38
Iobi enavo i lukakadeni 'ana vita faifaina, fai yadi nuanua i vo 'ako nani 'ifwaidi sakoidi i 'idewadi begaidi 'ana vitanina i 'eno'eno. Siwe Iobi i ve'awafatafata fai i 'asetai kebu tamu nani sakoina i da 'idewai.
'Auvea Iobi yana velu'ui i tutuli
1 Iobi enavo 'adi aitonu i veifufu i 'a'avana, 'Auvea Iobi yana velu'ui i tutuli kaukau luluvivilina 'wainega i vo,
2 Awale yamu bavu 'wainega yaku 'aseta wata yaku folova faifaina 'u vevelutoli?
3 Taunimu 'u na vetoketoke, lulumu 'u na 'waloi,
'ifwaidi yaku velutoli 'omu faifaimu, 'u na tutulidi.
4 Tutuyanina yau fwayafwaya 'ana kabutu'u a talakikili, 'omu ava'aibe bei?
'Ai'edi 'u na 'asetaiga 'u na voneku.
5 Aitoi 'ana 'etowava i venua'ivineni. 'Omu 'alo aitoi?
Nimamu 'u 'otoi bega 'u 'etowavai? 'Alo kebu.
6 Fwayafwaya 'ana kabutu'u ava'aiega i souyeni?
Fwayafwayanina 'ana 'unututu, aitoi i vetovoia?
7 Sino 'aiatanina 'waineye Kumauloku 'ubwana fuedi taiadi matatabudi i leilei,
We'e anelose*'Ana mogitana vona Ibeliu 'waineye, Yaubada natunavo. i vegolegole ma yadi sosoana.
8 Iel 5:22Aitoi malaveta i tavuni wata i kobia,
tutuyanina i toafwai fwayafwaya nagenega?
9 'Asa'aiana kumaniku yau waowa 'wainega malaveta a velu'uvai,
I 'a'avana dudubala 'wainega a umai.
10 Malavetanina 'ana tugusa a yatobodai,
'ana saiboda toketokedi a sivetovoidi.
11 A vo, 'Omu malaveta, 'amu fata side bei 'u na mai, kebu 'u na uvi'agala,
'amu yagina ma yadi nualaka side bei i na tutufuefueni.”