae müót tómbapón yarilürr tóba mani küp basenóm. 4 Blaman ⌊Sabad⌋ ngürrdü wa ⌊Zu pamkolpamab kwóbbazen müótüdü⌋ wirri arüngi bóktan yarilürr Zu akó Grrik pamkolpamdó, ibü gyagüpitótók alüngüm Yesuka.

5 Saelas a Timoti nóma tübzirri Masedonia prrobinsdügab, Pol blaman ngürr wata Godón bóktan amgol yarilürr Zu pamkolpamdó wagó, Yesu ene ⌊Kerriso-e⌋. 6 A i ma usakü bóka bamgün akó oya kolae bóktan alión kwarilürr, da wa buru inurr† buru anu, oya küp módóga: ma darrü paman bóktan tulmildü ubi koke baindóla. tóba mórrkenyórrdügab, da bóktanórr wagó, “E ne bamrükürrün‡ bamrükürrün wa ibübóka apónda, nibiób ⌊ngarkwat-koke⌋ arról babula, a ma sab ⌊metat bólmyan urdü⌋ nidi ogobe. nóma kwarilo, da yabü óe yabiób singüldü ki koralón.§ Ini bóktanan küp módóga: e yabiób müp yaib bamselane. Ka kólba tang kuri bagula. Ka ma errkya ibüka tótókdóla, Zu-koke nidipko.” 7 Wa ibü ola bimgatórr, da Zu-koke nótóke, oya müótüdü we wamórr, ngi Titius Zastus, Godón nótó ⌊ótók⌋ yarilürr, noa müót yarilürr Zu pamkolpamab kwóbbazen müót minggüpanandó. 8 Krrispus, Zu pamkolpamab kwóbbazen müót ngakan pam, Lodón amkoman yangulürr tóba müót kolpampükü. Akó abün Korrint pamkolpam, Polón bóktan nidi barrkrrulürr, Lodón amkoman yangunóp, akó wa ibü blaman ⌊baptaes ninóp⌋.

9 Darrpan irrüb Lod Polka nuszan klame bóktanórr, wa nóma aerr yarilürr wagó, “Ma gumgu, akó ma wata bóktan namülün, ó piküp bain-gu. 10 Ka mankü asinla, akó darrü pama marüka koke tame marü kolae-kolae amkalóm, zitülkus ini wirri basirrdü kürü abün pamkolpamako.” 11 Pol ola darrpan akó poko pail ngyabelórr, pamkolpam umulbaindi Godón bóktan.

12 Galio gabena nóma yarilürr, Akaya prrobins ngakanóm, Zu pamkolpama darrpan pokodó togobórr Polón amiógüm. Da i oya amigóp, ama kotóm idüdóp. 13 I bóktónóp wagó, “Ini pama pamkolpamab gyagüpitótók alüngüm kainda Godón ótókóm ngibürr tulmili, a gida ama inzan koke bóktanda!”

14 Pol karipoko yarilürr bóktanóm, a ene pabodó ama Galio wató bóktanórr Zu pamkolpamdó wagó, “E Zu pamkolpama ne Polónkwata igó nóma ki bóktónane wagó, wa amkoman wirri kolae tónggapóne, da kürüka gaodó ki yarilün yabü bóktan arrkrrum. 15 A e wata enan ongyaldakla umulbain bóktanankwata akó ngiabkwata akó yabü yabiób gidankwata, da ene e yaib ngakónane, a wa ka zaz koke namulo inzan kla dümdüm bütanóm!” 16 Da wa ibü kotódógab yusürr. 17 Ene pokodó, blaman pamkolpam, ola nidi kwarilürr, i ma Sostenesün amigóp, Zu pamkolpamab kwóbbazen müót ngakan pam, da emkólóp oya, kot arrkrru pamab obzek kwata. A Galio ma darrü kla koke tónggapónórr karianbóka oyakwata.

18 Pol abün ngürr amanórr Yesun amkoman angun zonaretalpükü Korrint wirri basirrdü, da wa ibü nümgütóp, ama buti wamórr Sirria. I Prrisila akó Akwila usakü ogobórr. I solkwat ogobórr, a i ngaen-gógópan Kenkrreaem Polón órrngóen alükóp, zitülkus wa Godón ne ⌊arüng alkamül-koke bóktan⌋ ekyanórr, tórrmendó we ingrinürr ene bóktan alakónóm. Bótang Peba 6:18 19 I Epesus wirri basirrdü nóma babzilürr, Pol Prrisila akó Akwila ola nümgatórr. Wa wamórr Zu pamkolpamab kwóbbazen müótüdü, da Zu pampükü ola wirri arüngi ikik yarilürr. 20 Pamkolpama oya nóma ilóp ola ngyabenóm barrkyananbóka, da wa ubi koke bainürr. 21 A wa ma igó bóktanpükü nümgütóp ibü wagó, “Godón ubi ne nóma yarile, ka sab tolkomolo yabüka.” Da wa buti we wamórr Epesusgab.

22 Wa Sesarria wirri basirrdü nóma abzilürr, wa Zerrusalem wirri basirrdü wamórr, sos pamkolpam morroal ngürr akyanóm, olgab ama Antiok wirri basirrdü wamórr. 23 Ngibürr ngürr solkwat ola, wa amgatórr ene basirr, ama wamlórr basirr-basirr Galatia akó Prrigia bwób nisdüma, Yesun umulbain olmal arüng bütankü.

24 Ene tonarrdó, Zu pam ngi Apolos, nótó tómtómólórr Aleksandrria wirri basirrdü, Epesus wirri basirrdü tübzilürr. Wa kari morroal bóktan pam koke yarilürr, akó wirri umul yarilürr Godón Wibalómórrón Bóktan. 25 Oya umul inóp Lodón mamoan Kwat, akó oya moboküpan wirri arüngdügab wa amgol akó umulbain yarilürr amkoman poko Yesunbóka. A wa ma wata Zonón baptaesbóka umul yarilürr. 26 Wa bóktan we bókyanórr gum-koke Zu pamkolpamab kwóbbazen müótüdü. Prrisila akó Akwila nóma arrkrrurri oya bóktande, da i oya we idódrri tibiób müótüdü, da oya morroal dümdüm we umul yórri Godón mamoan Kwat. 27 Apolos we gyagüpi wamórr Akaya prrobinsdü tótókóm, da Yesun amkoman angun zonaretala Epesusüm oya arüng bütan bóktan ekyenóp ene kla tónggapónóm, da i peba mórrag wialómóp Yesun umulbain olmaldó Akayam, igó byalóm, oya morroal tonarre apadóm. Wa nóma abzilürr ola, wa kari morroal tangbamtin koke yarilürr ibüka, Godón ⌊gail tonarrdógab⌋ Yesun nidi amkoman angunüm bainóp. 28 Oya tae karrkukusdügab, wa Zu pamkolpamab arüng nimtinóp blaman pamkolpamab kwób bazen pokodó, akó wa ibü blaman küp nómtyenóp Godón Wibalómórrón Bóktandógab wagó, Yesu ene Kerriso-e.