16
1 Olionga kemulu ambo Pimbi, yu Sengiria taono Kirasinge yembo talapemo*bokumunge alsena anjokondo “43.sios”. lipe tapondoli kongono te tendelemo ambomo, yu ombá kinie kanoko peanga kanoko 2 yu Awilimunge ambo te kene ningu “Molamili ou.” nindengi. ‘Eno Pulu Yemonga yemboma†ungu pulu te inie yakondo 15:25*. molkolie aku siku teko, yuni ⸤Pulu Yemonga⸥ yembo awisili tondolo mundupe lipe tapondopa, na kepe lipe tapondorumu kene yu umbune te pemu liemo liku tapondangi.’ nimbu mawa tekero.
3 Na kinie pea Kirasi Yesusinge kongono terimulu ambo Pirisilla kinie ye Akuwilla kinie‡aku ambo yeselonga temanemo Lipe Mundorumu Yema 18:2-3,18-19,26. “Manda molembeleye?” nindengi. 4 ‘Elo toko kondonge kinie uluri molo.’ ningulu na liku tapondoringili. Na liku tapondoringilimunge nanu mindi “Ange.” naa nikiru; Juda yemboma naa molemele yembo lupe kolea lupe lupe Kirasinge yembo talapemanga yembomane kepe “Ange.” nilimelela.
5 Kirasinge yembo mare elonga ulkena maku tolemele yemboma “Manda molemeleye?” nindengila.
Nanga paa konopu mondolio pulu lemo ye Epainetasi, yu kolea Esia poropinji sukundu koleamanga pali pulu pulu Kirasinge yemo molorumu yemo, yu “Manda molenoye?” nindengi.
6 Enonga kongono tondolo mundupe tenderimu ambo Maria “Manda molenoye?” nindengi.
7 Nanga ⸤Juda⸥ ye Andoronikasi kinie Juniasiselo, na-kinie pea ka ulkena perimulu, aku yeselo “Manda molembeleye?” nindengi. Yesusini “Nanga kongonomo tende-paa.” nimbe lipe mundorumu yemane pali§bokumunge alsena anjokondo “1.aposel”. aku yeselo ‘Teko kondolembele ye peangaselo.’ nilimele. Na Kirasinge yemo ou naa molambo elo Kirasinge yeselo moloringili.
8 Yu Awilimunge yemo molemomonga yu konopu mondolio ye Ambilliatasi “Manda molenoye?” nindengi.
9 Olio Kirasinge kongono pea telemolo ye Upanasi kinie nanga pulu lemo konopu mondolio ye Sitakisi kinie “Manda molembeleye?” nindengi.
10 Apellesi, Kirasinge yemo molorumumunge mindili norumu nalo Kirasi mundupe siye naa kolopa tondolo mundupe ambolorumumunge yu kanoko kapi nilimele, aku yemo “Manda molenoye?” nindengi.
Aritopullasinge ulkena pelemele yemboma “Manda molemeleye?” nindengi.
11 Nanga ⸤Juda⸥ ye Erotiane “Manda molenoye?” nindengi.
Nasisasinge ulkena pelemele yembomanga mare Awilimunge yembo molemelema “Manda molemeleye?” nindengi.
12 Awilimunge kongono tondolo munduku tenderingili ambo Tiripina kinie Tiriposaselo “Manda molembeleye?” nindengi.
Nanga konopu mondolio pulu lemo ambo Pesisi, Awilimunge kongono tondolo mundupe tendelemo ambo tela, akumu “Manda molenoye?” nindengi.
13 Awilimuni ‘Nanga yemo molopili.’ nimbe mako torumu ye Rupasi*Mako 15:21 ye imbi telu sipemo, ye telu sipemonje? kinie yunge anumu kinie “Manda molembeleye?” nindengi. Kanu ambomone nanga anumu mele molopa na nokolemola.
14 Asinikiritasi, Pellekono, Emesi, Patoropasi, Emasi keme, enonga angenupili eno kinie pea molemele yema kinie “Eno manda molemeleye?” nindengi.
15 Pillollokasi keme Jullia†‘Jullia yu Pillollokasinge ambomonje.’ ningu pilimele. keme Nerusi keme yunge kemulu keme Ollimipasi keme Pulu Yemonga yembo‡ungu pulu te inie yakondo 15:25*. eno kinie pea molemele yemboma pali “Manda molemeleye?” nindengi.
16 ‘Olio pali Kirasinge yemboma’ ningu anjo yando yemboma kangulku§“kanguluengi.” nimbe molemo akumu Giriki-ungune “kere toko nongo nunu niengi.” nimbe molemo. OuKorini 16:20. “Manda molemeleye?” niengi.
Kirasinge yembo talapemane pali “Eno manda molemeleye?” ningu mundukumili.
16:17-20 Yembo Marene Kirasinge Yembo Talapemo Sungu Siringimenga Ungumu
17 ⸤Ungu te kamu niembo.⸥ Angokeme, nane eno tondolo mundupulie nimbondo: Yembo marene Kirasinge yembo talapemo sungu siku, ou mane siringi pilku lsingi ungume ‘naa piliengi!’ ningu ungu lupe lupema ningu silimelemonga Kirasinge yemboma pilkulie, Kirasinge ungumu ou pilimele mele kelko pilku sunduku teko kenjinge kene*inie yakondo 14:13,20,21, PeKorini 6:3. kanu yemboma kanoko kondoko molaa. Aku yemboma-kinie nondoko telune tapu toko naa molangi. 18 Kanu yembomane olionga Awili Kirasinge kongonomo naa tendelemele kene eno-kinie telune naa molangi. Enonga kalkundu ulume mindi konopu mondoko telemele.†akumu ungu iko mele torumu molo yakondo 14:1-6 akune langi nongemando nirimu ungu akumunje? Yembomane “Eno sike nikimili.’ ningu piliengi!’ ningu kolo toko ‘ungu peanga mare nikimulu’ ningu kondi tolemele aku ungume Kirasinge yembo marene ‘Iungumu sike ungumu. Iungumu kolo.’ ningu naa apuruku kondoko we walu pilku limele yemboma ningu embambo silimele. 19 Enone ⸤Awili Kirasinge⸥ ungume pilku liku ambolko kondolemele mele yembomane pali pilimelemonga na eno-kinie awili tepo konopu sipu molio, nalo ‘Eno ulu peangama paa pilku kondangi. Ulu kerime pilku tenge aulke te paa naa liepili.’ konopu lekero.
20 ‘Nanga yemboma konopu pe nipili taka liku molangi.’ nilimo Pulu Yemone nondopa mele ‘⸤Eno Romo Kirasinge yembomane kurumenga nomi⸥ Setene kimbuni kambiliengi.’ nimbé.‡OuPuluPulu 3:15; bokumunge alsena anjokondo “42.Seten”.
Olionga Awili Yesusini eno we kondo kolopa molopili molangi.
16:21-24 Yembo Marene Romo Yembomando “Manda Molemeleye?” Niringi Ungume
21 Na pea kongono tapu topo telembolo ye Timotini§LipeMundorumuYema 16:1. “Eno manda molemeleye?” nimbe nimbe mundukumu. Nanga ⸤Juda⸥*“Nanga ye” nikimu olio pilipu sundulimolo. Pollone yunge lapalini kalko lsingi yembomando nirimu molo yunge Juda talape yembomando nimbe nirimunje? ye LLusiasi keme†Lipe Mundorumu Yema 13:1. Jesono keme‡Lipe Mundorumu Yema 17:5-9. Sosipate keme akumene kepe “Eno manda molemeleye?” ningu ningu mundukumilila.
22 ⸤Na Tetiasi, Pollone nikimu mele pilipu ipepámo tondokoro yemone Awilimunge yemola molopolie “Eno manda molemeleye?” nimbu nimbu mundukuru.⸥
23 Na Pollo kinie Kirasinge yembo talape ya molemelema kinie yunge ulkena ‘pea peamili waa.’ nimbe nokolemo ye Gayasini§Ye Gayasinge ungu talo Lipe Mundorumu Yema 19:29, OuKorini 1:14. “Eno manda molemeleye?” nimbe nimbe mundukumu.
Ya kolea awili Korini kou mone kinie koleamonga kongonoma kinie nokolemo ye Erasitasi kinie*Ye Erasitasinge ungu talo Lipe Mundorumu Yema 19:22, PeTimoti 4:20. olionga angenu Kuwatasi kinie elone “Eno manda molemeleye?” ningulu ningu mundukumbili.
24 (Olionga Awili Yesusi Kirasini eno pali we kondo kolopa molopili molangi. Sike aku sipe tepili.)†Iungumu, pala () akune sukundu molemomo, Pisini ungune kepe, Ingillisi ungu toringi boku marenga molemo, marenga naa molemo. Pulu Yemonga ungumu paa pilku kondolemele yembo marene pilkulie, ‘Pollone ipep mo ou topa mundumbendo iungumu naa torumu. Ye tene pe konopuni pilipelie walu torumu.’ ningu pilkulie ‘Bokune sukundu naa molopili.’ nilimele.
16:25-27 Pulu Yemonga Imbi Lipe Ola Mundundoli Ungu Te
25-27 ⸤Kinié olione Pulu Yemonga imbi alieli lipu ola mundundemili.⸥ Na temane peangamo topo siliomone kinie, Yesusi Kirasindu nimbu silimolomone kinie, Pulu Yemone eno konopu manda tondolo mundundumbe. Itemane peangamo ou lopi tepa perimu ungumu.‡Ou lopi tepa perimu pe kinié nimbe para sikimu ungu akumunge ungu pokore Epesasi 3:3-6.
Yu ponie paa awisili Pulu Yemone ou nimbe para naa sirimu nalo pe kinié mele ‘Mona lepa olio piliengi!’ nimbelie nimbe para sikimu. Molopa Mindi Puli Pulu Yemone ‘Ma koleana yembo talapemane pali ‘Itemanemo yu sike ungumu.’ ningu tondolo munduku pilku kanu ungumu pilku liku tenge panjiku teangi.’ nimbe yuni ungu umbu tondorumume pilku yemboma ningu siringi yemando “Mona liepili ningu para siee.” nirimu. Kanu kinie kanu ungu ningu siringi yemane ‘Yemboma paa piliengi!’ ningu enonga bokumenga sukundu kanu temane peangamo wendo ombá mele ningu siku boku toringi nimbe pelemo. Yesusi Kirasini olionga nimbe tenderimumunge Pulu Ye yu manjipe pilipe konginjeli pelemo yemo, yunge imbi kamu ola molopa mindi pupili. Sike aku sipe tepili.
⸤Aku pea nikiru.⸥
*16:1: bokumunge alsena anjokondo “43.sios”.
†16:2: ungu pulu te inie yakondo 15:25*.
‡16:3: aku ambo yeselonga temanemo Lipe Mundorumu Yema 18:2-3,18-19,26.
§16:7: bokumunge alsena anjokondo “1.aposel”.
*16:13: Mako 15:21 ye imbi telu sipemo, ye telu sipemonje?
†16:15: ‘Jullia yu Pillollokasinge ambomonje.’ ningu pilimele.
‡16:15: ungu pulu te inie yakondo 15:25*.
§16:16: “kanguluengi.” nimbe molemo akumu Giriki-ungune “kere toko nongo nunu niengi.” nimbe molemo. OuKorini 16:20.
*16:17: inie yakondo 14:13,20,21, PeKorini 6:3.
†16:18: akumu ungu iko mele torumu molo yakondo 14:1-6 akune langi nongemando nirimu ungu akumunje?
‡16:20: OuPuluPulu 3:15; bokumunge alsena anjokondo “42.Seten”.
§16:21: LipeMundorumuYema 16:1.
*16:21: “Nanga ye” nikimu olio pilipu sundulimolo. Pollone yunge lapalini kalko lsingi yembomando nirimu molo yunge Juda talape yembomando nimbe nirimunje?
†16:21: Lipe Mundorumu Yema 13:1.
‡16:21: Lipe Mundorumu Yema 17:5-9.
§16:23: Ye Gayasinge ungu talo Lipe Mundorumu Yema 19:29, OuKorini 1:14.
*16:23: Ye Erasitasinge ungu talo Lipe Mundorumu Yema 19:22, PeTimoti 4:20.
†16:24: Iungumu, pala () akune sukundu molemomo, Pisini ungune kepe, Ingillisi ungu toringi boku marenga molemo, marenga naa molemo. Pulu Yemonga ungumu paa pilku kondolemele yembo marene pilkulie, ‘Pollone ipep mo ou topa mundumbendo iungumu naa torumu. Ye tene pe konopuni pilipelie walu torumu.’ ningu pilkulie ‘Bokune sukundu naa molopili.’ nilimele.
‡16:25-27: Ou lopi tepa perimu pe kinié nimbe para sikimu ungu akumunge ungu pokore Epesasi 3:3-6.