49
I 'a'avana Iakobo natunavo 'ifwaidi i goledi i luku 'waineye bega i vona-nuakalikaliedi wata naninidi 'awaie i na souyediga i vona-vagasedi.
Iakobo natunavo i vona-nuakalikaliedi
8 Wata Iakobo i veifufu i vo,
Iuda, 'awaie tatamwavo wata taimwavo i na subiamu.
'Amu gaviavo 'u na leodi wata 'u na vetoketoke-'iawedi
we'e natukwavo 'ifwaidi ma yadi ve'ililibu i na 'odu 'waimuye.
9 Sal 24:9; Ve 5:5Iuda, natuku, 'omu 'aisaya kasikasisidi laioni natudi bani'odi,
'ana 'aisaya i na ovai i na 'ania mulieta i na vilai 'ana 'ivie i na miamia.
Kebu tamu aitoi 'ana fata i na tokemaigeni bega i na tolivauvauli.
10 Iuda, vetoveimea 'ana tugusa tutuya matatabuna nimamuye i na 'eno'eno kebu tamu aitoi i na elomu.
Tubumwavo tutuya matatabuna i na veveimea, kebu tamu aitoi i na 'ewaiga.
'U na veveimea i na nagoga nika taunina 'ada toveimea mogitana i na le'wa,
kumanina tomotoga matatabudi 'awalawa tulina tulina 'wainega, ma yadi veve'ililibu yana veimea i na vematayakeyakeni.”
33 Fol 7:15Tutuyanina Iakobo yana velu'ase'ase natunavo matatabuna 'waidie i 'a'avana, 'agena i silakavedi 'ana 'ivie, nika yawaina i 'a'ava bega tubunavo mulidie i nago.