Ambô Mavî atu be
Matyu
hekavu
Ambô himung
Matyu hekavu kapua tiêng me ya athêng yang nena Livai. Yêni me anô Islael te be hevong ku hiwa takis hiving Lom, yôvêm me hetak ku êng me hesopa Yisu. Yisu helam Pita lo Endulu me Jems lo Jon yôvêm me helam Matyu (Mat 4:18-22; 9:9-13). Matyu me Yisu ya ŋa hîndông lauming be lahavôyi takatu te.
Matyu hekavu vo niŋgik thô êndêng ŋa Juda nena Yisu me Mesaya. Mesaya me ambô Hiblu me hethak ambô Glik me Kilisi. Me ya ondong nena, “Ôpatu be Wapômbêng hîtôk vo nêŋgêv ya avîlanô livung vo îmô mavî.” Matyu hik thô nena Yisu me Mesaya atu be bôk ekavu hethak yêni hêk Moses lêk plopet ining kapua be ditu ambô takêng lêk ik anông ethak Kilisi. Yêni hekavu kapua ti vo ŋa Juda, metom la hiving ŋa long bôyang esam imbing.
Matyu hekavu kapua tiêng hêndêng 60 mena 70 AD ma.
1
Yisu Kilisi limi
(Luk 3:23-38)
1 Diti me Yisu Kilisi limi. Yêni me Ablaham lo Devit ining lim lêkmuk.
2 Ablaham hîmbî Aisak vê.
Me Aisak hîmbî Jekop vê.
Me Jekop hîmbî Juda lêk viyaŋi vê.
3 1:3 Stt 38:29-30; Rut 4:18-22Me Juda hîmbî Peles lo Sela vê. Me thêi ning katik me Tama.
Me Peles hîmbî Heslon vê.
Me Heslon hîmbî Lam vê.
4 Me Lam hîmbî Aminadap vê.
Me Aminadap hîmbî Nason vê.
Me Nason hîmbî Salmon vê.
5 1:5 Rut 4:13-17Me Salmon hîmbî Boas vê. Me Boas talêmbô me Lahap.
Me Boas hîmbî Obet vê. Me Obet talêmbô me Lut.
Me Obet hîmbî Jesi vê.
6 1:6 2Sml 12:24Me Jesi hîmbî King Devit vê.
Me Devit hîmbî Solomon vê. Me Solomon talêmbô me Ulia yanavî be Devit hiwa.
7 Me Solomon hîmbî Lehoboam vê.
Me Lehoboam hîmbî Abiya vê.
Me Abiya hîmbî Asa vê.
8 Me Asa hîmbî Jehosapat vê.
Me Jehosapat hîmbî Jeholam vê.
Me Jeholam me Usaia ya bumalô.
9 Me Usaia hîmbî Jotam vê.
Me Jotam hîmbî Ahas vê.
Me Ahas hîmbî Hesekaia vê.
10 Me Hesekaia hîmbî Manasa vê.
Me Manasa hîmbî Amon vê.
Me Amon hîmbî Josaia vê.
11 1:11 2King 24:14-16; 2Sto 36:10; Jer 27:20; 40:1; Dan 1:1-2Me Josaia me Jekonaia lêk viyaŋi ning bumalô. Jekonaia lêk viyaŋi ivutak hêndêng waklavông Islael ining ŋakyo evalong loho be iwa be ê êndô hîmô Babilon.
12 1:12 Esr 3:2Avîlanô Islael îmô Babilon denang,
me Jekonaia hîmbî Sialtiel vê.
Me Sialtiel me Selubabel ya bumalô.
13 Me Selubabel hîmbî Abiut vê.
Me Abiut hîmbî Elaiakim vê.
Me Elaiakim hîmbî Aso vê.
14 Me Aso hîmbî Sadok vê.
Me Sadok hîmbî Akim vê.
Me Akim hîmbî Eliut vê.
15 Me Eliut hîmbî Eleasal vê.
Me Eleasal hîmbî Matan vê.
Me Matan hîmbî Jekop vê.
16 Me Jekop hîmbî Josep vê. Me Josep ditu Malia yamalô. Me Malia êng ditu hevathu Yisu atu be elam nena Mesaya.
17 Me avîlanô takatu be ivutak êndêng Ablaham ya wakma heveng hele be hêyô Devit, loho me hîtôm ondong lauming be lahavôva. Me avîlanô takatu be ivutak êndêng Devit ya wakma hele be hêyô avîlanô Islael ê Babilon, loho me hîtôm ondong lauming be lahavôva bêng yom. Me avîlanô takatu be ivutak hêndêng wakma atu be avîlanô Islael îmô Babilon hele be hêyô Mesaya ya wakma me hîtôm ondong lauming be lahavôva bêng yom.
Malia hevathu Yisu
(Luk 2:1-7)
18 1:18 Luk 1:27,35Diti me Yisu Kilisi ya kôkôthing hivutak pîk iti. Malia ya avîlanô bôk epesang ambô yôv vo endom yêni ethak Josep. Thêi mî bôk êk iving i amî denang me êyê nena Malia lêk hethambeng. Lovak Matheng da hevong be sêik êng hivutak. 19 Metom Josep ôpatu be tem nimbua Malia me hîthông nena sêik atu be heva Malia la me hivutak bisête. Josep me anô thêthôp, be ditu hêndô nembong Malia moma îndôk avîlanô maleŋing. Êng me hethalo auk eveng vo netak yêni menang oyang bini.
20 Hethalo auk eveng denang me hêyê navîng te nena Anômbêng ya aŋêla te hêyô be henang nena, “Josep, Devit lim lêkmuk, sêik iti me hêlêm nang Lovak Matheng. Be ditu dô nôkô andô me numbua Malia bunu yong melak îtôm vônîm. 21 1:21 Luk 1:31; 2:21Me tem nembathu wakna te be nondam ya athêng nena Yisu,*1:21 Athêng Yisu ya ondong nena Anômbêng hiwa avîlanô vê injêk ining kambom. vômbê nena tem nimbua ya avîlanô vê injêk ining kambom.”
22 Me nômkama takiti hivutak vo Anômbêng ya ambô niŋgik anông nang bôk hêv ambô ti hêndêng plopet Aisaia be henang nena,
23 “Ondaŋô! Avî te mî hêk hiving anô amî denang me tem nethambeng be nembathu wakna te.
Be tem endam ya athêng nena Imanuel.” Aisaia 7:14
Athêng êng ya ondong nena, “Wapômbêng hîmô hiving aô.”
24 Me Josep hêyê navîng êng yôv me hesong hiviyô. Me hê hevong bêng hîtôm datu be Anômbêng ya aŋêla henang me hiwa Malia be hê ya melak hîtôm yanavî. 25 1:25 Luk 2:21Metom mî hêk hiving yanavî amî hele be hevathu wakna êng yôv. Me hêv athêng Yisu hêndêng wakna êng.
1:3 1:3 Stt 38:29-30; Rut 4:18-22
1:5 1:5 Rut 4:13-17
1:6 1:6 2Sml 12:24
1:11 1:11 2King 24:14-16; 2Sto 36:10; Jer 27:20; 40:1; Dan 1:1-2
1:12 1:12 Esr 3:2
1:18 1:18 Luk 1:27,35
1:21 1:21 Luk 1:31; 2:21
*1:21 1:21 Athêng Yisu ya ondong nena Anômbêng hiwa avîlanô vê injêk ining kambom.
1:25 1:25 Luk 2:21