3
Kaem te la ira sanami se laganakko
(David king ko bagakaso, bare noko kuriang Absalom noko ura nu taukko ago kaeyakaso, se David Absalom ko nagu se den imi balam)*Absalom: 2 Samuel 15-18.
1 O Yawe, ani ago ko kager kari memek suen biya!
Nuna suen biya nunguningkiri ani agarak kagerawasan!
2 Ale nuna ani ago ko balsan,
“Kaem nu me sangukko pa!” masan.
3 Bare Yawe, ni keta suanta aninga karem se ni aninga lautem;
ni aninga kager menawusam ale nup biya se sokel aisisam.
4 Ani Yawe kote sail ago niasam,
se nu ko duruk laili mu te baga se agiring iluso.
5 Ani taga anisam, ale anisam;
ale ukiso se barasasam;
Yawe aga bitarso se memek bo me arigisam.
6 Ani kager kari memek suen biya nunguningkiri aga laturu sapaman,
bare ani me ta nguangasam.
7 O Yawe, aninga Kaem, bares ale aga bataguru toko!
Ni kari memek alo nogol kulukumur ale nogore motam biagerko.
8 O Yawe, ni keta anananga Bataguru Ta Kari.
Nika kariimet marak nungaruko.