9
'Auvea Samuela i voneni Saulo taiadi i na veluaga
1 Tamu tomogo 'ai'aiwabuna 'ana wagava Kisa wauma Beniamina 'wainega, we'e tamana Abieli, tubuna Sielo, aisena Bekolati we'e mata'olo'olona Afaia kumanina waumanina 'aitamogana 'wainega. 2 Kisa natuna iavetana 'ana wagava Saulo, tomogonina 'ana magisisi 'ana 'isa 'atumaina wata manamanawena, we'e 'ifwaidi tomotoga i laka i 'usa 'avalaneye. Kebu tamu aitoi taiadi i da vesala Isileli nageneye.
3 Tamu tutuya, Kisa yana 'aisayavo doniki i vuyo bega natuna Saulo i voneni i vo, Tamu tofolova 'u na vagavaia 'wa na nagoi doniki 'wa na lualedi 'wa na miedi.”
Saulo wata yana tofolova taiadi doniki i lualedi siwe kebu i da veluagadiga, bega i nagoi Yaubada yana vona 'ana tolu'ivona Samuela 'waineye i na velutolieni faifaidi nika awave'eda'eda i na veledi bega i na nago i na lualedi.
15-16 Bogi 'aiatanina 'waineye, 'Auvea i souyeni Samuela i voneni i vo, 'Awa'awai side tutuyanina bani'odi, tamu tomogo wauma Beniamina 'wainega a na vetunei i na wai bega 'u na iwagi bunama 'wainega, 'eba 'isa i na veto'edakumeta yaku tomotoga me Isileli faifaidi. Yaku tomotoga i na 'i'ita'ita'iedi me Filisitia yadi veimea toketokena 'wainega. 'Adi vita 'akonadi a 'iseni wata yadi 'we'wela a nogai.”