133
Talup loloon imin eemon
Mbouŋ to yes tau tizala Yerusalem pa suŋuuŋ
Mbouŋ to David
1 Isaav ighe tamtamon to Maaron tilup lolozi imin eemon itaghon ŋgar to toŋvetaz, ene pale paghuuna,
ve igham loloon poia kat. *Yo 17:23; Ro 12:10
2 Ene imin ŋgoreeŋ vaazi poia *Saveeŋ to ŋgoreeŋ vaazi poia, ene izaa to poia to Maaron. Ve uwam, ene izaa to lepoogh poia tau i igham pait.
tau tiliŋi izala Aron daaba,
ve ireer izi itaghon aaze ooro,
le itaghon nonoghiiŋa tooni gha izila.
3 Ŋgar to loloon eemon, ene imin uwam tiina izi pa loloz tau tigharau nugh Zion, raraate imin uwam tau izizi ila loloz Ermon.
Onoon kat, ighe yes to nugh Zion tilup lolozi imin eemon, ene pale Yoova ighur poia tooni izaa toozi.
Ene lepoogh poia tau iseeŋga taghon taghon gha ila.
*133:2: Saveeŋ to ŋgoreeŋ vaazi poia, ene izaa to poia to Maaron. Ve uwam, ene izaa to lepoogh poia tau i igham pait.