11
Amɨn bamorɨ da Piŋkop gen yaŋ teŋteŋagɨmal
1 Esi 40.3; Sek 2.1-2Amɨn kɨnda da tɨlak yopyop kɨndap kɨrɨŋ kɨnda namɨŋek yaŋ nayɨgɨt, “Gak pɨdaŋek Piŋkop dakon telagɨ yut gat ae alta gat tɨlak yopmaŋ. Yaŋ aŋek amɨn uŋun yutgwan Piŋkop gawak ɨmaŋ uŋun manjɨki. 2 Lk 21.24; PA 13.5Mani tamo waŋga da tosok uŋun Amɨn Ŋwakŋwarɨ Kabɨ da egɨpni do parekbi, do uŋun tɨlak dɨma yɨpbi. Uŋun amɨn kabɨ da abɨŋ Piŋkop dakon telagɨ kokup pap pabɨŋ yopmaŋek kɨla tebaisi aŋek bamaŋakwa kanek 42 yaŋ akdɨsak. 3 Aŋakwa nak da amɨn bamorɨ uŋun geno yaŋ teŋteŋonjil do tapmɨm yobeŋ. Amɨn bamot uŋun bupmɨ dakon yɨk ɨmalyo baŋ pakdamal. Aŋek nak dakon gen yaŋ teŋteŋaŋakwal gɨldat 1,260 yaŋ akdɨsak.”
4 Sek 4.3,11-14Amɨn bamot uŋun mɨktɨm daman dakon Amɨn Tagɨni da ɨŋamon olip kɨndap bamot ae lam bamot akgamal uŋun mani. 5 2Sa 22.9; Kap 97.3Uwalni da yo yokwi aŋ yomni kaŋ, kɨndap gen kaganikon da noman taŋek soŋba mɨni aŋ. Asi, amɨn dɨ uŋun amɨn bamot yo yokwi aŋ yomni kaŋ, kosit yaŋon da si kɨmotdaŋ. 6 TP 7.17-20; 1Sa 4.8; 1KA 17.1Uŋun amɨn bamot kundu kosit sopmaŋ ɨbal kombɨ gen yonjil bɨsapmon sɨkak dɨma moni dakon tapmɨm taŋ yomaŋ. Ae pakbi kulabɨk abal yawi dagoni dakon tapmɨm kɨsi taŋ yomaŋ. Ae mɨktɨm amɨnon wasok mibɨlɨ mibɨlɨ abal amɨn yokwi toni dakon tapmɨm kɨsi taŋ yomaŋ. Yo uŋuden galaktoknikon tagɨ anjil.
7 Dan 7.21; PA 12.17; 13.7; 17.8Piŋkop dakon gen yaŋ teŋteŋaŋ aŋkɨ wasɨp aŋakwal, joŋ kɨlap yokwisi kɨnda uŋun gapma kɨdagɨ mɨni yɨpmaŋ degek kwen wɨkdɨsak. Wɨŋ amɨn bamot gat emat wamaŋek amɨn bamot pabɨŋ yopmaŋek dapban kɨmotdamal. 8 Lk 13.34Aŋakwan bumjotni uŋun kokup pap da kosit oba madepmon tokdamal. Kokup pap uŋun tɨlak aŋek mani Sodom ae Isip yaŋ yoŋ. Uŋun kokup pap uŋudon gɨn kalɨp Amɨn Tagɨni tɨlak kɨndapmon aŋakba kɨmakgɨt. 9 Amɨn mibɨlɨ mibɨlɨ geni mibɨlɨ mibɨlɨ yoŋ, ae gɨptɨmni mibɨlɨ mibɨlɨ, ae mɨktɨmɨ mɨktɨmɨ ekwaŋon da amɨn morapmɨsi da gɨldat kapbɨ ae gɨldat terɨ kɨnda amɨn bamot dakon bumjot pɨndatdaŋ. Ae yum pɨndagakwa amɨn da bumjotni dɨmasi wayɨtni do yokdaŋ. 10 Mɨktɨm amɨn da amɨn bamot uŋun kɨlɨ wagɨl kuŋwamal yaŋ pɨndagek, but kwaktok nandaŋek notni do but galak yo yomdaŋ, nido kombɨ amɨn bamot uŋun mɨktɨm amɨn tepmɨ madepsi yomgumal.
11 Esi 37.5,10Mani gɨldat kapbɨ gat ae gɨldat terɨ kɨnda kɨŋ mudaŋakwa, Piŋkop da egɨp egɨp mɨrɨm yɨpban amɨn bamot da butgwan pukwa pɨdaŋ akgɨmal. Agakwal amɨn bamot pɨndakgwit amɨn uŋun madepsi pasalgwit. 12 2KA 2.11Aŋakwa amɨn bamot uŋun nandaŋakwal amɨn kɨnda da Kwen Kokupgwan da tebai yaŋ tɨdaŋek yaŋ yoyɨgɨt, “Jil ɨdon wɨnjil.” Yaŋakwan uwalni pɨndagakwa amɨn bamot gɨkwem kagagwan wɨgek Kwen Kokup wɨgɨgɨmal. 13 PA 6.12; 16.18Wugakwal uŋudon gɨn wudɨp madepsi kɨnda aŋakwan kokup pap dakon tɨmɨ kɨnda tasɨk tagɨt. Aŋakwan tɨmɨ 9 kabɨ dagɨn tagɨ tawit. Uŋun wudɨp da amɨn 7 tausen yaŋ dapban kɨmakgwit. Aŋakwa si egɨpgwit amɨn madepsi pasalek Kwen Kokup Piŋkop dakon man yaŋ aŋkɨsiwit.
14 PA 9.12Kɨlɨ jɨgɨ madepsi kosirɨ 2 kɨlɨ uŋun mudak. Mani nandani, bɨsap pɨsɨpmɨsok egek jɨgɨ 3 noman tokdɨsak.
Aŋelo 7 kweŋ pɨsogɨt
15 TP 15.18; Kap 10.16; Dan 2.44; 7.14Kɨlɨ aŋelo 7 kweŋni pɨsogɨt. Aŋakwan nandaŋapbo Kwen Kokupgwan da madepsi yaŋ tɨdaŋek yawit, “Piŋkop Amɨn Tagɨnin gat ae Kristoni gat, uŋun bamot mɨktɨmɨ mɨktɨmɨ dakon kɨla amɨn madep dagamal. Amɨn Tagɨ da kɨla amɨn madep dagok dagogɨ mɨni egɨ wugɨkdɨsak.” 16 Aŋakwan kɨla amɨn 24 kabɨ iyɨ da kɨla amɨn madep yɨtyɨt tamokon Piŋkop da ɨŋamon yɨkgaŋ, uŋun ŋwakbeŋ aŋek tomni dabɨlni mɨktɨmon yopmaŋek Piŋkop gawak ɨmgwit. 17 Aŋek yaŋ yawit,
“Amɨn Tagɨ Piŋkop Tapmɨm Ami,
gak abɨsok egɨsal,
ae kalɨpsigwan egɨpgul.
Tapmɨm madepgo abɨdaŋek kɨla amɨn madep pigo wasaŋek asal,
do nin ya yaŋ gayamaŋ.
18 Kap 110.5; 115.13; Ro 2.5; PA 20.11-13Piŋkop do kuraktok aŋ amɨn uŋun Piŋkop do butjap madepsi nandawit,
mani gak da butjap madepsi pakdɨsal bɨsap kɨlɨ uŋun noman tosok.
Abɨsok amɨn kɨmakgwit gen pigokon opni dakon bɨsap.
Abɨsok pi monjɨgo do tomni tagɨsi yomdɨsal dakon bɨsap.
Uŋun kombɨ amɨn, ae gaga dakon mɨŋat amɨn kabɨ, ae gak dakon man do pasalek ekwaŋ amɨn, uŋun amɨn mani toŋ ae mani mɨni kɨsi do tomni tagɨsi yomdɨsal.
Abɨsok mɨŋat amɨnyo paŋupbal awit amɨn, uŋun paŋtasɨk aki dakon bɨsap.”
19 Ibr 9.4; PA 8.5; 15.5; 16.21Kɨla amɨn da yaŋ mudaŋakwa, aŋelo da Piŋkop dakon Telagɨ Yut Madep Kwen Kokup tosok uŋun wɨtdalgwit. Aŋakwa Piŋkop dakon Saŋbek Saŋbek Kɨnam Telagɨ Yut Madepmon taŋban kawit. Mal da dukwan dukwan yamaŋakwan kɨrɨrɨŋ uŋun wuwɨk madepsi yagɨt. Aŋakwan mɨktɨm wudɨp aŋakwan ais morapmɨ sɨkak da yaŋ mawit.
Sunduk gat amɨn kabɨni gat wagɨlsi tasɨk tawit
(Kɨlapmɨ 12–20)
11:1: Esi 40.3; Sek 2.1-2
11:2: Lk 21.24; PA 13.5
11:4: Sek 4.3,11-14
11:5: 2Sa 22.9; Kap 97.3
11:6: TP 7.17-20; 1Sa 4.8; 1KA 17.1
11:7: Dan 7.21; PA 12.17; 13.7; 17.8
11:8: Lk 13.34
11:11: Esi 37.5,10
11:12: 2KA 2.11
11:13: PA 6.12; 16.18
11:14: PA 9.12
11:15: TP 15.18; Kap 10.16; Dan 2.44; 7.14
11:18: Kap 110.5; 115.13; Ro 2.5; PA 20.11-13
11:19: Ibr 9.4; PA 8.5; 15.5; 16.21