50 Me Isileli i miamia Laube'u Moabe 'waineye, Ufa Iolidani lilivaneye we'e Ieliko 'atamana vi'ainega. Bei 'Auvea Mosese i voneni i vo, 51-52 Me Isileli 'u na vonedi 'u na vo, Tutuyanina Ufa Iolidani 'wa na damani 'awalawa Kenani, tomotoganidi 'asiau bei i miamiani 'wa na luveyavulidi. Yadi 'eba 'odu'odu, kumaea kileu i dabidiga 'alo kumaea kainumu i tutudiga wata 'adi didiga bei i vetovoidiga 'wa na tuweawealidi. 53 Fwayafwayanina 'akonadi a 'aniveleneni 'waimie, 'wa na vili yami 'eba veimea. 54 Sal 26:54-56Wata 'wa na vadabadabai 'ami wauma 'waidiamo, bani'odi i na vemiga tutuyanina yaku kileu tabutabudi 'wa na tawetawedi. Wauma bwaikidi wata fwayafwaya bwaikidi we'e wauma siaidi wata fwayafwaya siaidi 'wa na veledi. Yami fwayafwaya 'wa na veuta tubumiavo 'adi wauma 'waidiamo.

55 'Ai'edi tomotoganidi bei i miamiani kebu 'wa na lu'wavinedi bega i na souyedi fwayafwayanina 'wainega, kumanidiavo 'wa na tauyedi i na miamiani, bola vita i na velevelemi 'awalawanina 'waineye. Vitanina 'wa da vo bani'odi 'ibwalobwalo'u matamie i da luku i da luta'ata'ali 'alo 'ailulu nuvilamie i da lovelovenimi. 56 'Ai'edi kebu 'wa na lu'wavinediga, vematavuloganina a da velediga ma'itufa a na velemi.”