1 Festus i ḡeta au Caesarea da ana nola ita vikarei ma aupom vitonuina i ḡae au Jerusalem. 2 Weka pirisi ḡeḡetelarana ma dogadogara Festus i nebelei ma ai viwavu Paul awarina tauna i verei. 3 Ma Festus i vibaḡai da ita voagui da Paul ita paritawanei au Jerusalem. Taui ava i vioga da Paul au etanai ita viraḡeni. 4 Wate Festus i paribelei i pa, “Paul au deri au Caesarea ma tau a ḡaiḡaira me kampa aupom ruaḡa au murina. 5 Mepa da Paul aiwai i kauana-boai lamna ami Babada maiteni ana ḡaira da kampa ami viwavu ina terei.”

6 Aupom 8 da 10 nanare au murina Festus i ḡaira me au Caesarea ma maratomna au numaetara i kiala ma ana sorodia i eḡara da Paul ita ruieiai au naona. 7 Maranai Paul i ruieiai, ma Jew babadai Jerusalem ei i ḡairai i nei awari ma ina viwavui, kaua maḡamaḡaui apoapoei aubaii. Wate taui ai viwavu anatapui anona eḡa.

8 Paul wei *Paul au Tarsus i tupua wate tauna wavana Rome gabemanina awarina. Lamna aubaina tauna ana rewapana e mamae da ana nuabola ina naiei au Rome da Caesar ina rauetarei.viwavui i vinua-nainei ma i pa, “Tau eḡa aiwai apoapoena ata kauei mai Jew ai tarawatu awarina bo ai Tempol awarina bo Caesar awarina.”

9 Wate Festus i ḡoei da mai Jew ita vinuaiaini lamna aubaina Paul i paridadanei i pa, “E ḡoeḡoei bo eḡa da tana ḡae au Jerusalem ma etara?”

10 Paul i riwa, “Tau marina Caesar ana au etara gabuna a maimairi, weka ina etareu. Tam u aramana-kauei da tau eḡa aiwai apoapoena ata kauei mai Jew awarii. 11 Wate mepa da aiwai apoapoena a kauei lamna ma viraḡeniu. Tau eḡa iraḡe ata rovoei. Wate mepa da wei lamna viwavu moru lamna eḡa aiai ana rewapana ita mamae da ina veredamaneu. Tau a vivibaḡa Caesar awarina!”

12 Festus Caesar ana dogadogara ai nota i vaia ma i paribelana i pa, “Tam u vibaḡa Caesar awarina, Anina Caesar awarina ma nae.”

13 Aupom biaḡa au murina gulau Agrippa†Wei lamna Herod Agrippa 11, Herod Agrippa 1 natuna. novuna Benisi maiteni i nei au Caesarea da gavena vouna Festus i raugenari da ita viegualauei. 14 Ma i mae aupom vomaḡauna ma Festus Paul i rarauetara gulau i pariverei i pa, “Felix panipani tagogi weka i voterei. 15 Ma maranai a nae au Jerusalem mai Jew ai pirisi babadai ma dogadogara ai viwavu i neiai awariu ma i vibaḡaiu da Paul ata viraḡeni.

16 —Ma a riwei da tauai mai Rome ai tarawatu e ririwa da eḡa rava ana kovoḡa labalababai da au naona ana rauetarei. Taui ina ḡetai da ai viwavu taurauetara au naona ina mairi da ina gagaloana-melei. 17 Maranai tauviwavu maiteni weka a ḡetai. Tau eḡa ata vipaipai ma maratomna a egara da ravana i neiai da ita etara. 18 Tauviwavu i vomairi ma a notai da aiwai apoapoena aubaina ita viwavui wate eḡa. 19 Anina kaua biaḡa ava ai taparoro kauaii, ma rava tagogi irairaḡena wavana Iesu i vitarapiriei. Wate Paul e ririwa da Iesu lawalawaina. 20 Tau nuanuau i raḡaraḡa menanare riwa kaua ana vainei ma Paul a paridadanei da i vianina da maiteni ata ḡae au Jerusalem da kampa ata etarei. 21 Wate Paul i vibaḡa da Caesar ana viwavu ina rautaniḡanei. Ma sorodia a egari da au numa panipani ina paini da ana paritawanei Caesar awarina.”

22 Ma Agrippa Festus i riwei, “A ḡoei da ravana ana babani ana rautaniḡanei.”

Ma Festus i paribelei, “Anina, au maratom ma rautaniḡanei.”

23 Au maratomna gulau Agrippa ma Benisi gulau garai i oteni ma ana gabemani babadai ḡaeḡae maiteni, i arana-ruiei au boru numana. Festus ana sorodia i egari da Paul i ruieiai. 24 Festus i riwa, “Gulau Agrippa ma anatapumi o rieiai weka, wei ravana o inainanai! Tauna mai Jew au Jerusalem ma weka au Caesarea e ḡoeḡoei da ina iraḡe. 25 Wate tau a nelaḡai da tauna eḡa aiwai ita kauana-boai da ina iraḡe. Wate i vibaḡa da Caesar tauna ina rauetarei. Lamna aubaina a pariparitawanei Caesar awarina. 26 Wate Caesar aiwai ana riwei, eḡa ata aramanei aiwai ana girumi? Lamna aubaina a neiai awarimi ma tam gulau Agrippa maiteni da tana babaniei da nota ona vereu da aiwai ana girumi. 27 Aubaina eḡa ita ai da panipani ana paritawanei Caesar awarina ma ana viwavuna eḡa!”