42
Job i babani me
1 Ma Job i babani me, i pa
2 “Tau a aramanei da tam aiwai anatapuna e kaukauei;
Eḡa aiai am oga ina viḡaei.
3 ✡ Job 38:2U paridadaneu, ‘Tam aiai e bababani labalababa,
ma au nuaulaula e pari-virevirei?’
Riwa kaua am boruma vivinualaulaunana eḡa ata aramanei,
da a voḡana guratana.”
4 ✡ Job 38:3“U riweu, ‘Ma rautaniḡana, ma ana babani,
Ana paridadanem ma tam ma paribeleu.’
5 Taniḡau ava riwam i nonori
Wate marina matau i ʼnanaim.
6 A vinimala, ma au lapukare ma au debidebi ana kiala.
A ruperupena ma a mae-tavireu awarim ma au ḡoʼapoapoe ma nota-tawanei.”
Damona
7 Bada i babani vorovei Job awarina ma marina Eliphas rava Temanei awarina ina pa, “Amlou i ḡaiḡai awarim am rava ruaḡa maiteni, taumi eḡa riwa kaua ota babaniei me Job nanare. 8 Lamna aubaina, bull 7 ma sipu ororotoi 7 ona vaia ma ona nae au taunola Job awarina ma siai taputapuna ona apui awariu. Tauna aubaimi ina raupari ma ana pari ana nonori da eḡa ana vinimalaimi ami kaua apoapoei aubaina. Taumi eḡa riwa kaua ota babaniei me au taunola Job nanare.” 9 Anina ma Eliphas, Bildad ma Zophar Bada aiwai i ririweia nanare i kauei, ma Bada Job ana pari i nonori.
10 ✡ Job 1:1-3Ma maranai Job i raupari-vorovei, Bada ana maura i veremelei ma raviai-tepatepani. 11 Varevareina ma novunovuna ma ana rava waduwaduboi i nei ana au numa ma maiteni i am ma i uma gogona. Ma Job i vinuaubai aubaina Bada vita ḡaeḡaena Job i verei. Ma taui anatapui kampa i ḡeḡeta mane ma loji goldei Job i verei.
12 Bada, Job i viaiaina-kauei eḡa me au naonei. Awarina sipu 14,000; kamel 6,000; uata bullna 2,000 ma donki waivine 1,000. 13 Ma nanare, natunatuna nelarai seven ma waivinei tonuḡa. 14 Natuna wavinena magurina wavana Jemimah* Heb. wei wavana anona Gabubu, ma keikeina wavana Keziah† Heb. wei wavana anona Cassia. bo kaidara talana. ma vitonuina Keren-Hapuk. ‡ Heb. wei wavana anona mata penitana. 15 Job natunatuna guguinii inanai i ai dewadewa eḡa me guguini ḡelaui nai au dobuna. Ma Job natunatuna nelarai ma waivinei ai buderi i terei da anatapui ruvana tagogina ina vaia.
16 Job i mae madeḡa 140 ḡelauna; da ḡoḡoḡana ma nonoina da i nae kimta au vi-4-nainanai. 17 Anina ma i magura kaua ma iʼraḡe.