1 Maranai Abram ana madeḡa 99 ma Bada i vieḡana-melei Abram awarina ma i riwei i pa, “Tau God Vivirewapana Kaukauana.*God vivirewapana kaukauana. Hebrew El-Shaddai. Au naou ma babara ma kaua aiaina ava ma kauei 2 da nanare au Parivainuaḡana bagibagina ana vovai-virewapani tau ma tam awarita ma am dam ana vimaḡa-guratei.”

3 Ma Abram i mae-ḡaira au doa ma i raudune. Ma God Abram i riwei i pa, 4 “Tau au navanava au parivainuaḡana bagibagina tam maiteni wenanare: Ana kauei, da dam patarana maḡamaḡaui tam ina viamanem. 5 Ma marina wavam Abram, †Abram. Wei wavana nonorana Hebrew ponaiei anona viwavalatonana. ana terevirai da Abraham;‡Abraham. Wei nonorana me Hebrewei anona dam maḡamaḡaui amai. aubaina marina ana kauei da dam patarana maḡamaḡaui ina viamanem. 6 Ma ana kauei da am epaepaia ina maḡa ma am damei gulau maḡamaḡaui ina nei. 7 Au parivainuaḡana bagibagina ana vovai-virewapani, tau ma tam ma am epaepaia muriai e nenei da tau am God ma taui ai God. 8 ✡Act 7:5Canaan dobuna taputapuna marina e mamae-gubai, tam am epaepaia maiteni ana vere-nonoemi aubaimi ma tau, taui ai God.”

9 Ma God Abraham i riwei i pa, “Ma au parivainuaḡana bagibagina, tam ma am epaepaia maiteni ona voteletelei. 10 ✡Act 7:8Wei taumi ami au navanava parivainuaḡana bagibagina ona voteletelei, ami nelara anatapui inii ina bori. 11 Ma taumi inimi ona bori, lamna ata parivainuaḡana matairana. 12 Roaroa melamelai nelarai i tupua ma au pom 8 au murina inii ona bori. Wei kauana ona kauei, natunatumi nelarai ma ami taunola natunatui nelarai ma nelara anatapui am au numa e vivitaunola. 13 Riwa kaua, maranai roaroa nelarai i tupua am au dam bo maranai taunola o gimarai, taui au mataira lamna inii ona bori. Lamna au parivainuaḡana matairana au tupuami ina mae-nonoa. 14 Wate aiai orotona nai matairana eḡa au tupuana, lamna au parivainuaḡana bagibagina i viaigai ma lamna aubaina tauna ina viravaḡela.”

15 God Abraham i riwei i pa, “Awam eḡa ma ḡorei Sarai, wate ma ḡorei Sarah. §Sarai - Sarah: Wei wavai ruaḡa anoi wavalatona natuna wavinena. God Sarai wavana vouna i verei da ita viatataiei da tauna dam ḡaeḡaena aloi. 16 Tau ana viaiaini ma natum orotona ina vitupui. Anina ma ana viaiaini da ina vidam ḡaeḡae aloi. Ma dam ai gulau maḡamaḡaui taunei ina opu.”

17 Abraham i mae-peu ma i raudune ma i mutu-kaka ma au nuanuana i pa, “Amapo oroto ana madeḡa 100 ma ina vinatuna bo? Ma Sarah ana madeḡa 90 ma ina vinatuna bo?” 18 Ma Abraham God i riwei i pa, “Ma Ishmael menanare, uta viaiaini bo eḡa?”

19 Wate God i riwa i pa, “Eḡa! Awam Sarah natum orotona ina vitupui ma ma viwavai Isaac.*Isaac. Wei wavana Hebrewei anona i kaka. Au parivainuaḡana bagibagina tauna awarina ma ana epaepaia awarii ina mae-nonoa. 20 Ma Ishmael aubaina, am nuabola a nonori. Ana viaiaini ma natunatuna ana vimaḡai ma ana epaepaia ana vituai. Tauna dam 12 ai babada amai ma ana epaepaia ai dam ana vimaḡai. 21 Wate au parivainuaḡana bagibagina ana kauei Isaac maiteni. Ma wei marana nanare, madeḡa ḡelauna Sarah, Isaac ina vinatunei.”