128
Poia to Maaron pale izaa to yes tau tiroi pani
Mbouŋ to yes tau tizala Yerusalem pa suŋuuŋ
1 Yes tau tiroi pa Yoova ve titaghon eez tooni na,
poia to Yoova pale izaa toozi ve tintinizi. *Mbo 119:1+
2 Isaav ighe ugham tauvene, ene pale poia to Yoova izaa tsio, ve uleep poia toman tintinim.
Uraat tau ughamu pa nimam na, pale ughita anooŋa ivot, ve lem aniiŋ ma gabua katini.
3 Ve azuwam tau iŋginŋgin ruum tsio na, pale ipoop lem geegeu katini, imin ai vaen tau anooŋa ivot katini.
Tauvene saawe ta yamŋa natumŋa alup gham pa ghanghaniiŋ, yes pale tileep livutin ghom, imin ai oliv salunu tau titum livutin puughu.
4 Tauvene tamtamon tau ighe iroi pa Yoova ve itaghon ŋgar tooni, ene poia to Yoova tauvene pale izaa tooni.
5 Yoova ilepleep izi nugh Zion. I aat ighur poia tooni izaa tsio.
Ve saawe isov tau uleep izi taan, yo pale ughita Yerusalem igheen poi.
6 Ve yo pale uleep malau izi taan, le ughita timbumŋa.
Yoova aat igham yes Israela tileep poia toman lolozi luuma. Onoon.