37
Joseph, tuatuana maiteni ai virarautua
1 Jacob ana dam maiteni kampa i mae, wariaḡa amana weka i mae, mai Canaan ai au dobu.
2 Wei lamna Jacob natunatuna maiteni ai virarautua.
Joseph tauna laraga ana madeḡa 17. Tauna tuatuana maiteni, amai awawana Bilhah ma Zilpah natunatui, amai ana sipu ma gote i paipaini. Wate Joseph tuatuana ai kaua apoapoe ḡelaui amai i vibenabenamei.
3 Jacob ana au magura Joseph i tupua ma lamna aubaina natuna nuanuana i vai-kauei, eḡa me natunatuna ḡelaui nanare. Ma gara girugirumana, maiana ḡaeḡaena i kauei ma Joseph i verei. 4 Maranai tuatuana i ʼnanai da amai Joseph i ḡoana-guratei eḡa me taui, ma ai ora-apoapoe ai tevera awarina i rata ma eḡa ita bababani kaua awarina.
5 Waguvara tagogi Joseph i rauboni ma maranai tuatuana ana rauboni i riwei, taui ai ora-apoapoe i virata-guratei. 6 Joseph i riwa, “Ona rautaniḡana ma au rauboni ana riwemi. 7 Anataputa au wapu witi ta bawabawai. Ma tau au bawa au pouna i mairi ma taumi ami bawa i kwaviviroi ma i raudunelei!” 8 Ma tuatuana i riwa, “Tam u notai da ma vibada bo? Ma tam ma vibadelai bo?” Ma Joseph ana babani ma ana rauboni aubaina taui amloi i ḡaiḡai guratana.
Joseph i gimarei
12 Mara tagogi Joseph tuatuana amai ana sipu ma gote i taravaini ma i naiei au Shekem ma kampa i paini. 13 Ma Israel (wavana ḡelauna Jacob) Joseph i riwei i pa, “Tuatuam au Shekem sipu ma gote e paipaini. A ḡoem da ma nae taui awari.”
Joseph i vianina ma i riwa, “Anina ana nae.”
14 Amana i riwa i pa, “Ma nae tuatuam ma ḡamoḡamo ma i ʼnanai, taui anina bo eḡa, ma ma nememei da ma riweu.” Ma Joseph i paritawanei. Hebron wapuna i netawanei ma i nae.
Maranai au Shekem i ḡeta, 15 ma kampa au wapu i kwavikwaviviro ma oroto tagogi tauna i ʼnanai ma i riwei, “Aiwai e baibaiei?”
16 Joseph i paribelei, “Tau tuatuau a baibaiei, taui ai sipu ma gote e paipaini. Uta riweu taui mepa?”
17 Tauna i paribelei i pa, “Taui i nae. A nonori i bababani i pa, ‘Tana nae au Dothan.”
Anina ma Joseph tuatuana i votaḡoi da au Dothan i nelaḡai.
18 Maranai tuatuana matai i tawanei ma Joseph i ʼnanai i nenei ma i aramanei da tauna. Muriai da ita ḡetai taui ai oga i tarai da tauna ita viraḡeni. 19 Taui i babani vivira i pa, “Taurauboni e nenei. 20 Ona nei tana vunui ma waira dogona paipairana au orana tana tawana ḡairei. Ma tana riwa da ḡamoḡamo moduei tauna i viraḡeni. Ma tana inanai ana rauboni mena ina ḡoa.”
21 Wate Reuben ai ogatara i nonori, ma i ḡoei da ana tevera ita gagaloei ma i riwa i pa, “Eḡa ana lawana tana vaitawanei.” 22 “Eḡa tana viraḡeni. Tana tawana ḡairei waira dogona paipairana au orana weka au mutulua ma eḡa tupuana tana vodadani.” Reuben wenanare i babani aubaina i ḡoei da ana tevera ita naiana-melei amana awarina.
23 Maranai Joseph i ḡeta tuatuana awarii, tauna i vojijini ma ana gara girugirumana i ḡiḡi-tawanei. 24 Ma i vaia ma i tawana ḡairei waira dogona au orana.
25 Ma taui i kiala da i amam ma i taepai da dam mai Ishmael i ʼnanai au Gilead da i nenae au Egypt. Taui ai gimara lam anitavidagiai ma bunama mur* MurMyrrh. Wei dobuna ravai ai bunama ḡabuabuna ma ana nola i maḡa. au kamel i vigerui.
26 Judah varevareina i riwei i pa, “Aiwai aiaina tana vaia mepa da ata tevera tana viraḡeni ma tana moru. 27 Ona nei ma tana gimarei dam mai Ishmael awarii ma eḡa urataiei tarana ina toi, tauna ata tevera, tara tagogi.” Ma varevareina i vianina. 28 ✡ Act 7:9Ma maranai taugimara mai Midian† Buka taugirumana dam wavai ruaḡa i terei, mai Ishmael ma Midian, wate mepa da taui dam tagogi. i ḡetai, Joseph tuatuana tauna dogoei i taina-epai ma i gimarei mai Ishmael awarii maiana silva 20 ana ruva nanare ma taui i naiei au Egypt.
29 Muriai Reuben i nememei da au dogo i ʼnana ḡaira, ma Joseph kampa eḡa ma i vinuabola kaua ma ana gara i sikai. 30 Ma i nae me ana roaroa awari ma i riwa, “Ata tevera kampa eḡa. Aiwai ana kauei?”
31 Anina ma taui gote i vunui ma au tarana ana gara i virai. 32 Ma ana gara i naiei amai awarina ma i riwei i pa, “Tauai wei garana a nelaḡai. Ma inanai wei natum ḡarinei bo eḡa?”
33 Amai gara i ʼnanai ma i riwa, “Anina wei tau natu ana gara. Ḡamoḡamo ḡaḡaiawai natui i vunui. Oo natu! Ḡamoḡamo natu i uta-sikasikai.”
34 Ma Jacob i vinuabola kaua ma ana gara i sikai. Ma ḡamoḡamo opina i oteni ma natuna i moguei da nawaravi biaḡa i kwa. 35 Ana numa ravai i nae awarina da ita vinuaubai. Wate tauna vinuauba i geduaiei ma i riwa i pa, “Ana tou ma natu ana moguei da au dogo ina tereḡaireu ma ana nae mepa natu i nenelana.” Ma natuna i touei.