1 Ma Moses Moab wapuna i netawanei ma ola Nebo i ḡaeni da au tepa dewadewana e ḡoreḡorei Pisgah, ma au navanava ḡelauna lamna Jeriko. Weka au Pisgah Bada Moses dobu anatapuna i viatataiei, au Gilead i vikarei da i ḡae au Dan. 2 Ma dobu Naphtali, dobu Ephraim ma dobu Manasseh, dobu Judah, ma i nae da au Mediteranean bogana. 3 Ma Bada Moses mutulua e ḡoreḡorei Negev i viatataiei; ma Jordan gaubana da i nae da au Jeriko da i nae da au uama Zoar melagaina. 4 ✡Gen 12:7; Gen 26:3; Gen 28:13Ma Bada i riwa, “Wei dobuna lamna Abraham, Isaac ma Jacob a parivainuaḡani da ‘ami epaepaipaia ana verei.’ A voterem da dobu matamei u inanai, wate au dobuna eḡa ma rui.”

5-9 Muriai Moses urana Joshua, Nun natuna au kolana i terei ma i viaiaini ma nuaulaula orana i ruini. Ma lamna aubaina mai Israel Joshua i voteletelei Moses i ririweia nanare. Ma Bada ana taunola Moses, i ʼraḡe mai Moab ai au dobu, Bada i ririwei nanare.