16 VeL 22:28,29'Ai'edi tamu tomogo vavine ne'e'elina kebu i da ve'avulaga wata kebu 'ana veakutagonaga siwe taiadi i na 'enoga, tomogonina vavine kukuana i na tutuli wata i na nagia yana vavine. 17 We'e 'ai'edi vavine tamana tomogonina i na bailaotogeni, siwe 'asa'aiana vavine ne'e'elina 'ana tutula bani'odi i na tutulimo. 18 VeL 18:10,11Kebu tove'ulua 'wa na tauyedi i na miamia, 'wa na luvewafadi.

19 Vei 18:23; 20:15,16; VeL 27:21'Ai'edi tamu tomogo 'aisaya taiadi i na 'enoga, 'wa na luvewafai.

20 VeL 17:2-7'Ai'edi aitoi yau 'Auvea i na baileku bega i na velomu tamu yaubada 'waineye, 'wa na luvela'ovi.*Fai tomogonina i vesauluva-sako Yaubada 'waineye enavo i na yato'idieni bega Yaubada 'ana wagavayega i na luvewafai.

21 Sou 23:9; Vei 19:33,34; VeL 24:17,18; 27:19Mali tomotoga taiadi 'wa miamiaga, kebu 'wa na vesauluva-sakoyedi fai 'omi wata basenadi 'wa vewakawaka Itifita bei.

22 Kebu 'wabu'wabula wata kwakwama fovafovadi 'wa na vesauluva-sakoyedi. 23 'Ai'edi bani'odi 'wa na vesauluvediga i na taidaida 'waikuye, yau bonadi a na nogai, 24 bega a na nuasako-'afo'afo, gavia 'wainega a na nikemi 'wa na wafa. Yami vevinevo i na 'wabula we'e natumiavo i na vefovafova.

25 Vei 25:35-38; VeL 15:7-11; 23:19,20'Ai'edi tamu yaku tomotoga wekowekomana mani 'wa na veleni bega 'awaie i na tutuli, kebu mani to'anivelena 'wa na saladi bega kebu 'wa na lukakadeni maninina ma 'ana 'imoso'i i na velemi. 26 VeL 24:10-13'Ai'edi iamu mani 'u na veleni bega 'ana talauma i na velemu, yana vona'awaufaufa 'ana tugusa 'awaie maninina i na vevilai, bola inala kebu i na simwanuyaga 'u na vevilai 'waineye, 27 fai talaumanina 'asa'aiana 'aitamogana yana velu'uva. Wata ava'ai 'wainega i na velu'uva? 'Ai'edi i na vekaukauga, i na taidaida 'waikuye 'aivaita faifaina bonana a na nogai fai yau to'isanuakalikali.